«قازاقفيلم» كينوستۋديياسىنىڭ اۋماعىندا اتى اڭىزعا اينالعان كينورەجيسسەر, كسرو حالىق ارتيسٸ شەكەن ايمانوۆتىڭ تۋعانىنا 108 جىل تولۋىنا وراي ەسكەرتكٸشٸنە گٷل شوقتارى قويىلدى.
سونداي-اق جاقىندا عانا 99 جاسقا تولعان قر حالىق ەرتٸسٸ, قازاقستان رەسپۋبليكاسى مەملەكەتتٸك سىيلىعىنىڭ لاۋرەاتى, قازاقستاننىڭ ەڭبەك ەرٸ يۋريي پومەرانتسەۆكە ارنالعان ەسكەرتكٸش جۇلدىزدىڭ سالتاناتتى اشىلۋى ٶتتٸ, دەپ حابارلايدى قازاقپارات.
اتالمىش شاراعا دەنساۋلىعىنا بايلانىستى يۋريي پومەرانتسەۆتىڭ ٶزٸ قاتىسا المادى.
سالتاناتتى شاراعا «قازاقفيلم» كينوستۋديياسى مەن م.لەرمونتوۆ اتىنداعى مەملەكەتتٸك اكادەمييالىق ورىس دراما تەاترى باسشىلىعى مەن ۇجىمى, ۇلتتىق كينونى قولداۋ مەملەكەتتٸك ورتالىعىنىڭ ٶكٸلدەرٸ, شەكەن ايمانوۆتىڭ تۋعان-تۋىستارى, بەلگٸلٸ كينوگەرلەر مەن جۋرناليستەر قاتىستى.
«مٸنە, 40 جىلعا جۋىق بٸزدٸڭ كينوستۋدييامىز ۇلى رەجيسسەر شەكەن ايمانوۆتىڭ ەسٸمٸمەن اتالىپ كەلەدٸ. ول بٸزدٸڭ مەدەنيەتٸمٸزدٸڭ دامۋىنا ٷلكەن ٷلەس قوستى. شەكەن كەنجەتايۇلى زامانداستارىمەن بٸرگە ۇلتتىق كينونىڭ بەرٸك ٸرگەتاسىن قالادى. سونداي-اق, بٷگٸن قازاق كينوسىنىڭ جۇلدىزدار اللەياسىندا «بٸزدٸڭ سٷيٸكتٸ دەرٸگەر» فيلمٸندە باستى رٶلدٸ سومداعان قر حالىق ەرتٸسٸ, قازاقستاننىڭ ەڭبەك ەرٸ يۋريي بوريسوۆيچ پومەرانتسەۆكە ارنالعان اتاۋلى جۇلدىز جاندى», - دەدٸ «قازاقفيلم» كينوستۋديياسىنىڭ پرەزيدەنتٸ اقان ساتاەۆ.
اتالعان شاراعا م.لەرمونتوۆ اتىنداعى ۇلتتىق ورىس دراما تەاترىنىڭ ديرەكتورى يۋريي ياكۋشەۆ قاتىسىپ, كينوستۋدييا باسشىلىعىنا ٸلتيپات بٸلدٸرگەنٸ ٷشٸن العىس ايتىپ, كەلەسٸ جىلى يۋريي پومەرانتسەۆتىڭ جٷز جىلدىق مەرەيتويى تويلاناتىنىن اتاپ ٶتتٸ.
ٸس-شارادان كەيٸن قازاق كينوسىنىڭ مۋزەيٸندە قوناقتارعا ارنالعان شاعىن ەكسكۋرسييا ٶتكٸزٸلدٸ. ەكسكۋرسييا بارىسىندا «قازاقفيلمنٸڭ» پرەزيدەنتٸ اقان ساتاەۆ جينالعاندارعا جاڭعىرتۋ باعدارلاماسى بويىنشا كينوستۋديياعا ساتىپ الىنعان جاڭا كينوتەحنيكانى تانىستىردى.
