Qazaqstan áskeri nysandardyń diversiiaǵa qarsy qaýipsizdigin kúsheitti. Bul týraly QR QK BSh Strategiialyq josparlaý departamenti basqarmasynyń bastyǵy polkovnik Dáýren Abdýllin málim etti, dep habarlaidy QazAqparat.
«Qarýly Kúshterde qyraǵylyqty kúsheitý aiasynda mynadai is-sharalar ótkizilýde. Daǵdarystyq jaǵdai týyndaǵan kezde kezekshilik kúshter men quraldardyń is-qimyldarynyń tártibi naqtylanyp, jattyǵýlar ótkizildi. Birlesken yqtimal is-qimyldardy uiymdastyrý úshin memlekettik organdar basqa da áskerler, áskeri qurylymdar arasynda ózara jumys uiymdastyryldy», - dedi ol.
Basqarma bastyǵynyń atap ótýinshe, áýe keńistigin qorǵaý qyzmet atqaratyn kezekshilik atqaratyn kúshter men áýe shabýylyna qarsy maidan jáne aviatsiia quramy ulǵaityldy.
«Áskeri nysandardyń diversiiaǵa qarsy qaýipsizdigi kúsheitilip, qoimalar men arsenaldardy kúzetý úshin qosymsha jasaqtar bólindi. Arnaiy operatsiialar men áskeri kólik-aviatsiia kúshteriniń bólimsheleri kúsheitilgen jumys rejimine aýystyryldy. Qarýly kúshterdiń memlekettik shekarany qorǵaýdy kúsheitý jónindegi is-qimyl josparlary naqtylandy», - dedi Dáýren Abdýllin.
