فوتو: Sn.kz
قازاقستاندا بالالار ەدەبيەتٸن دامىتۋ – مەملەكەت ساياساتىنىڭ ماڭىزدى باعىتتارىنىڭ بٸرٸنە اينالدى. پرەزيدەنت قاسىم-جومارت توقاەۆ ٶز سٶزدەرٸندە بالالار مەن جاسٶسپٸرٸمدەردٸڭ كٸتاپ وقۋىن قولداۋ مەن ساپالى ەدەبيەتتٸ دامىتۋ مەسەلەسٸنە ايرىقشا نازار اۋدارىپ كەلەدٸ. وسى ورايدا قازاقستان جازۋشىلار وداعى مەن «ٶركەن» قوعامدىق قورىنىڭ بٸرلەسۋٸمەن بالالار شىعارماشىلىعىن قولداۋعا ارنالعان ناقتى ٸس-شارالار قولعا الىندى, دەپ حابارلايدى Ult.kz.
2025 جىلى ۇيىمداستىرىلعان «الماتىنىڭ جاس جازۋشىسى – 25» بايقاۋى – سول يگٸ قادامداردىڭ بٸرٸ. بۇل بايقاۋعا ەلٸمٸزدٸڭ تٷكپٸر-تٷكپٸرٸنەن بالالار مەن جاسٶسپٸرٸمدەر قاتىسىپ, ٶز شىعارمالارىن ۇسىندى. جەڭٸمپازدار باعالى سىيلىقتارمەن ماراپاتتالىپ, ولاردىڭ ەدەبيەتكە دەگەن قىزىعۋشىلىعىنا تىڭ سەرپٸن بەرٸلدٸ. ەندٸگٸ ماقسات – وسى تەجٸريبەنٸ رەسپۋبليكا كٶلەمٸندە جالعاستىرۋ.
بالالار ەدەبيەتٸنٸڭ جەتەكشٸ ورتالىعى – جازۋشىلار وداعى
قازاقستان جازۋشىلار وداعى بۇل باعىتتا جٷيەلٸ جۇمىس جٷرگٸزٸپ كەلەدٸ. بالالارعا ارنالعان ساپالى شىعارمالاردىڭ كٶبەيۋٸ ٷشٸن تەجٸريبەلٸ قالامگەرلەردٸ وسى جانردا جازۋعا ىنتالاندىرۋ, سونداي-اق جاڭا بۋىن جازۋشىلارىن قالىپتاستىرۋ – وداقتىڭ الداعى باستى مٸندەتتەرٸ قاتارىندا.
2026 جىلى ٶتەتٸن «قازاقستاننىڭ جاس جازۋشىسى» اتتى رەسپۋبليكالىق بايقاۋ – وسى ستراتەگييالىق جوسپاردىڭ ناقتى بٸر كٶرٸنٸسٸ. بايقاۋ ەكٸ كەزەڭ بويىنشا ٶتەدٸ. العاشقىسى قاڭتار-ناۋرىز ايلارىندا ٶڭٸرلٸك دەڭگەيدە, ال ەكٸنشٸ كەزەڭٸ ناۋرىز-سەۋٸردە رەسپۋبليكالىق دەڭگەيدە ۇيىمداستىرىلادى. جەڭٸمپازدار ۇلتتىق كٸتاپ كٷنٸ قارساڭىندا, 23 سەۋٸردە ماراپاتتالادى. ولاردىڭ شىعارمالارى باسپاسٶزدە جارييالانىپ, كەڭٸنەن ناسيحاتتالاتىن بولادى.
«ەرتٶستٸك» حالىقارالىق سىيلىعى تاعايىندالادى
بايقاۋمەن قاتار, بالالار ەدەبيەتٸنٸڭ مەرتەبەسٸن كٶتەرۋ ٷشٸن حالىقارالىق «ەرتٶستٸك» ەدەبي سىيلىعى تاعايىندالماق. بۇل باستاما – قازاق ەدەبيەتٸن ەلەمدٸك دەڭگەيدە تانىمال ەتۋگە باعىتتالعان ماڭىزدى قادام. سونىمەن بٸرگە, حالىق جازۋشىسى ولجاس سٷلەيمەنوۆتٸڭ 90 جىلدىعىنا وراي ارنايى تاقىرىپتىق بايقاۋ ٶتكٸزۋ دە جوسپارعا ەنگٸزٸلدٸ.
ايماقتىق قولداۋ مەن ينفراقۇرىلىمدىق شەشٸمدەر
جازۋشىلار وداعىنىڭ وبلىستىق ٶكٸلدٸكتەرٸ جەرگٸلٸكتٸ مەدەنيەت, بٸلٸم باسقارمالارىمەن بٸرلەسٸپ, بايقاۋدى ناسيحاتتاۋ مەن ٶتكٸزۋگە تٸكەلەي اتسالىسادى. بالالار مەن جاسٶسپٸرٸمدەردٸڭ شىعارماشىلىعىن قولداۋ ماقساتىندا مەكتەپ كٸتاپحانالارى ٷشٸن ارنايى باعدارلاما ەزٸرلەنبەك. جازۋشىلاردىڭ ايماقتارعا ٸسساپارلارى كەزٸندە بايقاۋ جۇمىستارىنىڭ بارىسى تۋرالى ەسەپ بەرۋ دە مٸندەتتەلگەن.
تسيفرلىق دەۋٸردەگٸ ەدەبيەت: انيماتسييا, اۋديوكٸتاپ, مۋلتفيلم
بالالار ەدەبيەتٸن تەك كٸتاپپەن شەكتەمەي, ونى قازٸرگٸ زامانعى مەديامەن ٷيلەستٸرە وتىرىپ دامىتۋ كٶزدەلۋدە. بۇل ماقساتتا اۋديوكٸتاپتار, انيماتسييالىق فيلمدەر مەن دەرەكتٸ جوبالار جاساۋ جوسپارلانىپ وتىر. سونىمەن قاتار, رەسپۋبليكالىق تەلەارنادا بالالار ەدەبيەتٸنە ارنالعان ارنايى باعدارلاما اشۋ دا قولعا الىنادى.
ىنتالاندىرۋ مەن ماراپاتتاۋ جٷيەسٸ جاڭعىرتىلادى
جازۋشىلاردىڭ شىعارماشىلىق ەڭبەگٸن باعالاۋ ٷشٸن جاڭا ماراپات جٷيەسٸ قالىپتاسىپ, «ٷزدٸك بالالار جازۋشىسى» سىندى جاڭا اتاقتار بەرٸلەدٸ. «قازاقستاننىڭ جاس جازۋشىسى» جەنە «ٷزدٸك بالالار جازۋشىسى» مٷسٸنشەلەرٸ ارنايى ەزٸرلەنٸپ, جەڭٸمپازدارعا تابىستالماق.
كوميسسييا قۇرىلادى, سايت جاڭارتىلادى
بالالار ەدەبيەتٸن جٷيەلٸ دامىتۋ ٷشٸن جازۋشىلار وداعى جانىنان ارنايى كوميسسييا قۇرىلىپ, وعان كٶرنەكتٸ قالامگەر مەدي نٷسٸپباەۆ تٶراعالىق ەتەدٸ. كوميسسييا بايقاۋ ٶتكٸزۋ, جاس اۆتورلاردى قولداۋ, ەدەبي كەڭەستەردٸڭ جۇمىسىن ٷيلەستٸرۋ سىندى ماڭىزدى مٸندەتتەردٸ اتقارادى. سونىمەن قاتار وداقتىڭ رەسمي سايتى جاڭارتىلىپ, بالالار ەدەبيەتٸنە ارنالعان ارنايى بٶلٸم اشىلادى.
قازاق بالالار ەدەبيەتٸ – ۇلتتىق بولمىستىڭ نەگٸزٸ, جاس ۇرپاقتىڭ دٷنيەتانىمى مەن تٸل بايلىعىنىڭ قاينار كٶزٸ. وسى سالاعا جاسالىپ جاتقان ناقتى قادامدار مەن مەملەكەتتٸك قولداۋ – ەل بولاشاعىنا سالىنعان ينۆەستيتسييا. بالالارعا ارناپ جازۋ – بولاشاقپەن تٸلدەسۋ. ەندەشە, وسى باعىتتا جاسالىپ جاتقان يگٸ ٸستەر ەلدٸڭ رۋحاني ٸرگەسٸن نىعايتا تٷسەرٸ سٶزسٸز.
اقبوتا مۇسابەكقىزى
