ارىستاعى جارىلىس كەزٸندە ەلەۋمەتتٸك جەلٸلەرگە جالعان اقپارات تاراتقان ازاماتتىڭ ٷستٸنەن قىلمىستىق ٸس قوزعالدى. بۇل تۋرالى وبلىستىق پوليتسييا دەپارتامەنتٸنٸڭ باسپاسٶز قىزمەتٸنەن مەلٸم ەتتٸ, دەپ حابارلايدى "ۇلت اقپارات".
«ارىستاعى جويقىن جارىلىس كەزٸندە ەلەۋمەتتٸك جەلٸ ارقىلى تٷرلٸ اقپاراتتار, سونىڭ ٸشٸندە ەلدٸ دٷرلٸكتٸرگەن حابارلامالار WhatsApp پەن مەسسەندجەرلەر ارقىلى كەڭٸنەن تارالىپ, حالىق اراسىندا بٸراز شۋ تۋدىردى. وسىعان بايلانىستى تٷركٸستان وبلىسى پوليتسييا دەپارتامەنتٸنٸڭ پوليتسەيلەرٸ جەدەل ەرەكەت ەتٸپ, جالعان اقپارات تارتۋشىلاردى ٸزدەستٸرۋ جۇمىستارىن كٷشەيتتٸ. نەتيجەسٸندە, جالعان اقپارات تاراتۋ ارقىلى زاڭعا قايشى ٸس-ەرەكەت جاساعان كٷدٸكتٸ ازامات ۇستالدى. ول ٶزٸنٸڭ ويلانباستان جاساعان ٸس-ەرەكەتٸنە ٶكٸنٸپ, بارشا حالىقتان كەشٸرٸم سۇرادى. اتالمىش كٷدٸكتٸگە بايلانىستى ارىس اپب قىزمەتكەرلەرٸ قر قىلمىستىق كودەكسٸنٸڭ 274-بابىمەن («كٶرٸنەۋ جالعان اقپارات تاراتۋ») سوتقا دەيٸنگٸ تەرگەپ-تەكسەرۋ امالدارىن جٷرگٸزۋدە», - دەلٸنگەن حابارلامادا.
ايتا كەتەيٸك, ارىس قالاسىنىڭ تۇرعىنى الماسحان شەريپوۆ ەلەۋمەتتٸك جەلٸلەرگە تاراعان ۆيدەودا جارىلىستان بٸرنەشە جٷزدەگەن ادامنىڭ كٶز جۇمعانى تۋرالى ايتقان بولاتىن.
ال تٷركٸستان وبلىستىق پوليتسييا دەپارتامەنتٸ تاراتقان ۆيدەودا ول جالعان سٶيلەگەنٸ ٷشٸن ٶكٸنەتٸنٸن جەتكٸزدٸ.
«2019 جىلدىڭ 26 ماۋسىمىندا ارىس قالاسىنداعى جارىلىستان 150-200 ەسكەري, 100 قاراپايىم حالىق مەرت بولدى دەپ جالعان اقپارات تاراتقانىم ٷشٸن قازاقستان الدىندا, بٷكٸل حالىق الدىندا, ارىس قالاسىنىڭ حالقى الدىندا كەشٸرٸم سۇرايمىن. قازاقستان حالقىن, ەلٸمٸزدٸ سەبەپتەن-سەبەپسٸز دٷرلٸكتٸرگەنٸم ٷشٸن ٸس-ەرەكەتٸمە كەشٸرٸم سۇرايمىن», - دەيدٸ ۆيدەودا الماسحان شەريپوۆ.
