فوتو: kazgazeta.kz
قازاقستان رەسپۋبليكاسىنىڭ زاڭناماسىنا سەيكەس, ەربٸر ازامات ٶزٸنٸڭ تەگٸن (فاميليياسىن) ٶزگەرتۋگە قۇقىلى. تەكتٸ قانداي جاعدايلاردا ٶزگەرتەدٸ جەنە قانداي قۇجاتتار كەرەك? بۇل تۋرالى تولىعىراق «ازاماتتارعا ارنالعان» مەملەكەتتٸك كورپوراتسييانىڭ الماتى فيليالى ايتىپ ٶتتٸ, دەپ حابارلايدى Ult.kz.
تەكتٸ ٶزگەرتۋ ٷشٸن قاجەتتٸ قۇجاتتار: ٶتٸنٸش, جەكە كۋەلٸك نەمەسە تٶلقۇجات, تۋۋ تۋرالى كۋەلٸك, نەكە كۋەلٸگٸ (ەگەر نەكەدە بولسا), بالالاردىڭ تۋۋ تۋرالى كۋەلٸكتەرٸ (بار بولسا), مەملەكەتتٸك باجدى تٶلەگەن تٷبٸرتەك (1 ايلىق ەسەپتٸك كٶرسەتكٸش – اەك), ەر ادامدار ٷشٸن – ەسكەري بيلەت كٶشٸرمەسٸ.
بۇل رەسٸم ازاماتتىڭ تۇرعىلىقتى جەرٸ بويىنشا ازاماتتىق حال اكتٸلەرٸن تٸركەۋ بٶلٸمٸنە نەمەسە حالىققا قىزمەت كٶرسەتۋ ورتالىعىنا جٷگٸنۋ ارقىلى جٷزەگە اسىرىلادى. قۇجاتتار قابىلدانعان سوڭ, ٶتٸنٸش احات بٶلٸمٸندە 30 كٷن ٸشٸندە قارالادى.
«تەكتٸ ٶزگەرتۋ ەرتٷرلٸ جاعدايدا ورىن الادى. اتاپ ايتساق, ٶز قالاۋى بويىنشا, قۇجاتتا قاتە جازىلعان كەزدە, نەكەگە تۇرۋ نەمەسە بۇزۋ كەزٸندە, بالانى اسىراپ الۋ كەزٸندە تەكتٸ ٶزگەرتٸپ جاتادى. الماتى قالاسى بويىنشا جىل باسىنان بەرٸ 2431 ازامات تەگٸن ٶزگەرتۋگە ٶتٸنٸش بەردٸ» ,– دەيدٸ احات باسقارماسىنىڭ باسشىسى بايان ابدۋللانوۆا.
ٶز قالاۋى بويىنشا تەكتٸ ٶزگەرتۋگە ازاماتتار 16 جاستان باستاپ اتا-اناسىنىڭ نەمەسە قامقورشىسىنىڭ جازباشا كەلٸسٸمٸمەن رۇقسات الا الادى.
ازاماتتىق حال اكتٸلەرٸنە ٶزگەرٸس ەنگٸزٸلٸپ, ازاماتتىڭ تەگٸ ٶزگەرگەن سوڭ, جەكە كۋەلٸك, تۋۋ تۋرالى كۋەلٸك, جٷرگٸزۋشٸ كۋەلٸگٸ, كٶلٸك قۇجاتتارى, ەگەر بولسا نەكە تۋرالى كۋەلٸك, مٷلٸككە بايلانىستى قۇجاتتار, بانكتٸك شوتتار مەن كارتالار ٶزگەرتٸلۋٸ تيٸس.
ايتا كەتۋ كەرەك, ديپلومدار مەن اتتەستاتتاردى قايتا رەسٸمدەۋ مٸندەتتٸ ەمەس. ەگەر قاجەت بولعان جاعدايدا, ازاماتتارعا نوتاريالدى كۋەلاندىرىلعان انىقتاما بەرٸلەدٸ.
