قايرات تٷنتەكوۆ «SuperStar KZ» تەلە بايقاۋى ارقىلى ساحناعا كٶتەرٸلٸپ, تىڭدارمانىن تاپقان تالانت. بەلگٸلٸ سەبەپتەرگە بايلانىستى ٶنەرلٸ جٸگٸتتٸڭ بٸراز ۋاقىت ساحنادان الشاقتاپ قالعانى بار. ەلٸمٸزدە ۇيىمداستىرىلعان «I m Singer» جوباسى قايراتتىڭ قايتا ساحناعا ورالۋىنا ۇيىتقى بولدى. جۋىردا ەل اراسىندا «قايرات ەلدەن كەتەدٸ» دەگەن ەڭگٸمە تارادى. تىڭدارمان كٶڭٸلٸن كٷپتٸ ەتكەن مەسەلەنٸڭ مەن-جايىن ەنشٸ جٸگٸتتٸڭ ٶزٸنەن سۇراپ بٸلدٸك.
- «I m Singer» جوباسىنىڭ جٷلدەگەرٸ اتانعان سوڭ, قايراتتىڭ شىعارماشىلىقتا جولى قايتا اشىلعان سيياقتى عوي. حالىقتىڭ قوشەمەتٸن ساعىندىڭىز با, شىنىڭىزدى ايتىڭىزشى?
- ەرينە, نيەتٸ تٷزۋ پەندەگە جاراتقان ٶزٸ جول سٸلتەيدٸ دەگەندٸ ايتادى عوي, بٸلەتٸندەر. وسى جوباعا قاتىسىپ, جٷلدەگە قول جەتكٸزگەنٸم بٸرٸنشٸ - اللانىڭ, ەكٸنشٸ - حالىقتىڭ قولداۋىنىڭ ارقاسى دەپ بٸلەم. ەلەمدٸك دەڭگەيدە ەنشٸ بولىپ, ەلٸمٸزدٸڭ اتىن اسقاقتاتۋ بالا كٷنگٸ ارمانىم ەدٸ. بۇيىرسا, ٷمٸتٸمدٸ ٷكٸلەپ وسى ماقساتتىڭ جولىندا جان-تەنٸممەن ەڭبەك ەتۋگە تىرىسامىن. وسى جىلى جەكە شوۋ كونتسەرتٸمدٸ بەرسەم دەگەن جوسپارىم بار.
بٸراق مىنا ايدا, مىنا كٷنٸ ٶتكٸزەمٸن دەپ, تاپ باسىپ ايتا المايمىن. وعان دەيٸن بٸراز ەندەر جازىپ, بەينەباياندار تٷسٸرٸپ, قىرۋار ەڭبەك ەتۋگە تۋرا كەلەدٸ. ٶزٸڭٸز ايتقانداي, حالىقتىڭ قوشەمەتٸن ساعىنعانىم راس. ەر جٸگٸتتٸڭ باسىنان نە ٶتپەيدٸ دەيسٸز?! ٶمٸردە جىعىلماعان مىقتى ەمەس, جىعىلىپ قايتا جٷگٸرگەن مىقتى دەمەي مە? جورىتقاندا جولىمنىڭ بولىپ, بايقاۋدا باعىمنىڭ جانۋىنا ۇيىتقى بولعان تىڭدارماندارىما شەكسٸز العىسىمدى بٸلدٸرەمٸن.
- قايراتتىڭ ەلدەن كەتۋٸ مٷمكٸن دەگەن تىڭدارمان الاڭداۋشىلىعى بار كٶرٸنەدٸ. ٶزٸڭٸز نە ايتاسىز?
- ەرينە, ماعان كٶرشٸ ەلدەردەن تٷرلٸ ۇسىنىستار تٷسٸپ جاتقانى راس. رەسەيلٸك پروديۋسەر ماكسيم فادەەۆ تە بٸرٸگٸپ جۇمىس جاساعىسى كەلەتٸنٸن جەتكٸزدٸ. بٸراق مەنٸڭ تاڭداۋىم قىتاي ەلٸنە تٷستٸ. بۇل جٶنٸندە ارنايى كەلٸسٸم شارت تا جاساسىپ قويدىق. اللا قالاسا, اتا-انامنىڭ باتاسىن الىپ, سول جاققا اتتانامىن.
قىتايدى تاڭداعان سەبەبٸم, بۇل ٶتە الىپ مەملەكەت. حالقىنىڭ سانى دا ايتارلىقتاي كٶپ. سول كٶپتٸ ٶنەرٸممەن مويىنداتا السام, ارى قاراي امەريكا اسىپ كەتۋٸم دە مٷمكٸن. نەگە دەسەڭٸز, مويىنداۋ كەرەك بٸزدٸڭ ەلدە شوۋ-بيزنەس جوق. توي-بيزنەس قانا مىعىم دامىعان. ٶيتكەنٸ ٶنەرپاز اتاۋلىنىڭ بارلىعى حالىقتىڭ تويىنىڭ ارقاسىندا نەپاقاسىن ايىرىپ جٷر. ال مەن شوۋدى تاڭدايمىن. سول سەبەپتٸ كٸسٸ ەلٸنە كەتٸپ بارا جاتقان جايىم بار. بۇل تۋعان جەرٸمنەن جەرٸگەندٸكتٸڭ بەلگٸسٸ ەمەس. مەن تۋعان جەرٸمنٸڭ ەربٸر تاسىن, اققان سۋىن, اتقان تاڭىن ەرەكشە سٷيەمٸن. ماقساتىم قازاق دەگەن ۇلى حالىقتىڭ ٶنەر مەن مەدەنيەتتەن كەندە ەمەستٸگٸن ٶزگەلەلەرگە مويىنداتۋ.
- بٸزدە تۋما تالانتتار باعالانبايتىنى جاسىرىن ەمەس. ازييانى قويىپ, ەۋروپانى مويىنداتقان ديماش قۇدايبەرگەننٸڭ ەلدەگٸ بٸراز جوبالاردا باعى جانباي, سالى سۋعا كەتكەن بولاتىن. مۇنىڭ بەرٸنە ٶنەر ساحناسىندا جەڭ ۇشىنان جالعاسقان تامىر-تانىستىق پەن جەمقورلىق كٸنەلٸ مە, ەلدە تەلەارنالاردىڭ قۇلاعىن ۇستاعان شالا ساۋاتتى شەنەۋنٸكتەر كٸنەلٸ مە?
- ونىڭىز راس. كەزٸندە مۋزىكانىڭ جٸلٸك مايىن شاعا الماي جٷرٸپ, ەن بايقاۋلارعا قازىلىق ەتكەندەر «ايعايلايسىڭ, شىڭعىراسىڭ, ەن ايتا المايس ىڭ» دەگەندٸ ايتىپ, ديماشتى تۇقىرتقان ەدٸ. بٸراق ٶنەر جولىندا جٷرەگٸندە يمانى بار جاندار كەزدەسٸپ, سولاردىڭ قولپاشتاۋىنىڭ ارقاسىندا كٷللٸ ەلەمدٸ مويىنداتتى.
بٸزدٸڭ ەلدە سەن مىڭ جەردەن تۋما تالانت بولساڭ دا ەلەمەيدٸ. كٸمنٸڭ اقشاسى كٶپ, سونىڭ سويىلىن سوعادى. ٷلكەن شوۋ كونتسەرتتەر ٶتە از ۇيىمداستىرىلادى. وعان مەدەنيەت پەن ٶركەنيەتتٸڭ قۇلاعىن ۇستاعان شەنەۋنٸكتەر قارجى سالعىسى كەلمەيدٸ. بۇرىنعىلار «بۇلاق كٶرسەڭ كٶزٸن اش» دەۋشٸ ەدٸ. مىنا بالانىڭ باعى جانايىن دەپ تۇر ەكەن, دەمەپ جٸبەرەيٸك دەگەن نىسپى جوق. ەنشٸلەردٸڭ بارلىعى توي جاعالاپ, جان باعۋ قامىمەن جٷر. مىناداي جاعدايدا بٸزدە جاقىن ارادا شوۋ-بيزنەس دامىمايدى. بٸراق بٸزدە تالانتتار ٶتە كٶپ. بارلىعى قولدا بار دا التىننىڭ قادٸرٸ جوقتىقتىڭ قۇربانى بولىپ جٷر. وسىلاي جالعاسا بەرسە, ەل دامۋىنا ٷلەس قوساتىن تالانتتاردىڭ بارلىعى جان-جاققا جوسىپ كەتە بارادى. مەنٸڭ جانىمدى جەگٸدەي جەيتٸنٸ وسى مەسەلە.
- ٸستٸ بولعاننان كەيٸن تىڭدارمان بٸراز ۋاقىت ٶزٸڭٸزدٸ ساحنادان جوعالتىپ الدى. جەكە كەسٸپپەن اينالىسىپ, قارىزىمدى ٶتەپ اياققا تۇرىپ الايىن دەدٸڭٸز بە?
- ٶتكەن مەسەلەنٸ قايتا قاۋزاعىم كەلمەيدٸ. بٸراق سۇراقتان جالتارۋ ەدەپكە جاتپاس. شىنىمدى ايتسام, ەشقانداي كەسٸپپەن اينالىسپادىم. دەپرەسسييادا جٷردٸم. سول سەبەپتٸ جۋرناليستەردٸڭ دە كٶزٸنە تٷسكٸم كەلمەدٸ. تەك سپورتپەن اينالىسۋدى قولعا الدىم. دەنە بٸتٸمٸمدٸ قالىپقا كەلتٸرەيٸن, دەنساۋلىعىما سەپتٸگٸ تيەر دەدٸم. بەرٸنە ۋاقىت ەمشٸ عوي. ٶز ٶزٸمە كەلگەن سوڭ بارىپ, جاڭا قارقىنمەن, جاڭا جوسپارمەن ٶنەر جولىنا قايتا اياق باستىم.
- بٸر كەزدەرٸ قايراتتى قارالاعانداردىڭ ٸشٸندە پروديۋسەر بولۋعا ۇسىنىس تاستاپ جاتقاندار بار بولار. قازٸر قاي پروديۋسەرمەن جۇمىس ٸستەپ جاتىرسىز?
- ۇسىنىستار بار. بٸراق شەتەلگە كەتٸپ بارا جاتقاننان كەيٸن ەلبەتتە سول جاقتىڭ پروديۋسەرلەرٸمەن جۇمىس جاساۋعا تۋرا كەلەدٸ. بۇعان دەيٸن ەلدەگٸ بٸراز پروديۋسەرلەر مەن قويان قولتىق ارالاسىپ, قىزمەت جاسادىم. باسىما كٷن تۋعاندا تەرٸس اينالعاندارى دا بولدى. «بار بولساڭ كٶرە المايدى, جوق بولساڭ بەرە المايدى» دەگەن اتالى سٶز بار عوي. بار ىنتام ٶزٸمنٸڭ اياقتان تۇرىپ كەتەتٸندٸگٸمدٸ تىڭدارمانعا دەلەلدەۋ بولدى. تٸلەگٸم ورىندالىپ, كٶپتٸڭ دەمەۋٸمەن ساحناعا قايتا كٶتەرٸلدٸم. ەندٸگٸ ماقساتىم - وسى بيٸگٸمنەن قۇلاماۋ.
- بٸزدٸڭ ٶنەر ساحناسىندا قالتاڭ قالىڭ بولماسا قارىشتاۋىڭ قيىن. قايراتتىڭ ەن ەلەمٸندە قالىقتاۋىنا قول ۇشىن بەرەمٸن دەپ جاتقان اعالارى بار ما ەكەن. ەلدە اتا-اناڭىز بەن ەتجاقىندارىڭىزعا ٷمٸت ارتۋعا تۋرا كەلٸپ وتىر ما?
- ماعان تٸلەۋلەس بولىپ تۇرعان ەۋەلٸ اللا, ودان كەيٸن ٶزٸمنٸڭ اتان-انام مەن جاقىندارىم.. ودان ٶزگە قول ۇشىن بەرەم دەپ نيەت بٸلدٸرگەن ادامدى كٶرٸپ تۇرعانىم جوق. قازٸرگٸ ادامداردىڭ بەرگەن قولى السام دەپ تۇراتىن بولدى عوي. ەگەر ساحناعا شىعىپ اتىڭ اسقاقتاپ تۇرسا, بٸردەڭە بەرۋٸ مٷمكٸن. ٶيتكەنٸ قالايدا بٸر قايتىمى بولاتىنىن بٸلەدٸ. ال ەزٸرگە ٶزٸڭ دە جوق بولسا, بەرە المايدىنىڭ كەبٸ بولىپ تۇر. ەيتسە دە قيىن قىستاۋ كەزدە مەسەلەمدٸ شەشٸپ بەرگەن بٸردٸ-ەكٸلٸ اعالارىم بولدى. اتىن ايتپاسام دا سول كٸسٸلەرگە ٸشتەي ريزاشىلىعىمدى بٸلدٸرەمٸن.
- وسىنداي قارا باسىن ويلاپ كەتكەن قوعامداعى قانداي مەسەلە سٸزدٸ الاڭداتادى?
- مەنٸ الاڭداتاتىنى - حالىقتىڭ قىمباتشىلىق قامىتىن كيٸپ وتىرعانى. وتباسىنداعى تابىستىڭ جەتٸسپەۋشٸلٸگٸ مەن ەلەۋمەتتٸك تەڭسٸزدٸكتٸڭ سالدارىنان كٶپتەگەن جاس وتباسىلار اجىراسىپ كەتٸپ جاتىر. «اۋرۋىن جاسىرعان ٶلەدٸ» دەگەن. جارامىزدى قانشا جاسىرىپ باقساق تا, انىعى سول - بٸزدٸڭ ەلدە كەدەيلەر كٶپ. مەندەلەەۆتٸڭ كەستەسٸنە ەنگەن بار بايلىقتىڭ ٷستٸندە وتىرمىز. بٸراق, قايىرشىمىز. كٶپ بالالى وتباسىلاردىڭ جاي-كٷيٸن ەستٸگەندە جانىم اۋىرادى. قايسىبٸرٸن ايتامىز. جٷرەكتٸ سىزداتىپ, جاندى اۋىرتاتىن مۇنداي جاعدايلار بٸزدٸڭ ەلدە جەتٸپ ارتىلادى.
- كٶپتەگەن جاس ٶنەرپاز جٸگٸتتەر ساياساتتا سىنالىپ كٶرۋگە ۇمتىلادى. مەسەلەن, «91» توبىنىڭ مٷشەسٸ دۋلات مۇحامەتقالي جۋىردا «جاس وتان» ورتالىق كەڭەسٸنٸڭ سايلاۋىنا قاتىسۋعا ٶزٸن ۇسىنىپتى. بٷگٸنگٸ جاعدايدا ٶنەردەگٸ جاستارعا ساياساتپەن اينالىسۋدىڭ ٶزگەگە دە, ٶزٸنە دە تيەر سەپتٸگٸ بار دەپ ويلايسىز با?
- بۇل اقپاردى ەستٸدٸم. ٶنەردەگٸ جاستاردىڭ ساياساتقا ەرتە ارالاسقانىن ٶز باسىم قۇپتامايمىن. جاستىق شاقتا قىزۋ جۇمىس جاساپ, ٶزٸن جان-جاقتى دامىتقان دۇرىس پا دەيمٸن. مەنٸڭ ويىمشا قىرىقتىڭ قىرقاسىنا شىققان سوڭ بارىپ, ٷلكەن قىزمەتكە بارۋعا بولادى. سەبەبٸ ٶزٸڭنٸڭ بٸلگەن تٷيگەنٸڭ قاراي, ايتارىڭ دا, اتقارار ٸسكە ەبٸڭ دە بولادى.
ال ٶزٸڭدٸ تانىپ بٸلمەي, ٶز جولىڭدى قالىپتاستىرماي جاتىپ ٶزگەنٸڭ مەسەلەسٸن شەشۋ قيىن. ەرينە جاستار جاڭا زاماننىڭ جارشىسى دەپ جاتادى. جاس بولسا دا ساياساتقا ارالاسۋعا بەيٸم ادامدار بولادى. ال, ٶنەر ادامىنا ساياساتپەن اينالىسۋ وڭاي شارۋا ەمەس. ودانشا ۋاقىتتى وزدىرماي ٶنەرٸڭدٸ دامىتقان دۇرىس پا دەيمٸن.
دينار قاميلقىزى
