پرەمەر-مينيستردٸڭ ورىنباسارى - سىرتقى ٸستەر مينيسترٸ مۇحتار تٸلەۋبەردٸ جەنەۆادا ٶتٸپ جاتقان بۇۇ ادام قۇقىقتارى جٶنٸندەگٸ كەڭەسٸنٸڭ (بۇۇ اقك) 46-شى سەسسيياسىنىڭ جوعارى دەڭگەيدەگٸ سەگمەنتتٸڭ ونلاين-وتىرىسىنا قاتىستى, دەپ حابارلايدى قر سٸم باسپاسٶز قىزمەتٸ.
ٸس-شاراعا بۇۇ-نىڭ ادام قۇقىقتارى جٶنٸندەگٸ جوعارعى كوميسسارى ميشەل باچەلەت, 150-دەن استام ەلدٸڭ ٷكٸمەت باسشىلارى مەن مينيسترلەرٸ, سونداي-اق حالىقارالىق ۇيىمداردىڭ ٶكٸلدەرٸ قاتىستى.
م.تٸلەۋبەردٸ ٶز سٶزٸندە تەۋەلسٸزدٸگٸمٸزدٸڭ 30 جىلدىعىندا ەل دامۋىنىڭ نەگٸزگٸ باسىمدىقتارىنىڭ بٸرٸ تۇڭعىش پرەزيدەنت - ەلباسى نۇرسۇلتان نازارباەۆتىڭ ادام قۇقىقتارى سالاسىنداعى ۇلتتىق جەنە حالىقارالىق ستاندارتتاردى ساقتاۋعا ارنالعان باعىتى بولىپ قالا بەرەتٸنٸن اتاپ ٶتتٸ.
سىرتقى ساياسي ۆەدومستۆوسىنىڭ باسشىسى قاتىسۋشىلاردى پرەزيدەنت قاسىم-جومارت توقاەۆتىڭ ادام قۇقىقتارىن قورعاۋ, دەموكراتييالىق قوعام قۇرۋ جەنە «حالىق ٷنٸنە قۇلاق اساتىن مەملەكەت» تۇجىرىمداماسىن ەنگٸزۋ بٶلٸگٸندە باستاماشىلىق ەتكەن ساياسي رەفورمالار پاكەتٸن ٸسكە اسىرۋدىڭ تابىستى تەجٸريبەسٸ تۋرالى حاباردار ەتتٸ. اتاپ ايتقاندا, بەيبٸت جيىندار تۋرالى جاڭا زاڭنىڭ قابىلدانۋى, جالا جابۋدى قىلمىستىق سيپاتتان ارىلتۋ, قىلمىستىق كودەكستٸڭ جەكەلەگەن باپتارىن ٸزگٸلەندٸرۋ, ەيەلدەر مەن جاستار ٷشٸن 30% سايلاۋ كۆوتاسىن ەنگٸزۋ, سونداي-اق قازاقستاننىڭ ٶلٸم جازاسىنىڭ كٷشٸن جويۋ تۋرالى ەكٸنشٸ فاكۋلتاتيۆتٸك حاتتاماسىنا قوسىلۋى ٶزەكتٸ جەتٸستٸكتەر قاتارىندا اتاپ ٶتٸلدٸ.
م. تٸلەۋبەردٸ قازاقستاننىڭ بەيبٸتشٸلٸكتٸ, كەلٸسٸمدٸ نىعايتۋ جەنە ادامنىڭ ٸرگەلٸ قۇقىقتارىن قامتاماسىز ەتۋ بويىنشا ۇجىمدىق جاھاندىق كٷش-جٸگەرگە بارىنشا ٷلەس قوسۋعا بەيٸلدٸلٸگٸن راستادى. وسىعان بايلانىستى ول قازاقستاننىڭ 2022-2024 جىلدارعا ارنالعان بۇۇ اقك مٷشەلٸگٸنە ٶتٸنٸمٸن جارييالاپ, ونىڭ حالىقارالىق قوعامداستىقتىڭ تاراپىنان قولداۋىنا ٷمٸت بٸلدٸردٸ.
