نۇر-سۇلتان قالاسى تٶتەنشە جاعدايلار دەپارتامەنتٸ باستىعىنىڭ ورىنباسارى ەسەن بايىروۆ مۇز ٷستٸندەگٸ قاۋٸپسٸزدٸك ەرەجەلەرٸن تٷسٸندٸردٸ, دەپ حابارلايدى قازاقپارات.
«سۋ ايدىندارىندا كونكيمەن سىرعاناۋ الاڭدارىن پايدالانۋعا مۇزدىڭ بەرٸكتٸگٸن مۇقييات تەكسەرگەننەن كەيٸن رۇقسات ەتٸلەدٸ. ونىڭ قالىڭدىعى كەمٸندە 12 سم, ال جاپپاي سىرعاناۋ كەزٸندە كەمٸندە 25 سم بولۋى تيٸس», - دەدٸ ە. بايىروۆ ەلورا ەكٸمدٸگٸنٸڭ باسپاسٶز ورتالىعىندا.
ونىڭ ايتۋىنشا, سۋ ايدىندا شاڭعىمەن مۇز ٷستٸمەن ٶتكەن كەزدە تٶسەلگەن شاڭعى جولىن پايدالانۋعا كەڭەس بەرٸلەدٸ. ال جول بولماعان كەزدە, قوزعالماس بۇرىن شاڭعىلاردىڭ بەكٸتپەسٸن شەشٸپ, شاڭعى تاياقتارىنىڭ ٸلمەكتەرٸن قول ۇشىنان الۋ كەرەك.
«ريۋكزاكتى نەمەسە سٶمكەنٸ بٸر يىققا الۋ كەرەك. شاڭعىشىلار اراسىنداعى قاشىقتىق 5-6 مەتر بولۋى تيٸس. قوزعالىس كەزٸندە الدا كەلە جاتقان شاڭعىشى تاياقتاردىڭ سوققىلارىمەن مۇزدىڭ بەرٸكتٸگٸن تەكسەرٸپ, ونىڭ جاعدايىن باقىلايدى», - دەدٸ ەسەن بايىروۆ.
