قازاق حالقىنىڭ جاقسىلىعىن ەشقاشان ۇمىتپاق ەمەسپٸز. بۇل تۋرالى اقساي قالاسىندا تۇراتىن ٶڭٸرگە تانىمال دەرٸگەر ۆالەنتين يۋن مەلٸم ەتتٸ, دەپ حابارلايدى قازاقپارات تٸلشٸسٸ.
ونىڭ ايتۋىنشا, باسىنا قيىن-قىستاۋ كٷن تۋعاندا بايتاق قازاق دالاسىنا كٶشٸپ كەلگەندەر كٶپ.
سونىڭ ٸشٸندە ستاليندٸك زۇلمات زامان ٷستەمدٸك قۇرعان ٶتكەن عاسىردىڭ وتىزىنشى جىلدارى كەرٸس ۇلتىنىڭ ٶكٸلدەرٸ دە قازاق جەرٸنە دەپورتاتسييالاندى.
ٶز جەرٸنەن قۋعىنعا ۇشىراعاندار قاتارىندا يۋننٸڭ دە وتباسى بولدى. بٸر تٷننٸڭ ٸشٸندە تۇتاستاي اۋىلدى ەشتەڭە ايتپاستان, پويىزعا تيەپ, الىپ كەتكەن. مال تاسيتىن ۆاگونداردا ەڭبەكتەگەن سەبيدەن باستاپ ەڭكەيگەن كەرٸگە دەيٸن ادام ايتقىسىز اۋىر كٷي كەشٸپ, بٸر اي جول جٷرگەن. جولدا بٸردە-بٸر ستانساعا ايالداماستان, قاراعاندىعا جەتكٸزگەن.
«جەرگٸلٸكتٸ حالىققا «حالىق جاۋلارىن» ەكەلە جاتقاندارىن ايتىپ, ەشكٸمگە قولۇشىن بەرمەۋگە بۇيرىق بەرگەن. مٸنە, سوعان قاراماستان, ٶزدەرٸ تٸپتٸ اش قۇرساق بولسا دا, قازاقتار قولۇشىن سوزىپ, الدىمەن قارييالار مەن سەبيلەردٸ تاماقتاندىرىپ, ٷيلەرٸنە كٸرگٸزٸپ جىلىتتى. شەتكە قاققان جوق, باۋىرىنا تارتتى. سونداي مەيٸرٸمدٸ ادامداردىڭ ارقاسىندا بەرٸمٸز امان قالدىق. مەن سول كەزدە بٸر جاستا ەكەنمٸن. العاشقى جىلى بٸزدٸ قازاقتار ٶز شاڭىراقتارىنا جاتقىزىپ, قامقورلادى. كەلەسٸ جىلى بٸرتٸندەپ ٶزٸمٸز ٷي سالىپ الىپپىز. سودان بەرٸ قازاقستاندى مەكەندەپ, ٶز وتانىمىزدا ٶمٸر سٷرٸپ كەلەمٸز», دەيدٸ ۆالەنتين يۋن.
كەرٸس ۇلتىنىڭ ٶكٸلدەرٸ بۇل جاقسىلىقتى ۇمىتقان جوق. سونىڭ دەلەلٸندەي 2012 جىلى ورالدا «قازاق حالقىنا مىڭ العىس!» اتتى مونۋمەنت ورناتىلدى. جىل سايىن وسى ەسكەرتكٸش جانىندا تٷرلٸ شارالار ٶتەدٸ.
بيىل دا العىس ايتۋ كٷنٸنە وراي اق جايىق جۇرتشىلىعى ەسكەرتكٸش جانىنا جيىلىپ, گٷل شوقتارىن قويدى. قازاق حالقىنا دەگەن شىنايى ىنتا-ىقىلاسىن, قۇرمەتٸن وسىلايشا بٸلدٸردٸ.
«بٸز قازاق حالقىنا مەڭگٸلٸك قارىزدارمىز. بۇل – بارشا كەرٸس ۇلتى ٶكٸلدەرٸنٸڭ پٸكٸرٸ. تەۋەلسٸز قازاق ەلٸنٸڭ ودان ەرٸ ٶركەندەپ, دامۋىنا بٸز دە ٷلەسٸمٸزدٸ قوسا بەرەتٸن بولامىز», دەپ تٷيٸندەدٸ ويىن ۆالەنتين يۋن.
.jpeg)