قازاقستان التىن قورى بويىنشا ەلەمدە 16-ورىندا تۇر. بۇل جايىندا مەجٸلٸستەگٸ «اقجول» فراكتسيياسىنىڭ دەپۋتاتتىق ساۋالىنا جاۋاپ بەرگەن ۇلتتىق بانك تٶراعاسى دانييار اقىشەۆ مەلٸم ەتتٸ, دەپ حابارلايدى قازاقپارات تٸلشٸسٸ.
«قازٸرگٸ ۋاقىتتا ۇلتتىق بانكتٸڭ التىن-ۆاليۋتا رەزەرۆتەرٸنٸڭ قۇرىلىمىنداعى التىن كٶلەمٸ 42,3 پايىزعا جەتتٸ. بۇل تاريحي تۇرعىدان ەڭ جوعارى شاما (التىننىڭ ەڭ از 7,2 پايىز ٷلەسٸ 2006 جىلى بايقالدى) بولىپ تابىلادى. قۇن بويىنشا بۇل كٶلەم 12,9 ملرد اقش دوللارىن, ال ناقتى شامادا 323 توننانى قۇرايدى. دٷنيەجٷزٸلٸك التىن جٶنٸندەگٸ كەڭەستٸڭ دەرەكتەرٸ بويىنشا قازاقستان التىن رەزەرۆتەرٸ بويىنشا ەلەمدە 16-شى ورىندا», - دەپ اتاپ ٶتەدٸ دانييار اقىشەۆ.
ونىڭ ايتۋىنشا, التىن كٶلەمٸ 2011 جىلدان بەرٸ ايتارلىقتاي ٶستٸ. ول كەزدە ۇلتتىق بانككە زاڭنامالىق دەڭگەيدە وتاندىق ٶندٸرۋشٸلەردەن تازارتىلعان التىندى باسىمدىقپەن ساتىپ الۋ قۇقىعى بەرٸلگەن ەدٸ.
«تيٸسٸنشە, ۇلتتىق بانكتٸڭ ناقتى التىنىنىڭ ەدەۋٸر كٶلەمٸ ونى گەوساياسي تەۋەكەلدەردەن قورعاي وتىرىپ, قازاقستاننىڭ اۋماعىندا ساقتالۋدا. ناقتى التىن دەپوزيتكە ورنالاستىرۋعا بولاتىن اللوكيرلەنبەگەن التىنعا قاراعاندا كٸرٸس ەكەلمەيتٸنٸن اتاپ ٶتەمٸن», - دەدٸ ول.
