پرەزيدەنت قاسىم-جومارت توقاەۆ مەملەكەتتٸك رەمٸزدەرگە, انا تٸلگە دەگەن قۇرمەت ەرقاشان جوعارى بولۋعا تيٸس ەكەنٸن ايتتى, - دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
«قازاق تٸلٸنە قاتىستى الاڭداۋشىلىق ەلدەگٸ جاعدايدى دۇرىس تٷسٸنبەگەننەن تۋىنداپ وتىر. شىن مەنٸندە, بۇرىنعى احۋال مەن قازٸرگٸ كەزەڭدٸ مٷلدە سالىستىرۋعا كەلمەيدٸ. مەملەكەتتٸك تٸلدٸڭ تۇعىرى كٷن ٶتكەن سايىن نىعايىپ كەلەدٸ. وعان قوسا, ەلەمنٸڭ باستى اقپارات قۇرالدارى قازاقشا شىعىپ جاتىر.
جاقىندا ەيگٸلٸ «APPLE» كومپانيياسى قازاق تٸلٸن iOS-تىڭ تٸلدەر جٷيەسٸنە قوستى. ەلەمنٸڭ 40 تٸلٸندە تارايتىن «NICKEL ODEوN» تەلەارناسى قازاقشا كٶرسەتٸلە باستادى. جاستاردىڭ باستاماسىمەن «NATIONAL GEOGRAPHIC» جۋرنالى 6 جىلدان بەرٸ انا تٸلٸمٸزدە جارىق كٶرۋدە. وسىنداي كٶپتەگەن جاعىمدى جاڭالىقتار بار. سوندىقتان, قاتتى الاڭداۋعا نەگٸز جوق دەپ ويلايمىن. دەسەك تە, وسى سالاداعى جۇمىسىمىزدى داڭعازا جاساماي, تاباندىلىقپەن جٷرگٸزۋٸمٸز قاجەت.
قازاق مەملەكەتٸ امان تۇرعاندا, قازاق تٸلٸ جاساي بەرەدٸ. بۇعان ەشقانداي كٷمەن بولماۋى كەرەك» - دەدٸ مەملەكەت باسشىسى ۇلتتىق قۇرىلتاي وتىرىسىندا.
پرەزيدەنتتٸڭ ايتۋىنشا, بٸزدٸڭ ەلدە ۇلتىنا, تٸلٸنە بولا ەشبٸر ازاماتتىڭ قۇقى شەكتەلمەۋگە تيٸس. ەيتپەسە, قوعامدا جانجال تۋۋى مٷمكٸن.
«ەل ٸشٸنە ٸرٸتكٸ تٷسكەنٸن قالايتىندار وسىنى تٸلەپ وتىر. سوندىقتان, تٸل مەسەلەسٸ بويىنشا بەرٸمٸز ۇستامدىلىق تانىتۋىمىز كەرەك دەپ ويلايمىن. بۇل سىرت كٶزگە ۇلتىمىزدىڭ ٶز بولاشاعىنا دەگەن سەنٸمسٸزدٸگٸ, تٸپتٸ, ەلسٸزدٸگٸ سيياقتى كٶرٸنەدٸ. بارشامىز تٸلگە قۇرمەتٸمٸزدٸ قۇر سٶزبەن ەمەس, ناقتى ٸسپەن كٶرسەتۋٸمٸز كەرەك» - دەدٸ توقاەۆ.
