التىن وردانىڭ قازاقستان ٷشٸن ماڭىزى قانداي? بۇل سۇراققا ەلەمدٸك ەكونوميكا جەنە ساياسات ينستيتۋتىنىڭ «ٸشكٸ ساياسي, گۋمانيتارلىق جەنە مەديا زەرتتەۋلەر» باعدارلاماسىنىڭ باس ساراپشىسى راديك تەمٸرعاليەۆ تالداۋ جاساي وتىرىپ, جاۋاپ بەردٸ, دەپ حابارلايدى قازاقپارات.
«التىن وردا قازاقستانعا نەسٸمەن ماڭىزدى? بٸرٸنشٸدەن, تاريحتىڭ ماڭىزدى بٶلٸگٸنٸڭ كٶلەڭكەدە قالىپ قويۋى – بٸزدٸڭ تاريحتى تۇتاستىعىنان ايىرادى. بىلايشا ايتقاندا, اتا-بابامىزدىڭ ەكٸ عاسىرلىق تاريحىن شەتكە ىسىرىپ, قاراحان ەۋلەتٸنەن نەمەسە قىپشاق حاندىعىنان بٸردەن قازاق حاندىعىنا سەكٸرٸپ تٷسە المايمىز. ياعني, ولاي ەتۋ قىتاي تاريحىن تاڭ ديناستيياسىنسىز نەمەسە رەسەيدٸ ريۋريكوۆيچ كەزەڭٸنەن بٶلٸپ قاراستىرۋمەن بٸردەي. بۇلاي ەتسەك, تاريح لوگيكاسى قۇردىمعا كەتٸپ, تاريحي پروتسەستەگٸ بايلانىستى ٷزٸپ الامىز», - دەدٸ راديك تەمٸرعاليەۆ ەلوردادا ٶتكەن «التىن وردا. تاريح پەن تاعىلىم» اتتى دٶڭگەلەك ٷستەلدە.
ساراپشى التىن وردانىڭ تاريحىن تولىعىمەن زەرتتەپ الماي, قازاق حاندىعىن تانۋ مٷمكٸن ەمەس ەكەنٸن ايتتى.
«ەكٸنشٸدەن, قازاقستاندىق قوعام التىن ورداسىز ٶزٸنٸڭ سيمۆوليكالىق كاپيتالىنىڭ ماڭىزدى بٶلٸگٸن جوعالتىپ الادى. ەرتٷرلٸ زەرتتەۋ جۇمىستارى قوعام مەن جەكە تۇلعانىڭ دامۋىنا قانشالىقتى ەسەر ەتكەنٸن, پسيحولوگييالىق ىقپالى بولاتىنىن دەلەلدەگەن. قىسقاشا ايتقاندا, مىعىم ەرٸ ەكونوميكاسى دامىعان, مەدەنيەتٸ باي, ەسكەري-ساياسي دەرجاۆانىڭ نەگٸزٸن قالاعان بابالارىمىزدىڭ ٷلگٸسٸ قازٸرگٸ قوعامنىڭ امبيتسيياسىنا قوعامدىق ەسەرٸن تيگٸزەدٸ. ٶزٸڭە دەگەن سەنٸم جوق بولسا, ەشقانداي اسۋدى الا المايتىنىڭىز انىق. بۇل رەتتە التىن وردانىڭ تاريحى حالىقتىڭ رۋحىن جاڭعىرتىپ, قازاق پاتريوتيزمٸن بەكەمدەۋدە ماڭىزدى رٶل اتقارادى», - دەدٸ راديك تەمٸرعاليەۆ.
تاريحشىنىڭ سٶزٸنشە, قازاقستان التىن وردانىڭ قانداي دا بٸر مۇراسىن جەكەشەلەندٸرٸپ الۋدى ويلاپ وتىرعان جوق.
«بۇل – تٷركٸ حالىقتارىنىڭ ورتاق مۇراسى. اتالعان تاريحي كەزەڭدٸ زەرتتەۋدە تاتارستان عالىمدارىنىڭ قانشالىقتى ٷلەس قوسقانىن بٸلەمٸز. بٸر-بٸرٸمٸزبەن ەتەنە جۇمىس جٷرگٸزۋدٸڭ ارقاسىندا عانا بٸز التىن ورداعا ەلەمدٸك تاريحتا لايىقتى ورىن بەرە الامىز», - دەيدٸ ساراپشى.
ەسكە سالا كەتسەك, بٷگٸن ەلوردادا «التىن وردا. تاريح پەن تاعىلىم» اتتى دٶڭگەلەك ٷستەلٸ ٶتٸپ, التىن وردا تاريحىنا قاتىستى تاتارستاندىق تاريح عىلىمىنىڭ دوكتورى, ەتنوگراف دامير يسكاكوۆ, تٷركٸ اكادەميياسىنىڭ ساراپشىسى, فيلولوگييا عىلىمدارىنىڭ كانديداتى تيمۋر كوزىرەۆ, تاريح عىلىمىنىڭ دوكتورى, قر بعم مەملەكەت تاريحى ينستيتۋتىنىڭ ديرەكتورى بٷركٸت اياعان پٸكٸر بٸلدٸرگەن ەدٸ.
