قازاقستان ازاماتتارىنىڭ نازارىنا 26 جەلتوقساندا سايلاۋشىلاردىڭ تٸزٸمٸ ۇسىنىلادى.
بۇل تۋرالى ورتالىق سايلاۋ كوميسسيياسى تٶراعاسىنىڭ ورىنباسارى كونستانتين پەتروۆ مەلٸم ەتتٸ, دەپ حابارلايدى "ۇلت اقپارات".
«ەربٸر ازامات سايلاۋشىلار تٸزٸمٸندەگٸ ٶزٸ تۋرالى مەلٸمەتتٸ تەكسەرە الادى. ازاماتتار سونىمەن قاتار ول تٸزٸمگە مٷلدە ەنگٸزٸلمەي قالۋ نەمەسە دۇرىس ەنگٸزٸلمەي قالۋ, شىعىپ قالۋ جاعدايلارىنا قاتىستى شاعىم بٸلدٸرە الادى. 26 جەلتوقساننان باستاپ سايلاۋعا 20 كٷن قالعاندا تۇرعىلىقتى جەر بويىنشا ەزٸرلەنگەن سايلاۋشىلاردىڭ تٸزٸمٸ تانىسۋ ٷشٸن سايلاۋشىلاردىڭ نازارىنا ۇسىنىلادى», - دەدٸ كونستانتين پەتروۆ ورتالىق سايلاۋ كوميسسيياسىنىڭ ونلاين رەجيمٸندە ٶتٸپ جاتقان وتىرىسىندا.
ازاماتتار ۋچاسكەلٸك سايلاۋ كوميسسييالارى وتىراتىن نىساندا ول تٸزٸمدٸ تەكسەرٸپ, ٶزٸ تۋرالى مەلٸمەتتەردٸڭ دۇرىس ەنگٸزٸلگەنٸن نەمەسە ەنگٸزٸلمەگەنٸن تەكسەرە الادى.
«ۋچاسكەلٸك سايلاۋ كوميسسييالارىنىڭ جۇمىس كەستەسٸن اۋماقتىق سايلاۋ كوميسسييالارى بەكٸتەدٸ. سايلاۋشىلاردىڭ تٸزٸمٸنە ٶزگەرٸستەر ەنگٸزۋ تۋرالى شاعىمدى تٷسكەن كٷننەن باستاپ تيٸستٸ سايلاۋ كوميسسييالارى قارايدى. ەگەر ول شاعىمدى قاراۋدان باس تارتسا, سايلاۋ كوميسسيياسى ونىڭ سەبەبٸن تٷسٸندٸرۋٸ كەرەك. ازاماتتاردىڭ بۇل شەشٸمگە قاتىستى شاعىمدى قايتا سوتقا جولداۋىنا مٷمكٸندٸك بار», - دەدٸ ول.
