Qazaqstandyq kásipkerler Qytaidan quny 27 mln teńge bolatyn deklaratsiialanbaǵan taýardy kedendik baj tólemei ákelýge tyrysqan, dep habarlaidy QazAqparat.
Jalpy quny 27 mln teńge bolatyn avtobólshekter, akkýmýliatorlar, dánekerleý apparaty men sharýashylyq taýarlaryn Qazaqstanǵa bir JShS kedendik tólemder men salyqty tólemei ákelýge tyrysty.
14 maýsymda «Qaljat» keden beketinde deklaratsiialanbaǵan júkti tasymaldaý áreketi toqtatyldy. Bul týraly Memlekettik kirister komiteti habarlady.
Buzýshylyq syrtqy ekonomikalyq qyzmetke qatysýshymen EAEO kedendik shekarasy arqyly ótkiziletin taýarlar men kólik quraldaryna kedendik baqylaý júrgizý kezinde anyqtaldy.
Tirkemesi bar KamAZ markaly avtokólik quralyn inspektsiialyq tekserý keshenin qoldaný arqyly skanerleý nátijeleri boiynsha qujattarda málimdelgen taýarlar men kólik quralyndaǵy zattar arasynda aiyrmashylyqtar anyqtaldy.
Kedendik tekserip qaraý nátijeleri boiynsha jalpy salmaǵy 20 tonnadeklaratsiialanbaǵan taýar anyqtaldy, olarǵa 5,5 mln teńge somasynda kedendik tólem men salyq salyndy.
Sonymen qatar, importtaýshy QR «Ákimshilik quqyq buzýshylyq týraly» Kodeksiniń 551-babynyń 1-bóligine sáikes ákimshilik jaýapkershilikke tartyldy.
Deklaratsiialanbaǵan taýarlar boiynsha kedendik tólem men salyq somasy biýdjetke óndirip alyndy.
Aita ketý kerek, mundai faktiler osyǵan deiin de bolǵan.
Máselen, inspektsiialyq-tekserý keshenderin paidalaný kezinde aǵymdaǵy jyly quny 1 mlrd teńge bolatyn 4 myń tonnadan astam deklaratsiialanbaǵan taýar anyqtaldy.
