بٷگٸن قر مەملەكەتتٸك حاتشىسى قىرىمبەك كٶشەرباەۆتىڭ قاتىسۋىمەن قر ۇعا اكادەميگٸ, تاريح عىلىمدارىنىڭ دوكتورى, پروفەسسور ورازاق سماعۇلوۆتىڭ «قازاق حالقى مەن ونىڭ اتا تەگٸنە وراي انتروپولوگييالىق وچەركتەر» اتتى كٸتابىنىڭ تۇساۋكەسەرٸ ٶتتٸ, دەپ حابارلايدى قازاقپارات اقوردانىڭ باسپاسٶز قىزمەتٸنە سٸلتەمە جاساپ.
شارا حالىقارالىق تٷركٸ اكادەميياسىنىڭ جاڭا عيماراتىندا ۇيىمداستىرىلدى.
تٷبٸ بٸر تۋىسقان تٷركٸ حالىقتاردىڭ تاريحى, تٸلٸ, ەدەبيەتٸ, قازىنالى مۇراسىنىڭ زەرتتەلۋٸنە, زامان تالابىنا ساي جاڭعىرۋىنا ٷلكەن ٷلەس قوسىپ كەلە جاتقان اكادەمييا جاڭا عىلىمي ەڭبەكتٸڭ شىعۋىنا مۇرىندىق بولعان.
مەملەكەتتٸك حاتشى ٶز سٶزٸندە بۇل جيناق – شەجٸرەلٸ تاريحىمىزدى تٷگەندەپ, تۋىسقاندىق جٷيەمٸزدٸ زەردەلەگەن تولىمدى تۋىندى ەكەنٸن اتاپ ٶتتٸ.
– بۇل ەڭبەك ەل شەجٸرەسٸ مەن جەر شەجٸرەسٸنٸڭ ٷندەستٸگٸن ايشىقتاۋىمەن, قاسيەتتٸ جەرٸمٸزدٸڭ اۋماقتىق تۇتاستىعى ەل-جۇرتىمىزبەن كٸندٸكتەس ەكەنٸن ايعاقتاۋىمەن, ۇلتتىق قاۋٸپسٸزدٸگٸمٸز بەن مەملەكەتتٸك مٷددەمٸزگە رۋحاني قورعان قىزمەتٸن اتقارۋىمەن اسا قۇندى, – دەدٸ قىرىمبەك كٶشەرباەۆ.
ٸرگەلٸ زەرتتەۋ قر پرەزيدەنتٸ قاسىم-جومارت توقاەۆتىڭ العىسٶزٸمەن, قازاق, ورىس, تٷرٸك, اعىلشىن تٸلدەرٸندە جارىققا شىقتى.
مۇندا جۇرتىمىزدىڭ بەس مىڭ جىلدىق نەسٸلدٸك تەگٸنٸڭ ۇلانعايىر دالامەن تىعىز ساباقتاستىقتا ەكەندٸگٸن دەلەلدەيتٸن عىلىمي دەيەكتەر كەلتٸرٸلگەن.
سونداي-اق حالقىمىزدىڭ نەسٸلدٸك جەلٸسٸن, تۋىسقاندىق ٶرٸسٸن كەشەندٸ سارالاعان عىلىمي ەڭبەكتە, باۋىرلاس ەلدەردٸڭ اتاتەك تاريحى, تۋىسقاندىق بايلانىستارى جايىندا تىڭ دەرەكتەر دە بار.
