Nur-Sultan qalasy Tótenshe jaǵdailar departamenti bastyǵynyń orynbasary Esen Baiyrov muz ústindegi qaýipsizdik erejelerin túsindirdi, dep habarlaidy QazAqparat.
«Sý aidyndarynda konkimen syrǵanaý alańdaryn paidalanýǵa muzdyń beriktigin muqiiat teksergennen keiin ruqsat etiledi. Onyń qalyńdyǵy keminde 12 sm, al jappai syrǵanaý kezinde keminde 25 sm bolýy tiis», - dedi E. Baiyrov elora ákimdiginiń baspasóz ortalyǵynda.
Onyń aitýynsha, sý aidynda shańǵymen muz ústimen ótken kezde tóselgen shańǵy jolyn paidalanýǵa keńes beriledi. Al jol bolmaǵan kezde, qozǵalmas buryn shańǵylardyń bekitpesin sheship, shańǵy taiaqtarynyń ilmekterin qol ushynan alý kerek.
«Riýkzakty nemese sómkeni bir iyqqa alý kerek. Shańǵyshylar arasyndaǵy qashyqtyq 5-6 metr bolýy tiis. Qozǵalys kezinde alda kele jatqan shańǵyshy taiaqtardyń soqqylarymen muzdyń beriktigin tekserip, onyń jaǵdaiyn baqylaidy», - dedi Esen Baiyrov.
