قر پارلامەنتٸ مەجٸلٸسٸنٸڭ تٶراعاسى نۇرلان نىعماتۋلين «قازاگرو» حولدينگٸندەگٸ شىعىندارعا قاتىستى پٸكٸر بٸلدٸردٸ, دەپ حابارلايدى "ۇلت اقپارات".
"مەن مينيسترمەن (اۋىل شارۋاشىلىعى مينيسترٸ ساپارحان وماروۆ – "ۇلت اقپارات") كەلٸسپەيمٸن. بەرٸ جاقسى, بەرٸ كەرەمەت دەيدٸ. بٸراق نەگٸزگٸ پروبلەما مىنادا, "قازاگرونىڭ" كرەديتتەرٸ قايتارىلماي جاتىر. وڭدى-سولدى بەرٸپ قويدى دا, ەندٸ قايتارا الماي وتىر", - دەيدٸ نىعماتۋلين.
وسى ورايدا مەجٸلٸس تٶراعاسى حولدينگكە بيۋدجەتتەن قىرۋار قاراجاتتىڭ بٶلٸنەتٸنٸن ەرەكشە اتاپ ٶتتٸ. سەبەبٸ قازاگرو اۋىل شارۋاشىلىعى سالاسىنداعى قاراجاتتىڭ نەگٸزگٸ وپەراتورى بولىپ سانالادى. حولدينگ ارقىلى ماڭىزدى جوبالار قولعا الىنادى.
"مىسالى, سوڭعى بەس جىلدىڭ ٸشٸندە كومپانييانىڭ جارعىلىق كاپيتالىنا 500 ميللليرد تەڭگەدەن استام قارجى قۇيىلدى. ال ٶتكەن جىلدىڭ قورىتىندىسى بويىنشا حولدينگتٸڭ شىعىنى 400 ميلليارد تەڭگەنٸ قۇرادى. سوندا كومپانييا تابىستى ەمەس, شىعىندى جيناپ وتىر عوي. بۇل جۇمباق بٸر قۇرىلىم, "بەرمۋد ٷشتاعانى" سيياقتى. اقشا كٸرەدٸ دە, ٸزٸم-عايىم جوق بولىپ كەتەدٸ. ەندٸ, تاعى 60 ميلليارد سۇراپ وتىرسىزدار", - دەدٸ نىعماتۋلين.
وسىدان كەيٸن سپيكەر كرەديت رەتٸندە بەرٸلگەن ميللياردتاعان قارجىنى قايتارۋ مەسەلەسٸنە باسا نازار اۋداردى. سەبەبٸ ەزٸرشە ەشقانداي نەتيجە جوق. ال ول اقشانى تاراتۋ جٷيەسٸ سىن كٶتەرمەيدٸ.
"زاڭ جاعىنان نە كەرەك? بٸز ٶز تاراپىمىزدان بەرٸن جاسايمىز, كٶمەك بەرەمٸز. شارۋالار دا ٶز نارازىلىقتارىن بٸلدٸرٸپ جاتىر. حولدينگ ٸرٸ كومپانييالارعا عانا اقشا بەرٸپ وتىرادى. ارتىنان سول ەكٸ-ٷش كومپانييا " اللاحۋ ەكبار" بولىپ كەتەدٸ, ٶزدەرٸ دە, اقشا دا جوق", - دەپ اتاپ كٶرسەتتٸ نىعماتۋلين.
ال "قازاگرونىڭ" باسشىسى ەربول قاراشٶكەەۆ پروبلەمانىڭ بار ەكەنٸن مويىندادى, بٸراز قارجى قايتارىلماي جاتىر. بٷگٸندە ارنايى جوسپار بار. سول بويىنشا پروبلەمالىق جوبالاردىڭ مەسەلەسٸن شەشۋ قاراستىرىلعان.
"حولدينگتٸڭ ٶزٸندە ترانسفورماتسييا باعدارلاماسى بار. بٸز قازاگرونى شاعىن قۇرامدا جاساقتايتىن بولامىز. شىعىنداردىڭ بەرٸن قىسقارتىپ جاتىرمىز. كەلەسٸ جىلدىڭ باسىندا 7 ەنشٸلەس كومپانييانىڭ ٷشەۋٸ عانا قالادى. جالپى, 1 000 ادام قىسقارتىلادى. وسىلايشا, ەكٸمشٸلٸك شىعىندار دا ازايادى. ال ديرەكتورلار كەڭەسٸنە تەۋەلسٸز ساراپشىلار تارتىلادى. بٸز ول كەڭەستٸ تولىعىمەن جاڭارتامىز. وسىلايشا, 2020 جىلدىڭ نەتيجەسٸندە حولدينگتٸ شىعىنسىز دەرەجەگە شىعارۋدى كٶزدەيمٸز", - دەپ اتاپ كٶرسەتتٸ قاراشٶكەەۆ.
ايتا كەتەيٸك, «قازاگرو» قىزمەتٸنە اۋقىمدى رەفورمالار جٷرگٸزٸلەدٸ.
حولدينگ ٶز قىزمەتٸن رەفورمالاۋ نەتيجەسٸندە 2020 جىلدىڭ قورىتىندىسى بويىنشا تازا پايداعا شىعۋدى جوسپارلاپ وتىر.
