فوتو: قر باس پروكۋراتۋرا
تٷركٸستان وبلىسى ورداباسى اۋدانى تەمٸرلان اۋىلىندا جاڭا مۋزىكالىق ٶنەر مەكتەبٸنٸڭ قۇرىلىسى باستالدى. بۇل ٸس-شارا مەملەكەت باسشىسىنىڭ قايتارىلعان كاپيتالدى حالىق يگٸلٸگٸ ٷشٸن پايدالانۋ تاپسىرماسى اياسىندا جٷزەگە اسىرىلۋدا, دەپ حابارلايدى Ult.kz.
رەسٸمگە وبلىس ەكٸمٸ, پروكۋرورى, باس پروكۋراتۋرا ٶكٸلدەرٸ, اۋىل اقساقالدارى مەن تۇرعىندار قاتىستى. قاتىسۋشىلار بولاشاق ۇرپاققا ارناپ ۋاقىت كاپسۋلاسىن سالىپ, مەكتەپتٸڭ ەل ٷشٸن ماڭىزدىلىعىن اتاپ ٶتتٸ.
قۇنى 890 ملن تەڭگە بولاتىن 300 وقۋشىعا ارنالعان جاڭا مەكتەپ كٶرشٸلەس اۋىلداردىڭ دا بالالارىن قابىلداي الادى. بۇعان دەيٸن اۋىلدا 1974 جىلى سالىنعان اپاتتى جاعدايداعى ەسكٸ مۋزىكالىق مەكتەپ جۇمىس ٸستەپ كەلگەن.
جوبا زاڭسىز يەمدەلگەن اكتيۆتەردٸ مەملەكەتكە قايتارۋ جۇمىستارىنىڭ نەتيجەسٸن كٶرسەتەتٸن ناقتى مىسال بولىپ وتىر. بٷگٸنگە دەيٸن 610 ملرد تەڭگە قايتارىلدى, ونىڭ ٸشٸندە 506 ملرد تەڭگە اقشالاي قاراجات, ال 103 ملرد تەڭگە مٷلٸك رەتٸندە مەملەكەتكە تٷستٸ.
ايتا كەتەيٸك, اقمولا وبلىسىنداعى قوسشى جەنە ماكينسك قالالارىنىڭ تۇرعىندارىن سۋمەن قامتاماسىز ەتۋ ٷشٸن ارناۋلى مەملەكەتتٸك قوردان قاراجات بٶلٸنگەنٸن جازعان بولاتىنبىز.
