قازاق تەلەۆيزيياسىنىڭ ارداگەرٸ نۇرتٸلەۋ يمانعاليۇلى ٶمٸردەن ٶتتٸ. قايعىلى حاباردى Qazaqstan ۇلتتىق تەلەارناسىنىڭ باسپاسٶز قىزمەتٸ تاراتتى, – دەپ حابارلايدى «ۇلت اقپارات».
«بٷگٸن تاڭەرتەڭ قازاق تەلەۆيزيياسىندا 45 جىل قىزمەت اتقارعان جۋرناليستيكا ارداگەرٸ نۇرتٸلەۋ يمانعاليۇلى ٶمٸردەن ٶتتٸ. نۇرتٸلەۋ يمانعاليۇلى «قۇرداستار», «جاستار داۋىسى», «اراي», «جادىڭدا ما, جولداس», «اينا», «جاس جٸگەر»,«بەتپە-بەت», «قولتاڭبا», «دٸڭگەك», «كٶرشٸلەر», «زاڭ سٶيلەسٸن», «Nur-Tiley» اۆتورلىق باعدارلامالارى ارقىلى قالىڭ كٶرەرمەن ەسٸندە قالدى» دەلٸنگەن حابارلامادا.
نۇرتٸلەۋ يمانعاليۇلى 1952 جىلى 1 مامىردا الماتى وبلىسى اقسۋ اۋدانىندا دٷنيەگە كەلگەن. قازاق تەلەۆيزيياسىندا تٸلشٸ, رەداكتور, اعا رەداكتور, كوممەنتاتور, باس رەداكتور, ساياسي شولۋشى, ديرەكتوردىڭ ورىنباسارى, «حابار» اگەنتتٸگٸندە مودەراتور-جٷرگٸزۋشٸ, ودان كەيٸن ٷكٸمەت كەڭسەسٸندە سەكتور مەڭگەرۋشٸسٸ, پرەزيدەنت ەكٸمشٸلٸگٸندە باس مامان بولىپ ٸستەگەن.
ايتا كەتەيٸك, نۇرتٸلەۋ يمانعاليۇلى 2006-2007 جىلدارى – «قازاقستان» رەسپۋبليكالىق تەلەراديوكورپوراتسيياسى» اكتسيونەرلٸك قوعامىنىڭ باسقارما تٶراعاسى, ودان كەيٸنگٸ جىلدارى «قازاقستان رترك» اق باسقارما تٶراعاسىنىڭ كەڭەسشٸسٸ قىزمەتتەرٸن اتقاردى. سوڭىندا ٸزباسار شەكٸرتتەر تەربيەلەدٸ. بٷگٸن ۇلتتىق ارنا ەفيرٸنەن ەستەلٸك حابارلار مەن ارنايى جوبالار بەرٸلەدٸ.
