قازاقستاندىق كەسٸپكەرلەر قىتايدان قۇنى 27 ملن تەڭگە بولاتىن دەكلاراتسييالانباعان تاۋاردى كەدەندٸك باج تٶلەمەي ەكەلۋگە تىرىسقان, دەپ حابارلايدى قازاقپارات.
جالپى قۇنى 27 ملن تەڭگە بولاتىن اۆتوبٶلشەكتەر, اككۋمۋلياتورلار, دەنەكەرلەۋ اپپاراتى مەن شارۋاشىلىق تاۋارلارىن قازاقستانعا بٸر جشس كەدەندٸك تٶلەمدەر مەن سالىقتى تٶلەمەي ەكەلۋگە تىرىستى.
14 ماۋسىمدا «قالجات» كەدەن بەكەتٸندە دەكلاراتسييالانباعان جٷكتٸ تاسىمالداۋ ەرەكەتٸ توقتاتىلدى. بۇل تۋرالى مەملەكەتتٸك كٸرٸستەر كوميتەتٸ حابارلادى.
بۇزۋشىلىق سىرتقى ەكونوميكالىق قىزمەتكە قاتىسۋشىمەن ەاەو كەدەندٸك شەكاراسى ارقىلى ٶتكٸزٸلەتٸن تاۋارلار مەن كٶلٸك قۇرالدارىنا كەدەندٸك باقىلاۋ جٷرگٸزۋ كەزٸندە انىقتالدى.
تٸركەمەسٸ بار كاماز ماركالى اۆتوكٶلٸك قۇرالىن ينسپەكتسييالىق تەكسەرۋ كەشەنٸن قولدانۋ ارقىلى سكانەرلەۋ نەتيجەلەرٸ بويىنشا قۇجاتتاردا مەلٸمدەلگەن تاۋارلار مەن كٶلٸك قۇرالىنداعى زاتتار اراسىندا ايىرماشىلىقتار انىقتالدى.
كەدەندٸك تەكسەرٸپ قاراۋ نەتيجەلەرٸ بويىنشا جالپى سالماعى 20 توننادەكلاراتسييالانباعان تاۋار انىقتالدى, ولارعا 5,5 ملن تەڭگە سوماسىندا كەدەندٸك تٶلەم مەن سالىق سالىندى.
سونىمەن قاتار, يمپورتتاۋشى قر «ەكٸمشٸلٸك قۇقىق بۇزۋشىلىق تۋرالى» كودەكسٸنٸڭ 551-بابىنىڭ 1-بٶلٸگٸنە سەيكەس ەكٸمشٸلٸك جاۋاپكەرشٸلٸككە تارتىلدى.
دەكلاراتسييالانباعان تاۋارلار بويىنشا كەدەندٸك تٶلەم مەن سالىق سوماسى بيۋدجەتكە ٶندٸرٸپ الىندى.
ايتا كەتۋ كەرەك, مۇنداي فاكتٸلەر وسىعان دەيٸن دە بولعان.
مەسەلەن, ينسپەكتسييالىق-تەكسەرۋ كەشەندەرٸن پايدالانۋ كەزٸندە اعىمداعى جىلى قۇنى 1 ملرد تەڭگە بولاتىن 4 مىڭ توننادان استام دەكلاراتسييالانباعان تاۋار انىقتالدى.
