فوتو: فك قايرات
الماتىلىق كلۋب ەۋروپانىڭ باستى كلۋبتىق دوداسىنىڭ نەگٸزگٸ كەزەڭٸنە جولداما العان قازاقستانداعى ەكٸنشٸ كوماندا اتاندى, دەپ حابارلايدى Ult.kz sports24.kz-كە سٸلتەمە جاساپ.
«قايرات» فۋتبول كلۋبى قازاقستاندىق فۋتبول تاريحىنا ٶز اتىن جازىپ, چەمپيوندار ليگاسىنىڭ توپتىق كەزەڭٸنە ٶتكەن ەلدٸڭ ەكٸنشٸ ٶكٸلٸ بولدى.
بۇعان دەيٸن مۇنداي جەتٸستٸككە تەك «استانا» قول جەتكٸزگەن ەدٸ — 2015/16 ماۋسىمىندا.
ول كەزدە ەلوردالىق كلۋب ەۋروپانىڭ ەڭ بەدەلدٸ ارەناسىندا قازاقستان نامىسىن قورعادى, بٸراق توپتىق كەزەڭدە تۇراقتاي المادى. «استانا» مادريدتٸك «اتلەتيكو», ليسسابوندىق «بەنفيكا» جەنە ستامبۇلدىق «گالاتاسارايمەن» بٸر توپقا تٷستٸ. نەتيجەسٸندە — ەكٸ تەڭ ويىن, تٶرت جەڭٸلٸس جەنە توپتاعى سوڭعى ورىن.
چەمپيوندار ليگاسىنىڭ توپتىق كەزەڭٸنٸڭ جەرەبەسٸ 28 تامىزدا تارتىلادى, ال العاشقى ويىندار 16 قىركٷيەكتە ٶتەدٸ. سونىمەن قاتار, 29 تامىزدا ەۋروپا ليگاسىنىڭ جەرەبەسٸ جاسالىپ, ماتچتار 24 قىركٷيەكتە باستالماق.
