اياق كيٸمنٸڭ جۇبى تەڭ بولعانىمەن بٸردەي ەمەس. وڭىن سول اياعىڭا, سولىن وڭ اياعىڭا تەتٸر كيە الاسىڭ با? كيە المايسىڭ. كٷشتەپ كيسەڭ اياعىندى اۋىرتىپ, ەكٸ باسى ەكٸ باعىتقا قاراپ تۇرادى. بۇلاي ۇزاق ۋاقىت جٷرە دە المايسىڭ. ەيەلدەن ەركەك جاساۋ دا سولاي.
ەيەل مەن ەركەك تەڭ بە? تەڭ! بٸراق بٸردەي ەمەس.
ەرقايسىسىنىڭ ٶز تابيعاتى مەن بولمىسىنا ساي مٸنەزٸ مەن مٸندەتٸ بولۋعا تيٸس. ەيەل بالاسى بالا تاپسا, تابيعاتىنا ساي انالىق مٸندەتٸن اتقارعانى ەمەس پە? ەيەل كٷيەۋٸنە دەمدٸ تاماعىن ۇسىنىپ, كيٸمٸن جۋىپ, جاعدايىن جاساپ جاتسا, مۇنى كەم بولعانى ٷشٸن ەمەس, ەرٸن, بالالارىنىڭ ەكەسٸن قۇرمەت تۇتقانى ٷشٸن جاسايدى. وتباسى جىلۋىن ارتتىرۋ ٷشٸن ٸستەيدٸ.
ەركەك پەن ەيەل ەش ايىرماشىلىقسىز بٸردەي بولعاندا, اللا ەركەك-ەيەل دەپ بٶلٸپ جاتپاي بٸر عانا جاراتىلىس جاسار ەدٸ.
بٸزدٸڭ قوعامىمىزدا ەيەل بالاسى دەل بٷگٸنگٸدەي ەركٸن بولعان ەمەس. وقۋىن وقىپ, قالاعانىن كيٸپ, باراتىن جەرٸنە ەمٸن-ەركٸن بارىپ جٷر. جۇمىس ٸستەيمٸن دەگەنٸ جۇمىسىن, جەكە كەسٸپپەن اينالىسامىن دەگەنٸ كەسٸبٸن دٶڭگەلەتۋدە.
تۇرمىستىق زورلىق-زومبىلىقتىڭ الدىن الۋ ٷشٸن ارنايى زاڭ بار. زورلىق كٶرگەن ەيەل كٸسٸلەر تەلەفون شالىپ, دابىل قاقسىن. سوتقا بەرسٸن. زاڭ جۇمىس ٸستەمەسە, سونى كٶتەرسٸن. ال تۇرمىستىق زورلىق-زومبىلىقتى سىلتاۋراتىپ, “جاتىرىم ٶزٸمدٸكٸ”, “انا بولۋ مٸندەت ەمەس” سەكٸلدٸ تەكسٸزدٸك پەن ارسىزدىقتى ناسيحاتتاۋ, عاسىرلار بويى جالعاسىپ كەلە جاتقان وتباسى قۇندىلىقتارىنا شابۋىل جاساۋ, قازاقتىڭ بولاشاعىنا بالتا شابۋ.
قوعامىمىزدا ەيەلٸن ادام قۇرلى كٶرمەيتٸن, بولماشى نەرسەگە بولا كٶك-الا ەتٸپ سابايتىن, كەز-كەلگەن جاعدايدا ەيەلدٸ كٸنەلٸ ەتٸپ شىعاراتىن ەركەكتەر دە, كەلٸنٸن كٷڭ سەكٸلدٸ كٶرەتٸن ەنەلەر دە بار. ونى جوققا شىعارا المايمىز. وسىنداي ناداندىقپەن اعارتۋشىلىق ارقىلى, زاڭنىڭ اياسىندا كٷرەسۋٸمٸز كەرەك. بٸراق بۇلارمەن كٷرەسەمٸز دەپ, ەيەلگە شەكسٸز ەركٸندٸك بەرۋ, نەكەسٸز جىنىستىق قاتىناستى مەدەنيەت, جەزٶكشەلٸكتٸ ادال قۇقىلى ماماندىق ەتۋدٸ سۇراۋ - اداسۋ, قوعامدى بۇزۋ بولماق.
