قر پرەمەر-مينيسترٸ اسقار ماميننٸڭ تٶراعالىعىمەن ٶتكەن ٷكٸمەتتٸڭ سەلەكتورلىق وتىرىسىندا كٶكتەمگٸ ەگٸس جۇمىستارىن ٶتكٸزۋ بارىسى قارالدى.
اۋىل شارۋاشىلىعى مينيسترٸ ساپارحان وماروۆ, ەنەرگەتيكا مينيسترٸ نۇرلان نوعاەۆ, تٷركٸستان وبلىسىنىڭ ەكٸمٸ ٶمٸرزاق شٶكەەۆ, قوستاناي وبلىسىنىڭ ەكٸمٸ ارحيمەد مۇحامبەتوۆ جەنە سولتٷستٸك قازاقستان وبلىسىنىڭ ەكٸمٸ قۇمار اقساقالوۆ بايانداما جاسادى, دەپ حابارلايدى primeminister.kz سايتى.
2020 جىلى اۋىل شارۋاشىلىعى داقىلدارىن 22,5 ملن گا الاڭعا ەگۋ جوسپارلانعان. بۇل رەتتە دەندٸ جەنە دەندٸ-بۇرشاقتى داقىلدار الاڭى 15,2 ملن گا, ونىڭ ٸشٸندە بيداي الاڭى 11,4 ملن گا قۇرايدى. مايلى داقىلداردىڭ بولجامدى الاڭى 3 ملن گا, كٶكٶنٸس-باقشا داقىلدارى مەن كارتوپ الاڭى 471,7 مىڭ گا, ازىقتىق داقىلدار الاڭى 3,7 ملن گا, تەحنيكالىق داقىلدار 132,5 مىڭ گا قۇرايدى.
اۋىل شارۋاشىلىعى داقىلدارى رەسپۋبليكانىڭ بارلىق ٶڭٸرلەرٸندە ەگٸلٸپ جاتىر. قازٸرگٸ ۋاقىتتا دەندٸ جەنە دەندٸ-بۇرشاقتى داقىلدار 9,6 ملن گا نەمەسە جوسپاردىڭ – 65%, مايلى داقىلدار – 2,3 ملن گا (76%), كٶكٶنٸس-باقشا داقىلدارى مەن كارتوپ – 400 مىڭ گا (85%), قانت قىزىلشاسى – 20,5 مىڭ گا (93%), ماقتا – 118 مىڭ گا (100%), كٶپجىلدىق شٶپتەر – 352 مىڭ گا (100%) ەگٸلدٸ. وڭتٷستٸكتەگٸ وبلىستاردا, سونداي-اق اقتٶبە جەنە اتىراۋ وبلىستارىندا ەگٸس جۇمىستارى اياقتالۋعا تاياپ قالدى. بيىل جاقسى ٶنٸم الۋ ٷشٸن قولايلى اۋا رايى بولادى دەپ بولجانۋدا.
«بٸرٸككەن ۇلتتار ۇيىمىنىڭ جانىنداعى ازىق-تٷلٸك جەنە اۋىل شارۋاشىلىعى ۇيىمى – FAO بولجامى بويىنشا قازاقستان اگروٶنەركەسٸپتٸك كەشەن سالاسىنداعى ەلەۋەتٸ جوعارى اقش, اۆسترالييا, برازيلييا جەنە ارگەنتينا مەملەكەتتەرٸنٸڭ قاتارىندا جەنە ەلەمدٸك ازىق-تٷلٸك حابىنا اينالۋىنا ناقتى مٷمكٸندٸگٸ بار», — دەدٸ ا. مامين.
پرەمەر-مينيستر اۋىل شارۋاشىلىعى ٶندٸرٸسٸنٸڭ قارقىنىن ۇلعايتۋ اياسىندا ساپالى ەرٸ قولجەتٸمدٸ شيكٸزات بازاسىن ٶسٸرۋ, ٶنٸمدٸلٸكتٸ جوعارىلاتۋ, جوعارى بٶلٸنٸس ٶنٸمدەرٸنٸڭ ٶندٸرٸسٸنە جەدەل كٶشۋ بويىنشا شارالاردى قابىلداۋدى تاپسىردى.
ٷكٸمەت باسشىسى العا قويعان مٸندەتتەردٸڭ ورىندالۋىنا تٷركٸستان وبلىسىن مىسال رەتٸندە كەلتٸردٸ, وندا 4 جىل ٸشٸندە اۋىل شارۋاشىلىعى ٶندٸرٸسٸن 3 ەسەگە ارتتىرۋ بويىنشا كەشەندٸ جوسپار بار.
مەملەكەتتٸك قولداۋ اياسىندا زاماناۋي سۋارۋ تەحنولوگييالارىن پايدالانا وتىرىپ, ٸرٸ جەنە ورتا اۋىل شارۋاشىلىعى قۇرىلىمدارىنىڭ سۋارمالى ۋچاسكەلەرٸن كەڭەيتۋگە, ەگٸن كٶلەمٸن ۇلعايتۋعا ەرەكشە نازار اۋدارىلادى. بۇل دايىن ٶنٸم ٶندٸرەتٸن كەلەسٸ ٶندٸرٸستەردٸ دامىتۋعا مۋلتيپليكاتيۆتٸ ەسەر بەرەدٸ.
پرەمەر-مينيستر اۋىل شارۋاشىلىعى مينيسترلٸگٸنە ەكٸمدٸكتەرمەن بٸرگە ەر ٶڭٸر بويىنشا اۋىل شارۋاشىلىعى سالاسىنىڭ ەرەكشەلٸگٸن ەسكەرٸپ, اگروٶنەركەسٸپ كەشەنٸن دامىتۋدىڭ كەشەندٸ باعدارلاماسىنىڭ جاڭا تۇجىرىمداماسىن ەزٸرلەۋدٸ تاپسىردى.
