Qazaqstan azamattarynyń nazaryna 26 jeltoqsanda sailaýshylardyń tizimi usynylady.
Bul týraly Ortalyq sailaý komissiiasy tóraǵasynyń orynbasary Konstantin Petrov málim etti, dep habarlaidy "Ult aqparat".
«Árbir azamat sailaýshylar tizimindegi ózi týraly málimetti teksere alady. Azamattar sonymen qatar ol tizimge múlde engizilmei qalý nemese durys engizilmei qalý, shyǵyp qalý jaǵdailaryna qatysty shaǵym bildire alady. 26 jeltoqsannan bastap sailaýǵa 20 kún qalǵanda turǵylyqty jer boiynsha ázirlengen sailaýshylardyń tizimi tanysý úshin sailaýshylardyń nazaryna usynylady», - dedi Konstantin Petrov Ortalyq sailaý komissiiasynyń onlain rejiminde ótip jatqan otyrysynda.
Azamattar ýchaskelik sailaý komissiialary otyratyn nysanda ol tizimdi tekserip, ózi týraly málimetterdiń durys engizilgenin nemese engizilmegenin teksere alady.
«Ýchaskelik sailaý komissiialarynyń jumys kestesin aýmaqtyq sailaý komissiialary bekitedi. Sailaýshylardyń tizimine ózgerister engizý týraly shaǵymdy túsken kúnnen bastap tiisti sailaý komissiialary qaraidy. Eger ol shaǵymdy qaraýdan bas tartsa, sailaý komissiiasy onyń sebebin túsindirýi kerek. Azamattardyń bul sheshimge qatysty shaǵymdy qaita sotqa joldaýyna múmkindik bar», - dedi ol.
