قازاقستاننىڭ قىرعىزستانمەن شەكاراسىنداعى تەكسەرۋ جەنە ٶتكٸزۋ بەكەتتەرٸندە كەزەك ازايدى, دەپ حابارلايدى ازاتتىق قىرعىزستاننىڭ شەكارا قىزمەتٸنە سٸلتەمە جاساپ.
4 جەلتوقسان كٷنٸ تاڭەرتەڭ "ات-تٸلەك" بەكەتٸندە 55 جٷك كٶلٸگٸ قالعان, باسقا بەكەتتەردە كەزەك بولماعان. قازاقستان جاعى شەكارادا جٷك كٶلٸكتەرٸن ٶتكٸزۋدٸ 3 جەلتوقسانعا قاراعان تٷننەن بەرٸ تەزدەتكەن.
2 جەلتوقساندا قازاقستان مەن قىرعىزستان ٷكٸمەتتەرٸ شەكاراداعى جاعدايدى رەتتەۋ جٶنٸندەگٸ "جول كارتاسىنا" قول قويعان. "جول كارتاسىندا" شەكارالىق, كٶلٸك, فيتوسانيتارلىق جەنە ۆەتەرينارلىق باقىلاۋ, كەدەندٸك جەنە سالىق سالالارى تەرٸزدٸ ەكٸ جاقتى ەرٸپتەستٸكتٸڭ ٶزەكتٸ مەسەلەلەرٸن كەشەندٸ تٷردە شەشۋدٸ كٶزدەيتٸن 50 شارا قامتىلادى. سونىڭ ٸشٸندە جەدەل سيپاتتاعى 16 شارا, سونىمەن بٸرگە بەس قىسقا مەرزٸمدٸ جەنە 29 جٷيەلٸ شارا ەنگٸزٸلگەن.
30 قاراشادا قازاقستان پرەزيدەنتٸ نۇرسۇلتان نازارباەۆ پەن قىرعىزستان پرەزيدەنتٸ سوورونباي جەەنبەكوۆ مينسكٸدە ۇجىمدىق قاۋٸپسٸزدٸك شارتى ۇيىمى جيىنىنىڭ اياسىندا كەزدەسٸپ, شەكارا مەسەلەسٸن تالقىلاعان. كەزدەسۋدەن سوڭ پرەزيدەنتتەر شەكاراداعى جاعدايدى رەتتەيتٸن "جول كارتاسى" جەلتوقساننىڭ سوڭىنا دەيٸن قابىلداناتىنىن حابارلاعان.
قازاقستان قىرعىزستانمەن شەكاراداعى باقىلاۋدى قازاننىڭ 10-ىنان باستاپ كٷشەيتٸلگەن رەجيمگە كٶشٸرگەننەن كەيٸن كٶرشٸ ەلدەن قازاقستان اۋماعىنا ٶتۋ قيىنداپ كەتكەن ەدٸ. استانا شەكارادا تەكسەرۋدٸڭ كٷشەيتٸلگەنٸن كونتراباندامەن كٷرەس شاراسى دەپ تٷسٸندٸرگەن. بٸشكەك قازاقستان جاعى شەكارادا "قولدان كەدەرگٸ جاساپ وتىر" دەپ مەلٸمدەگەن.
كەي ساراپشىلار استانانىڭ مۇنداي شاراعا بارۋىن سول كەزدەگٸ قىرعىزستان پرەزيدەنتٸ المازبەك اتامباەۆتىڭ "قىرعىزستاننىڭ ٸشكٸ ٸسٸنە ارالاسىپ وتىر" دەپ قازاقستان باسشىلىعىن سىناعان مەلٸمدەمەسٸمەن بايلانىستىرعان.
