قازاقستان ەسكەري نىسانداردىڭ ديۆەرسيياعا قارسى قاۋٸپسٸزدٸگٸن كٷشەيتتٸ. بۇل تۋرالى قر قك بش ستراتەگييالىق جوسپارلاۋ دەپارتامەنتٸ باسقارماسىنىڭ باستىعى پولكوۆنيك دەۋرەن ابدۋللين مەلٸم ەتتٸ, دەپ حابارلايدى قازاقپارات.
«قارۋلى كٷشتەردە قىراعىلىقتى كٷشەيتۋ اياسىندا مىناداي ٸس-شارالار ٶتكٸزٸلۋدە. داعدارىستىق جاعداي تۋىنداعان كەزدە كەزەكشٸلٸك كٷشتەر مەن قۇرالداردىڭ ٸس-قيمىلدارىنىڭ تەرتٸبٸ ناقتىلانىپ, جاتتىعۋلار ٶتكٸزٸلدٸ. بٸرلەسكەن ىقتيمال ٸس-قيمىلداردى ۇيىمداستىرۋ ٷشٸن مەملەكەتتٸك ورگاندار باسقا دا ەسكەرلەر, ەسكەري قۇرىلىمدار اراسىندا ٶزارا جۇمىس ۇيىمداستىرىلدى», - دەدٸ ول.
باسقارما باستىعىنىڭ اتاپ ٶتۋٸنشە, ەۋە كەڭٸستٸگٸن قورعاۋ قىزمەت اتقاراتىن كەزەكشٸلٸك اتقاراتىن كٷشتەر مەن ەۋە شابۋىلىنا قارسى مايدان جەنە اۆياتسييا قۇرامى ۇلعايتىلدى.
«ەسكەري نىسانداردىڭ ديۆەرسيياعا قارسى قاۋٸپسٸزدٸگٸ كٷشەيتٸلٸپ, قويمالار مەن ارسەنالداردى كٷزەتۋ ٷشٸن قوسىمشا جاساقتار بٶلٸندٸ. ارنايى وپەراتسييالار مەن ەسكەري كٶلٸك-اۆياتسييا كٷشتەرٸنٸڭ بٶلٸمشەلەرٸ كٷشەيتٸلگەن جۇمىس رەجيمٸنە اۋىستىرىلدى. قارۋلى كٷشتەردٸڭ مەملەكەتتٸك شەكارانى قورعاۋدى كٷشەيتۋ جٶنٸندەگٸ ٸس-قيمىل جوسپارلارى ناقتىلاندى», - دەدٸ دەۋرەن ابدۋللين.
