«قازاق تٸلٸ» قوعامىنىڭ ورتالىق كەڭەسٸنٸڭ جاڭا قۇرامىنا قر پارلامەنتٸنٸڭ قوس پالاتاسىنىڭ دەپۋتاتتارى مەن فيليال تٶراعالارى جەنە زييالى قاۋىم ٶكٸلدەرٸنەن قۇرالعان 47 ادام سايلاندى. ال ورتالىق كەڭەس باسقارماسىنىڭ جاڭا قۇرامىنا 18 ادام سايلانىپ, قىزمەتكە كٸرٸستٸ, دەپ حابارلايدى قازاقپارات.
تٷركٸستاندا ٶتكەن قوعامنىڭ VI قۇرىلتايىندا مەملەكەتتٸك حاتشى قىرىمبەك كٶشەرباەۆ قر تۇڭعىش پرەزيدەنتٸ, ەلباسى نۇرسۇلتان نازارباەۆ پەن قر پرەزيدەنتٸ قاسىم-جومارت توقاەۆتىڭ قۇرىلتايعا ارنالعان قۇتتىقتاۋ حاتتارىن وقىپ بەردٸ. سونداي-اق قازاق تٸلٸنٸڭ قولدانىلۋ اياسىن كەڭەيتۋ ٷشٸن ماڭىزدى جۇمىستار جالعاساتىنىن, ەلدٸ بٸرٸكتٸرەتٸن فاكتور مەملەكەتتٸك تٸل ەكەنٸن اتاپ ٶتتٸ. پرەزيدەنت ەكٸمشٸلٸگٸ مەن ەل ٷكٸمەتٸ تاراپىنان قازاق تٸلٸنٸڭ مەرتەبەسٸن كٶتەرۋگە بارىنشا قولداۋ كٶرسەتٸلە بەرەتٸنٸن مەلٸمدەدٸ. مەملەكەتتٸك تٸل ساياساتىن تيٸمدٸ ٸسكە اسىرۋ باعىتىنداعى جوسپارلاردى سارالاپ, تيٸستٸ تاپسىرمالار مەن جوسپارلاردى بەكٸتتٸ.
«بۇل قۇرىلتايدى تٷركٸستاندا ٶتكٸزۋٸمٸزدە مەن بار. ەلباسىنىڭ تاريحي شەشٸمٸمەن تٷركٸستان وبلىسى قۇرىلىپ, تٷركٸستان قالاسى وبلىس ورتالىعى رەتٸندە دامىپ كەلەدٸ. قىرۋار جۇمىس اتقارىلىپ جاتىر. سٸزدەر – ەل الدىندا جٷرگەن ازاماتسىزدار. ەلوردانى كٶرٸپ جٷرسٸزدەر, بۇل جولى تٷركٸستاننىڭ جاڭا كەلبەتٸن كٶرسٸن, قۋانسىن دەپ قۇرىلتايدى وسىندا ۇيىمداستىرۋدى جٶن كٶردٸك», – دەدٸ ق.كٶشەرباەۆ.
كەلەلٸ باسقوسۋدا «قازاق تٸلٸ» قوعامىنىڭ اتقارعان جۇمىسى بويىنشا ورتالىق كەڭەسٸنٸڭ ەسەبٸ تىڭدالدى. قوعام فيليالدارىنىڭ باسشىلارى دا بايانداما جاساپ, ٶز ۇسىنىستارىن بٸلدٸردٸ. سونىمەن بٸرگە قوعامنىڭ جاڭا باعدارلاماسى مەن جارعىسى قابىلداندى. قۇرىلتايدا دەلەگاتتاردىڭ اشىق داۋىس بەرۋٸ ارقىلى حالىقارالىق «قازاق تٸلٸ» قوعامىنىڭ پرەزيدەنتٸ بولىپ سايلانعان قر پارلامەنتٸ مەجٸلٸسٸنٸڭ دەپۋتاتى بەرٸك ەبدٸعاليۇلى مەملەكەتتٸك تٸلدٸ تۇعىرىنا تولىق قوندىرۋ باعىتىندا جۇمىس كٷشەيەتٸنٸن جەتكٸزدٸ.
«قازاق تٸلٸنٸڭ مەسەلەسٸن قازاق تٸلدٸ ورتادا عانا تالقىلاي بەرمەي, ورىس تٸلدٸ ورتادا دا تالقىلاپ, مەملەكەتتٸك تٸلدٸڭ ماڭىزدىلىعىن كەي اعايىندارعا تٷسٸندٸرۋ كەرەك. قازاقستاننىڭ ەربٸر ازاماتى قازاق تٸلٸن بٸلۋگە مٸندەتتٸ», – دەدٸ ول.
قۇرىلتاي بارىسىندا ٶڭٸرلەردە قوعام فيليالدارىنىڭ جۇمىسى كٷشەيتٸلٸپ, باس كەڭسە الماتىدان نۇر-سۇلتانعا كٶشٸرٸلەتٸنٸ ايتىلدى. باس ۇيىم مەن فيليالداردىڭ جۇمىس جوسپارى بەكٸتٸلدٸ. سونداي-اق جيىن بارىسىندا «قازاق تٸلٸ» قوعامدىق بٸرلەستٸگٸنٸڭ قىزىلوردا وبلىستىق فيليالىنىڭ تٶراعاسى سەدۋاقاس اڭسات «پاراسات» وردەنٸمەن, ا.بايتۇرسىنۇلى اتىنداعى تٸل بٸلٸمٸ ينستيتۋتىنىڭ ديرەكتورى, عالىم انار فازىلجانوۆا «قۇرمەت» وردەنٸمەن ماراپاتتالدى. ولاردى مەملەكەتتٸك حاتشى ق.كٶشەرباەۆ ارنايى ماراپاتتاپ, قازاق تٸلٸنە قوسقان ٷلەستەرٸ ٷشٸن العىسىن بٸلدٸردٸ.
ماڭىزدى باسقوسۋدا قر پارلامەنتٸ مەجٸلٸسٸنٸڭ دەپۋتاتى گەنناديي شيپوۆسكيح ەلەۋمەتتٸك جەلٸلەر مەن عالامتوردا قازاقشا كونتەنتتەردٸ كٶبەيتٸپ, جاستاردىڭ سۇرانىسىن قاناعاتتاندىرۋ كەرەك دەگەن پٸكٸرٸن بٸلدٸرسە, قوعام قايراتكەرٸ ورازكٷل اسانعازى مەن تٸل جاناشىرى اسىلى وسمان مەملەكەتتٸك تٸلدٸ تولىق تۇعىرىنا قوندىرۋعا كەرٸ ەسەرٸن تيگٸزٸپ وتىرعان فاكتورلارعا توقتالىپ, قازاق تٸلٸنٸڭ بولاشاعى ٷشٸن ناقتى جۇمىستار اتقارىلۋى كەرەكتٸگٸن جەتكٸزدٸ.
تٷركٸستان وبلىسىندا 2 كٷنگە سوزىلعان قۇرىلتايعا قاتىسۋشىلار ارىستان باب پەن قوجا احمەت ياساۋي كەسەنەسٸنە زييارات جاساپ, بابالار رۋحىنا تاعزىم ەتتٸ. وسى ساپاردا دەلەگاتتار تٸل جاناشىرلارى ەرٸ قوعام قايراتكەرلەرٸ ٶزبەكەلٸ جەنٸبەكوۆ پەن ٶمٸرزاق ايتباەۆتى ەسكە الدى. جيىنعا قاتىسۋشىلار تٷركٸستانداعى وڭ ٶزگەرٸستەرگە ريزاشىلىقتارىن بٸلدٸرٸپ, قۇرىلتايداعى ماڭىزدى باستامالاردى جٷزەگە اسىرۋعا بار كٷشتەرٸن سالاتىندارىن جەتكٸزدٸ.
