QR Prezidenti Nursultan Nazarbaevqa Qaýipsizdik keńesin ómir boiy basqarý quqyǵyn beretin zań resmi túrde jariialandy. Zańnyń tolyq mátini búgin, iaǵni, 12 shilde kúni "Egemen Qazaqstan" gazetinde jaryq kórdi.
Qazaqstan Respýblikasynyń Qaýipsizdik Keńesi týraly
Osy Zań Qazaqstan Respýblikasy Qaýipsizdik Keńesiniń quqyqtyq mərtebesin, quzyretin jəne qyzmetin uiymdastyrýdy aiqyndaidy.
1-taraý. JALPY EREJELER
1-bap. Qaýipsizdik Keńesiniń quqyqtyq mər tebesi jəne qyzmetiniń negizi
1. Qazaqstan Respýblikasynyń Qaýipsizdik Keńesi (budan əri – Qaýipsizdik Keńesi) ishki saiasi turaqtylyqty saqtaý, konstitýtsiialyq qurylysty, memlekettik təýelsizdikti, aýmaqtyq tutastyqty jəne halyqaralyq arenada Qazaqstannyń ult tyq múddelerin qorǵaý maqsatynda Qazaqstan Respýblikasynyń Prezidenti quratyn jəne Qazaqstan Respýblikasynyń ulttyq qaýipsizdigi men qorǵanys qabiletin qamtamasyz etý salasynda biryńǵai memlekettik saiasat júrgizýdi úiles tiretin konstitýtsiialyq organ bolyp tabylady.
2. Qazaqstan Respýblikasynyń Tuńǵysh Prezidentine – Elbasyna onyń tarihi missiiasyna bailanysty Qaýipsizdik Keńesin Tóraǵa retinde basqarý quqyǵy ómir boiy tiesili.
3. Qaýipsizdik Keńesiniń quramyn Qazaqstan Respýblikasynyń Prezidenti Qaýipsizdik Keńesi niń Tóraǵasymen kelise otyryp qalyptastyrady.
4. Qaýipsizdik Keńesi qyzmetiniń quqyqtyq negizin Qazaqstan Respýblikasynyń Konstitýtsiiasy, osy Zań, Qaýipsizdik Keńesi týraly ereje, Qazaqstan Respýblikasynyń ózge de normativtik quqyqtyq aktileri jəne Qazaqstan Respýblikasynyń halyq aralyq sharttary quraidy.
5. Qaýipsizdik Keńesi qyzmetiniń osy Zańmen rettelmegen məseleleri Qaýipsizdik Keńesi týraly erejemen retteledi.
2-bap. Qaýipsizdik Keńesiniń mindetteri
1. Qaýipsizdik Keńesiniń negizgi mindetteri eldiń ulttyq qaýipsizdigin qamtamasyz etý, qorǵanys qabi letin nyǵaitý, zańdylyq pen quqyqtyq tər tipti qamtamasyz etý salasyndaǵy memlekettik saia sattyń negizgi baǵyttaryn josparlaý, qaraý jəne olardyń iske asyrylýyn baǵalaý bolyp tabylady. Qaýipsizdik Keńesi Qazaqstan Respýblikasynyń zań namasyna jəne Qaýipsizdik Keńesi Tóraǵasynyń she shimderine səikes ózge de mindetterdi oryndaidy.
2. Qaýipsizdik Keńesi ózine júktelgen mindetterdi oryndaý úshin tiisti sheshimder men usynymdardy əzirleidi jəne qabyldaidy, memlekettik organdar men uiymdardyń qyzmetin úilestiredi.
3-bap. Qaýipsizdik Keńesiniń fýnktsiialary
Qaýipsizdik Keńesiniń fýnktsiialary mynalar bolyp tabylady:
1) memlekettik organdar men uiymdardyń el diń ulttyq qaýipsizdigi men halyqaralyq ustanymdaryn, memlekettiń qorǵanys qabiletin, zańdylyq pen quqyqtyq tərtipti qamtamasyz etý salasyndaǵy is-sharalardy iske asyrý jónindegi qyzmetin úilestirý;
2) ulttyq qaýipsizdikti qamtamasyz etý jəne Qaýipsizdik Keńesiniń sheshimderin iske asyrý maqsatynda quqyq qorǵaý jəne arnaýly memlekettik organdardyń qyzmetin úilestirý;
3) el damýynyń asa mańyzdy baǵyttary boiynsha memlekettiń strategiialyq qujattarynyń oryndalý jai-kúiin monitoringteý jəne baǵalaý;
4) memlekettik baǵdarlamalardy, zań jobalaryn, mańyzdy syrtqy saiasi jəne memlekettik məni bar ózge de bastamalardy, sondai-aq eldegi jaǵdaidyń damýyn, əlemdik jəne óńirlik úrdisterdi keshendi taldaý jəne baǵalaý, ulttyq qaýipsizdiktiń ishki jəne syrtqy qaterlerin boljaý, olardyń aldyn alý jəne olardy beitaraptandyrý jónindegi usynystardy əzirleý jəne sharalardy aiqyndaý;
5) Qazaqstan Respýblikasy Úkimetiniń ulttyq qaýipsizdikti, qorǵanys qabiletin, quqyqtyq tərtip ti qamtamasyz etý salasyndaǵy qyzmetiniń nətijeleri men negizgi baǵyttary týraly jyl saiynǵy baiandamasyn tyńdaý;
6) eldiń ulttyq qaýipsizdigi men qorǵanys qabi letin qamtamasyz etý salasyndaǵy memlekettik saiasatty iske asyrý məseleleri boiynsha mem lekettik organdardyń birinshi basshylaryn tyńdaý;
7) Qazaqstan Respýblikasynyń ulttyq qaýipsizdikti, qorǵanys qabiletin jəne quqyqtyq tərtipti qamtamasyz etý salasyndaǵy zańdarynyń oryndalýyn, onyń ishinde osy maqsattarǵa jumsalatyn qarajattyń tiimdi paidalanylýyn baqylaýdy uiymdastyrý;
8) ortalyq jəne oblystardyń, respýblikalyq mańyzy bar qalalardyń jəne astananyń jergi likti atqarýshy organdarynyń, sondai-aq Qazaq stan Respýblikasynyń Prezidentine tikelei baǵynatyn jəne esep beretin memlekettik organ dardyń birinshi basshy laýazymdaryna taǵaiyndaýǵa usynylatyn kandidatýralardy talqylaý;
9) Qazaqstan Respýblikasynyń zańnamasyna səikes ózge de fýnktsiialar.
2-taraý. QAÝIPSIZDIK KEŃESINIŃ QYZMETIN UIYMDASTYRÝ
4-bap. Qaýipsizdik Keńesi Tóraǵasynyń ókilettikteri
Qaýipsizdik Keńesiniń Tóraǵasy:
1) Qaýipsizdik Keńesiniń qyzmetine basshylyqty júzege asyrady;
2)Qaýipsizdik Keńesiniń otyrystary men jedel keńesterin shaqyrady;
3) Qaýipsizdik Keńesiniń múshelerine tapsyrmalar beredi;
4) Qaýipsizdik Keńesi týraly erejeni bekitedi;
5 ) Q a ý i p s i z d i k K e ń e s i A p p a r a t y n y ń uiymdyq-quqyqtyq mərtebesin aiqyndaidy, onyń Erejesi men qurylymyn bekitedi;
6) Qaýipsizdik Keńesiniń qyzmetine qatysty aktilerdi, onyń ishinde normativtik quqyqtyq sipattaǵy aktilerdi shyǵarady;
7) Qazaqstan Respýblikasynyń zańnamasynda kózdelgen ózge de ókilettikterdi júzege asyrady.
5-bap. Qaýipsizdik Keńesi músheleriniń ókilettikteri Qaýipsizdik Keńesiniń músheleri:
1) Qaýipsizdik Keńesiniń otyrystary men jedel keńesterine, Qaýipsizdik Keńesi kún tərtibindegi məseleler boiynsha sheshimder qabyldaǵan kezde talqylaý men daýys berýge qatysady;
2) óz quzyreti sheginde Qaýipsizdik Keńesi sheshim deriniń oryndalýyn qamtamasyz etedi, Qaýipsizdik Keńesiniń jəne Qaýipsizdik Keńesi jedel keńesteriniń tiisti sheshimderiniń oryndalýyn úilestiredi jəne baqylaidy;
3) Qaýipsizdik Keńesi týraly erejege, Qaýipsizdik Keńesiniń sheshimderine jəne Qaýipsizdik Keńesi Tóraǵasynyń tapsyrmalaryna səikes ózge de ókilettikterdi júzege asyrady.
6-bap. Qaýipsizdik Keńesiniń qyzmet nysandary men sheshimderi
1. Qaýipsizdik Keńesi óz qyzmetin otyrystar men jedel keńester nysanynda, sondai-aq Qaýipsizdik Keńesi týraly erejede aiqyndalatyn ózge de nysandarda júzege asyrady.
2. Qaýipsizdik Keńesiniń otyrystary Qaýipsizdik Keńesi Tóraǵasynyń nemese Tóraǵanyń ýəkilettik berýi boiynsha Qaýipsizdik Keńesi músheleriniń biriniń tóraǵalyq etýimen ótkiziledi. Qaýipsizdik Keńesiniń otyrystaryn ótkizý merzimdiligin Qaýipsizdik Keńesiniń Tóraǵasy aiqyndaidy.
3. Qaýipsizdik Keńesiniń otyrystary onyń músheleriniń keminde úshten ekisi bolǵan kezde zańdy bolady. Qaýipsizdik Keńesi músheleriniń óz ókilettikterin ózge adamdarǵa berýine jol berilmeidi.
4. Qaýipsizdik Keńesiniń sheshimderi qatysyp otyrǵan Qaýipsizdik Keńesi músheleriniń jalpy sanynyń qarapaiym kópshilik daýsymen qabyldanady. Daýystar teń bolǵan kezde tóraǵalyq etýshiniń daýsy sheshýshi bolyp tabylady.
5. Qaýipsizdik Keńesiniń sheshimderi Qaýipsizdik Keńesiniń Tóraǵasy bekitkennen keiin kúshine enedi, qajet bolǵan kezde olar Qazaqstan Respýblikasy Prezidentiniń aktilerimen iske asyrylady.
6. Qaýipsizdik Keńesiniń jəne Qaýipsizdik Keńesi Tóraǵasynyń sheshimderi mindetti bolyp tabylady jəne Qazaqstan Respýblikasy memlekettik organdarynyń, uiymdary men laýazymdy adamdarynyń múltiksiz oryndaýyna jatady.
7. Qaýipsizdik Keńesiniń otyrystary men jedel keńesterin, Qaýipsizdik Keńesi jumysynyń ózge de nysandaryn uiymdastyrý men ótkizý, Qaýipsizdik Keńesi sheshimderiniń oryndalýyn baqylaý tərtibi Qaýipsizdik Keńesi týraly erejede aiqyndalady.
7-bap. Qaýipsizdik Keńesiniń Apparaty
1.Qaýipsizdik Keńesiniń qyzmetin aqparattyqtaldamalyq jəne uiymdastyrýshylyq qamtamasyz etýdi Qaýipsizdik Keńesiniń Apparaty júzege asyrady, ol Qaýipsizdik Keńesiniń Tóraǵasyna baǵy natyn jəne esep beretin memlekettik organ bolyp tabylady. Qaýipsizdik Keńesiniń, Qaýipsizdik Keńesi Apparatynyń qyzmetin materialdyq-tehnikalyq qamtamasyz etý Qazaqstan Respýblikasynyń zańnamasyna səikes júzege asyrylady.
2. Qaýipsizdik Keńesiniń Apparatyn Qazaqstan Respýblikasynyń Prezidenti Qaýipsizdik Keńesiniń Tóraǵasymen kelise otyryp laýazymǵa taǵaiyndaityn jəne laýazymynan bosatatyn, laýazymdy adam bolyp tabylatyn Qaýipsizdik Keńesiniń Hatshysy basqarady, ol Tóraǵaǵa tikelei baǵynady jəne esep beredi.
3. Qaýipsizdik Keńesi Tóraǵasynyń, Qaýipsizdik Keńesiniń qyzmetin, olardyń sheshimderin sózsiz jəne túpkilikti oryndaýdy, sondai-aq olardyń oryndalýyn baqylaýdy qamtamasyz etý maqsatynda Qaýipsizdik Keńesiniń Apparaty memlekettik organdar men uiymdarǵa oryndalýy mindetti tapsyrmalar berýge quqyly.
4. Qaýipsizdik Keńesi Apparatynyń qyzmetkerleri memlekettik qyzmetshiler bolyp tabylady jəne Qazaqstan Respýblikasynyń memlekettik qyzmet týraly zańnamasyna səikes laýazymdarǵa ta ǵaiyndalady jəne laýazymdarynan bosatylady.
3-taraý. QORYTYNDY EREJELER
8-bap. Qaýipsizdik Keńesiniń jəne Qaýipsizdik Keńesi Apparatynyń qyzmetin qarjylandyrý Qaýipsizdik Keńesin jəne Qaýipsizdik Keńesiniń Appa ratyn ustaýǵa arnalǵan shyǵystar Qazaqstan Respýblikasynyń zańnamasynda belgi lengen tərtippen respýblikalyq biýdjetten qarjylandyrylady.
9-bap. Osy Zańdy qoldanysqa engizý tərtibi
Osy Zań alǵashqy resmi jariialanǵan kúninen bastap qoldanysqa engiziledi.
Qazaqstan Respýblikasynyń Prezidenti
N.NAZARBAEV
Astana, Aqorda, 2018 jylǵy 5 shilde
№ 178-VI QRZ
