قاۋٸپسٸزدٸك كەڭەسٸ تۋرالى زاڭ جارييالاندى

قر پرەزيدەنتٸ نۇرسۇلتان نازارباەۆقا قاۋٸپسٸزدٸك كەڭەسٸن ٶمٸر بويى باسقارۋ قۇقىعىن بەرەتٸن زاڭ رەسمي تٷردە جارييالاندى. زاڭنىڭ تولىق مەتٸنٸ بٷگٸن, ياعني, 12 شٸلدە كٷنٸ "ەگەمەن قازاقستان" گازەتٸندە جارىق كٶردٸ.

قازاقستان رەسپۋبليكاسىنىڭ قاۋٸپسٸزدٸك كەڭەسٸ تۋرالى

وسى زاڭ قازاقستان رەسپۋبليكاسى قاۋٸپسٸزدٸك كەڭەسٸنٸڭ قۇقىقتىق مəرتەبەسٸن, قۇزىرەتٸن جəنە قىزمەتٸن ۇيىمداستىرۋدى ايقىندايدى.

1-تاراۋ. جالپى ەرەجەلەر

1-باپ. قاۋٸپسٸزدٸك كەڭەسٸنٸڭ قۇقىقتىق مəر تەبەسٸ جəنە قىزمەتٸنٸڭ نەگٸزٸ

1. قازاقستان رەسپۋبليكاسىنىڭ قاۋٸپسٸزدٸك كەڭەسٸ (بۇدان əرٸ – قاۋٸپسٸزدٸك كەڭەسٸ) ٸشكٸ ساياسي تۇراقتىلىقتى ساقتاۋ, كونستيتۋتسييالىق قۇرىلىستى, مەملەكەتتٸك تəۋەلسٸزدٸكتٸ, اۋماقتىق تۇتاستىقتى جəنە حالىقارالىق ارەنادا قازاقستاننىڭ ۇلت تىق مٷددەلەرٸن قورعاۋ ماقساتىندا قازاقستان رەسپۋبليكاسىنىڭ پرەزيدەنتٸ قۇراتىن جəنە قازاقستان رەسپۋبليكاسىنىڭ ۇلتتىق قاۋٸپسٸزدٸگٸ مەن قورعانىس قابٸلەتٸن قامتاماسىز ەتۋ سالاسىندا بٸرىڭعاي مەملەكەتتٸك ساياسات جٷرگٸزۋدٸ ٷيلەس تٸرەتٸن كونستيتۋتسييالىق ورگان بولىپ تابىلادى.

2. قازاقستان رەسپۋبليكاسىنىڭ تۇڭعىش پرەزيدەنتٸنە – ەلباسىنا ونىڭ تاريحي ميسسيياسىنا بايلانىستى قاۋٸپسٸزدٸك كەڭەسٸن تٶراعا رەتٸندە باسقارۋ قۇقىعى ٶمٸر بويى تيەسٸلٸ.

3. قاۋٸپسٸزدٸك كەڭەسٸنٸڭ قۇرامىن قازاقستان رەسپۋبليكاسىنىڭ پرەزيدەنتٸ قاۋٸپسٸزدٸك كەڭەسٸ نٸڭ تٶراعاسىمەن كەلٸسە وتىرىپ قالىپتاستىرادى.

4. قاۋٸپسٸزدٸك كەڭەسٸ قىزمەتٸنٸڭ قۇقىقتىق نەگٸزٸن قازاقستان رەسپۋبليكاسىنىڭ كونستيتۋتسيياسى, وسى زاڭ, قاۋٸپسٸزدٸك كەڭەسٸ تۋرالى ەرەجە, قازاقستان رەسپۋبليكاسىنىڭ ٶزگە دە نورماتيۆتٸك قۇقىقتىق اكتٸلەرٸ جəنە قازاقستان رەسپۋبليكاسىنىڭ حالىق ارالىق شارتتارى قۇرايدى.

5. قاۋٸپسٸزدٸك كەڭەسٸ قىزمەتٸنٸڭ وسى زاڭمەن رەتتەلمەگەن مəسەلەلەرٸ قاۋٸپسٸزدٸك كەڭەسٸ تۋرالى ەرەجەمەن رەتتەلەدٸ.

2-باپ. قاۋٸپسٸزدٸك كەڭەسٸنٸڭ مٸندەتتەرٸ

1. قاۋٸپسٸزدٸك كەڭەسٸنٸڭ نەگٸزگٸ مٸندەتتەرٸ ەلدٸڭ ۇلتتىق قاۋٸپسٸزدٸگٸن قامتاماسىز ەتۋ, قورعانىس قابٸ لەتٸن نىعايتۋ, زاڭدىلىق پەن قۇقىقتىق تəر تٸپتٸ قامتاماسىز ەتۋ سالاسىنداعى مەملەكەتتٸك سايا ساتتىڭ نەگٸزگٸ باعىتتارىن جوسپارلاۋ, قاراۋ جəنە ولاردىڭ ٸسكە اسىرىلۋىن باعالاۋ بولىپ تابىلادى. قاۋٸپسٸزدٸك كەڭەسٸ قازاقستان رەسپۋبليكاسىنىڭ زاڭ ناماسىنا جəنە قاۋٸپسٸزدٸك كەڭەسٸ تٶراعاسىنىڭ شە شٸمدەرٸنە سəيكەس ٶزگە دە مٸندەتتەردٸ ورىندايدى.

2. قاۋٸپسٸزدٸك كەڭەسٸ ٶزٸنە جٷكتەلگەن مٸندەتتەردٸ ورىنداۋ ٷشٸن تيٸستٸ شەشٸمدەر مەن ۇسىنىمداردى əزٸرلەيدٸ جəنە قابىلدايدى, مەملەكەتتٸك ورگاندار مەن ۇيىمداردىڭ قىزمەتٸن ٷيلەستٸرەدٸ.

3-باپ. قاۋٸپسٸزدٸك كەڭەسٸنٸڭ فۋنكتسييالارى

قاۋٸپسٸزدٸك كەڭەسٸنٸڭ فۋنكتسييالارى مىنالار بولىپ تابىلادى:

1) مەملەكەتتٸك ورگاندار مەن ۇيىمداردىڭ ەل دٸڭ ۇلتتىق قاۋٸپسٸزدٸگٸ مەن حالىقارالىق ۇستانىمدارىن, مەملەكەتتٸڭ قورعانىس قابٸلەتٸن, زاڭدىلىق پەن قۇقىقتىق تəرتٸپتٸ قامتاماسىز ەتۋ سالاسىنداعى ٸس-شارالاردى ٸسكە اسىرۋ جٶنٸندەگٸ قىزمەتٸن ٷيلەستٸرۋ;

2) ۇلتتىق قاۋٸپسٸزدٸكتٸ قامتاماسىز ەتۋ جəنە قاۋٸپسٸزدٸك كەڭەسٸنٸڭ شەشٸمدەرٸن ٸسكە اسىرۋ ماقساتىندا قۇقىق قورعاۋ جəنە ارناۋلى مەملەكەتتٸك ورگانداردىڭ قىزمەتٸن ٷيلەستٸرۋ;

3) ەل دامۋىنىڭ اسا ماڭىزدى باعىتتارى بويىنشا مەملەكەتتٸڭ ستراتەگييالىق قۇجاتتارىنىڭ ورىندالۋ جاي-كٷيٸن مونيتورينگتەۋ جəنە باعالاۋ;

4) مەملەكەتتٸك باعدارلامالاردى, زاڭ جوبالارىن, ماڭىزدى سىرتقى ساياسي جəنە مەملەكەتتٸك مəنٸ بار ٶزگە دە باستامالاردى, سونداي-اق ەلدەگٸ جاعدايدىڭ دامۋىن, əلەمدٸك جəنە ٶڭٸرلٸك ٷردٸستەردٸ كەشەندٸ تالداۋ جəنە باعالاۋ, ۇلتتىق قاۋٸپسٸزدٸكتٸڭ ٸشكٸ جəنە سىرتقى قاتەرلەرٸن بولجاۋ, ولاردىڭ الدىن الۋ جəنە ولاردى بەيتاراپتاندىرۋ جٶنٸندەگٸ ۇسىنىستاردى əزٸرلەۋ جəنە شارالاردى ايقىنداۋ;

5) قازاقستان رەسپۋبليكاسى ٷكٸمەتٸنٸڭ ۇلتتىق قاۋٸپسٸزدٸكتٸ, قورعانىس قابٸلەتٸن, قۇقىقتىق تəرتٸپ تٸ قامتاماسىز ەتۋ سالاسىنداعى قىزمەتٸنٸڭ نəتيجەلەرٸ مەن نەگٸزگٸ باعىتتارى تۋرالى جىل سايىنعى بايانداماسىن تىڭداۋ;

6) ەلدٸڭ ۇلتتىق قاۋٸپسٸزدٸگٸ مەن قورعانىس قابٸ لەتٸن قامتاماسىز ەتۋ سالاسىنداعى مەملەكەتتٸك ساياساتتى ٸسكە اسىرۋ مəسەلەلەرٸ بويىنشا مەم لەكەتتٸك ورگانداردىڭ بٸرٸنشٸ باسشىلارىن تىڭداۋ;

7) قازاقستان رەسپۋبليكاسىنىڭ ۇلتتىق قاۋٸپسٸزدٸكتٸ, قورعانىس قابٸلەتٸن جəنە قۇقىقتىق تəرتٸپتٸ قامتاماسىز ەتۋ سالاسىنداعى زاڭدارىنىڭ ورىندالۋىن, ونىڭ ٸشٸندە وسى ماقساتتارعا جۇمسالاتىن قاراجاتتىڭ تيٸمدٸ پايدالانىلۋىن باقىلاۋدى ۇيىمداستىرۋ;

8) ورتالىق جəنە وبلىستاردىڭ, رەسپۋبليكالىق ماڭىزى بار قالالاردىڭ جəنە استانانىڭ جەرگٸ لٸكتٸ اتقارۋشى ورگاندارىنىڭ, سونداي-اق قازاق ستان رەسپۋبليكاسىنىڭ پرەزيدەنتٸنە تٸكەلەي باعىناتىن جəنە ەسەپ بەرەتٸن مەملەكەتتٸك ورگان داردىڭ بٸرٸنشٸ باسشى لاۋازىمدارىنا تاعايىنداۋعا ۇسىنىلاتىن كانديداتۋرالاردى تالقىلاۋ;

9) قازاقستان رەسپۋبليكاسىنىڭ زاڭناماسىنا سəيكەس ٶزگە دە فۋنكتسييالار.

2-تاراۋ. قاۋٸپسٸزدٸك كەڭەسٸنٸڭ قىزمەتٸن ۇيىمداستىرۋ

4-باپ. قاۋٸپسٸزدٸك كەڭەسٸ تٶراعاسىنىڭ ٶكٸلەتتٸكتەرٸ

قاۋٸپسٸزدٸك كەڭەسٸنٸڭ تٶراعاسى:

1) قاۋٸپسٸزدٸك كەڭەسٸنٸڭ قىزمەتٸنە باسشىلىقتى جٷزەگە اسىرادى;

2)قاۋٸپسٸزدٸك كەڭەسٸنٸڭ وتىرىستارى مەن جەدەل كەڭەستەرٸن شاقىرادى;

3) قاۋٸپسٸزدٸك كەڭەسٸنٸڭ مٷشەلەرٸنە تاپسىرمالار بەرەدٸ;

4) قاۋٸپسٸزدٸك كەڭەسٸ تۋرالى ەرەجەنٸ بەكٸتەدٸ;

5 ) ق ا ۋ ٸ پ س ٸ ز د ٸ ك ك ە ڭ ە س ٸ ا پ پ ا ر ا ت ى ن ى ڭ ۇيىمدىق-قۇقىقتىق مəرتەبەسٸن ايقىندايدى, ونىڭ ەرەجەسٸ مەن قۇرىلىمىن بەكٸتەدٸ;

6) قاۋٸپسٸزدٸك كەڭەسٸنٸڭ قىزمەتٸنە قاتىستى اكتٸلەردٸ, ونىڭ ٸشٸندە نورماتيۆتٸك قۇقىقتىق سيپاتتاعى اكتٸلەردٸ شىعارادى;

7) قازاقستان رەسپۋبليكاسىنىڭ زاڭناماسىندا كٶزدەلگەن ٶزگە دە ٶكٸلەتتٸكتەردٸ جٷزەگە اسىرادى.

5-باپ. قاۋٸپسٸزدٸك كەڭەسٸ مٷشەلەرٸنٸڭ ٶكٸلەتتٸكتەرٸ قاۋٸپسٸزدٸك كەڭەسٸنٸڭ مٷشەلەرٸ:

1) قاۋٸپسٸزدٸك كەڭەسٸنٸڭ وتىرىستارى مەن جەدەل كەڭەستەرٸنە, قاۋٸپسٸزدٸك كەڭەسٸ كٷن تəرتٸبٸندەگٸ مəسەلەلەر بويىنشا شەشٸمدەر قابىلداعان كەزدە تالقىلاۋ مەن داۋىس بەرۋگە قاتىسادى;

2) ٶز قۇزىرەتٸ شەگٸندە قاۋٸپسٸزدٸك كەڭەسٸ شەشٸم دەرٸنٸڭ ورىندالۋىن قامتاماسىز ەتەدٸ, قاۋٸپسٸزدٸك كەڭەسٸنٸڭ جəنە قاۋٸپسٸزدٸك كەڭەسٸ جەدەل كەڭەستەرٸنٸڭ تيٸستٸ شەشٸمدەرٸنٸڭ ورىندالۋىن ٷيلەستٸرەدٸ جəنە باقىلايدى;

3) قاۋٸپسٸزدٸك كەڭەسٸ تۋرالى ەرەجەگە, قاۋٸپسٸزدٸك كەڭەسٸنٸڭ شەشٸمدەرٸنە جəنە قاۋٸپسٸزدٸك كەڭەسٸ تٶراعاسىنىڭ تاپسىرمالارىنا سəيكەس ٶزگە دە ٶكٸلەتتٸكتەردٸ جٷزەگە اسىرادى.

6-باپ. قاۋٸپسٸزدٸك كەڭەسٸنٸڭ قىزمەت نىساندارى مەن شەشٸمدەرٸ

1. قاۋٸپسٸزدٸك كەڭەسٸ ٶز قىزمەتٸن وتىرىستار مەن جەدەل كەڭەستەر نىسانىندا, سونداي-اق قاۋٸپسٸزدٸك كەڭەسٸ تۋرالى ەرەجەدە ايقىندالاتىن ٶزگە دە نىسانداردا جٷزەگە اسىرادى.

2. قاۋٸپسٸزدٸك كەڭەسٸنٸڭ وتىرىستارى قاۋٸپسٸزدٸك كەڭەسٸ تٶراعاسىنىڭ نەمەسە تٶراعانىڭ ۋəكٸلەتتٸك بەرۋٸ بويىنشا قاۋٸپسٸزدٸك كەڭەسٸ مٷشەلەرٸنٸڭ بٸرٸنٸڭ تٶراعالىق ەتۋٸمەن ٶتكٸزٸلەدٸ. قاۋٸپسٸزدٸك كەڭەسٸنٸڭ وتىرىستارىن ٶتكٸزۋ مەرزٸمدٸلٸگٸن قاۋٸپسٸزدٸك كەڭەسٸنٸڭ تٶراعاسى ايقىندايدى.

3. قاۋٸپسٸزدٸك كەڭەسٸنٸڭ وتىرىستارى ونىڭ مٷشەلەرٸنٸڭ كەمٸندە ٷشتەن ەكٸسٸ بولعان كەزدە زاڭدى بولادى. قاۋٸپسٸزدٸك كەڭەسٸ مٷشەلەرٸنٸڭ ٶز ٶكٸلەتتٸكتەرٸن ٶزگە ادامدارعا بەرۋٸنە جول بەرٸلمەيدٸ.

4. قاۋٸپسٸزدٸك كەڭەسٸنٸڭ شەشٸمدەرٸ قاتىسىپ وتىرعان قاۋٸپسٸزدٸك كەڭەسٸ مٷشەلەرٸنٸڭ جالپى سانىنىڭ قاراپايىم كٶپشٸلٸك داۋسىمەن قابىلدانادى. داۋىستار تەڭ بولعان كەزدە تٶراعالىق ەتۋشٸنٸڭ داۋسى شەشۋشٸ بولىپ تابىلادى.

5. قاۋٸپسٸزدٸك كەڭەسٸنٸڭ شەشٸمدەرٸ قاۋٸپسٸزدٸك كەڭەسٸنٸڭ تٶراعاسى بەكٸتكەننەن كەيٸن كٷشٸنە ەنەدٸ, قاجەت بولعان كەزدە ولار قازاقستان رەسپۋبليكاسى پرەزيدەنتٸنٸڭ اكتٸلەرٸمەن ٸسكە اسىرىلادى.

6. قاۋiپسiزدiك كەڭەسiنٸڭ جəنە قاۋٸپسٸزدٸك كەڭەسٸ تٶراعاسىنىڭ شەشiمدەرٸ مiندەتتi بولىپ تابىلادى جəنە قازاقستان رەسپۋبليكاسى مەملەكەتتiك ورگاندارىنىڭ, ۇيىمدارى مەن لاۋازىمدى ادامدارىنىڭ مٷلتٸكسٸز ورىنداۋىنا جاتادى.

7. قاۋٸپسٸزدٸك كەڭەسٸنٸڭ وتىرىستارى مەن جەدەل كەڭەستەرٸن, قاۋٸپسٸزدٸك كەڭەسٸ جۇمىسىنىڭ ٶزگە دە نىساندارىن ۇيىمداستىرۋ مەن ٶتكٸزۋ, قاۋٸپسٸزدٸك كەڭەسٸ شەشٸمدەرٸنٸڭ ورىندالۋىن باقىلاۋ تəرتٸبٸ قاۋٸپسٸزدٸك كەڭەسٸ تۋرالى ەرەجەدە ايقىندالادى.

7-باپ. قاۋٸپسٸزدٸك كەڭەسٸنٸڭ اپپاراتى

1.قاۋٸپسٸزدٸك كەڭەسٸنٸڭ قىزمەتٸن اقپاراتتىقتالدامالىق جəنە ۇيىمداستىرۋشىلىق قامتاماسىز ەتۋدٸ قاۋٸپسٸزدٸك كەڭەسٸنٸڭ اپپاراتى جٷزەگە اسىرادى, ول قاۋٸپسٸزدٸك كەڭەسٸنٸڭ تٶراعاسىنا باعى ناتىن جəنە ەسەپ بەرەتٸن مەملەكەتتٸك ورگان بولىپ تابىلادى. قاۋٸپسٸزدٸك كەڭەسٸنٸڭ, قاۋٸپسٸزدٸك كەڭەسٸ اپپاراتىنىڭ قىزمەتٸن ماتەريالدىق-تەحنيكالىق قامتاماسىز ەتۋ قازاقستان رەسپۋبليكاسىنىڭ زاڭناماسىنا سəيكەس جٷزەگە اسىرىلادى.

2. قاۋٸپسٸزدٸك كەڭەسٸنٸڭ اپپاراتىن قازاقستان رەسپۋبليكاسىنىڭ پرەزيدەنتٸ قاۋٸپسٸزدٸك كەڭەسٸنٸڭ تٶراعاسىمەن كەلٸسە وتىرىپ لاۋازىمعا تاعايىندايتىن جəنە لاۋازىمىنان بوساتاتىن, لاۋازىمدى ادام بولىپ تابىلاتىن قاۋٸپسٸزدٸك كەڭەسٸنٸڭ حاتشىسى باسقارادى, ول تٶراعاعا تٸكەلەي باعىنادى جəنە ەسەپ بەرەدٸ.

3. قاۋٸپسٸزدٸك كەڭەسٸ تٶراعاسىنىڭ, قاۋٸپسٸزدٸك كەڭەسٸنٸڭ قىزمەتٸن, ولاردىڭ شەشٸمدەرٸن سٶزسٸز جəنە تٷپكٸلٸكتٸ ورىنداۋدى, سونداي-اق ولاردىڭ ورىندالۋىن باقىلاۋدى قامتاماسىز ەتۋ ماقساتىندا قاۋٸپسٸزدٸك كەڭەسٸنٸڭ اپپاراتى مەملەكەتتٸك ورگاندار مەن ۇيىمدارعا ورىندالۋى مٸندەتتٸ تاپسىرمالار بەرۋگە قۇقىلى.

4. قاۋٸپسٸزدٸك كەڭەسٸ اپپاراتىنىڭ قىزمەتكەرلەرٸ مەملەكەتتٸك قىزمەتشٸلەر بولىپ تابىلادى جəنە قازاقستان رەسپۋبليكاسىنىڭ مەملەكەتتٸك قىزمەت تۋرالى زاڭناماسىنا سəيكەس لاۋازىمدارعا تا عايىندالادى جəنە لاۋازىمدارىنان بوساتىلادى.

3-تاراۋ. قورىتىندى ەرەجەلەر

8-باپ. قاۋٸپسٸزدٸك كەڭەسٸنٸڭ جəنە قاۋٸپسٸزدٸك كەڭەسٸ اپپاراتىنىڭ قىزمەتٸن قارجىلاندىرۋ قاۋٸپسٸزدٸك كەڭەسٸن جəنە قاۋٸپسٸزدٸك كەڭەسٸنٸڭ اپپا راتىن ۇستاۋعا ارنالعان شىعىستار قازاقستان رەسپۋبليكاسىنىڭ زاڭناماسىندا بەلگٸ لەنگەن تəرتٸپپەن رەسپۋبليكالىق بيۋدجەتتەن قارجىلاندىرىلادى.

9-باپ. وسى زاڭدى قولدانىسقا ەنگٸزۋ تəرتٸبٸ

وسى زاڭ العاشقى رەسمي جارييالانعان كٷنٸنەن باستاپ قولدانىسقا ەنگٸزٸلەدٸ.

قازاقستان رەسپۋبليكاسىنىڭ پرەزيدەنتٸ

ن.نازارباەۆ

استانا, اقوردا, 2018 جىلعى 5 شٸلدە

№ 178-VI قرز