تاياۋ جىلدارى قازاقستان ارقىلى ينتەرنەت-سەلەمدەمە ترانزيتٸن 6 ەسەگە ۇلعايتۋعا بولادى. بۇل تۋرالى بٷگٸن حالىقپەن ەسەپتٸك كەزدەسۋ ٶتكٸزٸپ جاتقان ۇلتتىق ەكونوميكا مينيسترٸ رۋسلان دەلەنوۆ ايتتى, دەپ حابارلايدى قازاقپارات تٸلشٸسٸ.
«تاياۋ 5 جىلدىڭ ٸشٸندە ەلەكتروندى ساۋدا اينالىمى 1 ترلن دوللارعا ارتاتىندىعى كٷتٸلٸپ وتىر. بٸز ەۋروپا مەن قىتاي اراسىندا, تۇتىنۋشى مەن سەلەمدەمەلەردٸ جٶنەلتۋشٸلەردٸڭ اراسىندا ٶتە تيٸمدٸ ورنالاسقانبىز. سوندىقتان كٶلٸك لەگٸن قازاقستان ارقىلى جٶنەلتۋدٸڭ كەلەشەگٸ ٷلكەن. بۇل ٷشٸن بارلىق ينفراقۇرىلىم بار. مۇنداي سەلەمدەمەلەردٸ رەسٸمدەۋ ٷشٸن بارلىق كەدەندٸك تٷزەتۋلەر ەنگٸزٸلگەن. بٸز تاياۋ جىلدارى قازاقستان ارقىلى ينتەرنەت-سەلەمدەمە ترانزيتٸن 6 ەسەگە ۇلعايتۋعا بولادى دەپ ەسەپتەيمٸز», - دەدٸ مينيستر.
ونىڭ اتاپ ٶتۋٸنشە, ونلاين-ساۋدانى ىنتالاندىرۋ ٷشٸن ينتەرنەتتە ەلەكتروندى ەدٸس ارقىلى ساۋدا جاسايتىندارعا تابىس سالىعى مەن كورپوراتيۆتٸك تابىس سالىعى بٸرنەشە جىلعا الىنىپ تاستالعان. ەكسپورتقا ارنالعان تاۋارلاردى دەكلاراتسييالاۋ دا جەڭٸلدەتٸلگەن.
«ەندٸگٸ ۋاقىتتا ينتەرنەت ارقىلى ساتىپ الىناتىن پوشتا قۇجاتتارى نەمەسە سەلەمدەمەلەر كٶتەرمە رەسٸمدەلۋٸ مٷمكٸن. ەندٸ پوشتا قۇجاتتارى دەكلاراتسييا رەتٸندە تانىلادى. ەلەكتروندى ساۋدا ٶتە قارقىندى دامىپ كەلەدٸ جەنە بارىنشا تيٸمدٸ سەكتور سانالادى», - دەدٸ رۋسلان دەلەنوۆ.
مينيسترلٸكتٸڭ دەرەگٸنشە, ەلٸمٸزدە تۇتىنۋشىلاردىڭ قۇقىعىن قورعاۋ ينستيتۋتى كٷشەيتٸلٸپ جاتىر. ەلەكتروندىق ساۋداداعى ساتىپ الۋشى كەدٸمگٸ ساۋداداعىداي قورعالعان. ەلەكتروندىق ساۋدا شارتتارى جاقسارتىلۋدا. ٶتكەن جىلى ونىڭ بٶلشەك ساۋداداعى ٷلەسٸ 1,9-دان 2,9 پايىزعا نەمەسە 92 ملرد تەڭگەگە ۇلعايدى.
