ٷكٸمەت وتىرىسىندا مەملەكەتتٸك بيۋدجەتتٸڭ اتقارىلۋ بارىسىن بايانداعان قارجى مينيسترٸ ەرۇلان جاماۋباەۆ 2022 جىلدىڭ 10 ايىنىڭ قورىتىندىسى بويىنشا مينيسترلٸكتەر مەن ەكٸمدٸكتەر 278 ميلليارد تەڭگەنٸ يگەرمەگەنٸن ايتتى, - دەپ حابارلايدى Tengrinews.kz اگەنتتٸگٸ.
"278 ميلليارد تەڭگە يگەرٸلمەگەن. يندۋسترييا جەنە ينفراقۇرىلىمدىق دامۋ, ٸشكٸ ٸستەر, تٶتەنشە جاعدايلار جەنە وقۋ-اعارتۋ مينيسترلٸكتەرٸ بيۋدجەتتٸ دۇرىس يگەرمەگەن", - دەدٸ جاماۋباەۆ.
جەرگٸلٸكتٸ بيۋدجەتتٸڭ شىعىستارى - 8,1 تريلليون تەڭگە. ورىندالماعانى - 520 ميلليارد تەڭگە.
"بيۋدجەت دۇرىس يگەرٸلمەگەن ٶڭٸرلەر قاتارىندا استانا, ماڭعىستاۋ, باتىس قازاقستان جەنە اقتٶبە وبلىستارى بار. يگەرٸلمەۋدٸڭ نەگٸزگٸ سەبەپتەرٸنە تٶلەمنٸڭ نەگٸزدٸلٸگٸن راستايتىن قۇجاتتاردى ۇسىنباۋ, ورىندالعان جۇمىستاردىڭ اكتٸلەرٸن, شوت-فاكتۋرالاردى ۋاقتىلى ۇسىنباۋ سيياقتى جايتتار بولعان", - دەپ تولىقتىردى قارجى مينيسترلٸگٸنٸڭ باسشىسى.
مەملەكەتتٸك بيۋدجەتكە ترانسفەرتتەردٸ ەسەپتەمەگەندە 12 تريلليون 427 ميلليارد تەڭگە سوماسىندا كٸرٸستەر تٷسٸپ, جوسپار 104,1 پايىزعا ورىندالعان.
بۇدان باسقا, رەسپۋبليكالىق بيۋدجەتكە ترانسفەرتتەردٸ ەسەپتەمەگەندە شامامەن 8,4 تريلليون تەڭگە تٷسٸپ, جوسپار 102,2 پايىزعا ورىندالعان.
