ۇلت پورتالى مەملەكەت باسشىسى قاسىم-جومارت توقاەۆتىڭ قازاقستان حالقىنا ٷندەۋٸنٸڭ تولىق مەتٸنٸن كٶپشٸلٸك نازارىنا ۇسىنادى.
بٷگٸن ەلٸمٸزگە جەنە ەرقايسىمىزعا قاتىستى اسا ماڭىزدى ٷندەۋ جارييالاپ وتىرمىن.
ەلٸمٸزدٸڭ كونستيتۋتسيياسىنا سەيكەس قازاقستان رەسپۋبليكاسى پرەزيدەنتٸنٸڭ كەزەكتەن تىس سايلاۋىن 2019 جىلدىڭ 9 ماۋسىمىندا ٶتكٸزۋ تۋرالى شەشٸم قابىلدادىم.
مەن بۇل جاۋاپتى شەشٸم بويىنشا ەلباسىمىز نۇرسۇلتان ەبٸشۇلى نازارباەۆپەن اقىلداستىم.
پارلامەنتتٸڭ قوس پالاتا سپيكەرٸمەن, پرەمەر-مينيسترمەن كەڭەستٸم.
كونستيتۋتسييالىق كەڭەستٸڭ كەلٸسٸمٸنە جٷگٸندٸم.
پارلامەنتتەگٸ پارتييا جەتەكشٸلەرٸمەن كەزدەستٸم.
كەزەكتەن تىس سايلاۋ تۋرالى شەشٸم قابىلداۋ – ٶتە ماڭىزدى ەرٸ قاجەتتٸ قادام.
بٸز ەلباسىمىزدىڭ ارقاسىندا تەۋەلسٸز, قۋاتتى مەملەكەت قۇردىق. قازاقستان حالىقارالىق جٷيەدە ٶزٸنە لايىقتى ورنىن الدى. بٸزدٸ ىقپالدى جەنە بەلدٸ مەملەكەت رەتٸندە بٷكٸل ەلەم مويىندايدى.
قازٸرگٸ تاڭدا تاريحي كەزەڭدٸ باستان ٶتكەرٸپ وتىرمىز.
جوعارى بيلٸك زاڭدى جەنە بەيبٸت جولمەن اۋىستى. بٷكٸل ەلەم قوعامداستىعى وسى وقيعانى تٷسٸنٸستٸكپەن جەنە قۇرمەتپەن قابىلدادى.
مەملەكەت باسشىسى رەتٸندە مەن ٶزٸمنٸڭ مٸندەتٸمدٸ جەنە جاۋاپكەرشٸلٸگٸمدٸ تەرeڭ سەزٸنەمٸن.
پرەزيدەنت لاۋازىمىنا كٸرٸسكەننەن باستاپ ٶڭٸرلەردٸ ارالاپ جٷرمٸن. حالىقتىڭ كٶڭٸل-كٷيٸن جاقسى بٸلەمٸن. زييالى قاۋىممەن, ەڭبەك ۇجىمدارىمەن, بيزنەس ٶكٸلدەرٸمەن, ينۆەستورلارمەن, حالىقارالىق تۇلعالارمەن كەزدەستٸم.
بٸز ەلباسىنىڭ سارا جولىمەن جٷرەمٸز. حالقىمىز – بٸرتۇتاس. تەۋەلسٸزدٸگٸمٸزدٸڭ ەڭ جوعارى قۇندىلىعى رەتٸندە مەملەكەتٸمٸزدٸڭ ٸرگەسٸ مىعىم. الداعى پرەزيدەنت سايلاۋى وسىعان دەلەل بولۋى كەرەك.
سوندىقتان, ەلدەگٸ قوعامدىق-ساياسي كەلٸسٸمدٸ قامتاماسىز ەتٸپ, العا باسۋ ٷشٸن, ەلەۋمەتتٸك-ەكونوميكالىق ماقسات-مٸندەتتەردٸ لايىقتى جٷزەگە اسىرۋ ٷشٸن بٸزگە ايقىندىق قاجەت. ونىڭ ٷستٸنە, ەلەمدەگٸ احۋال بۇلىڭعىر بولىپ تۇر. بۇل وتانىمىزدىڭ قاۋٸپسٸزدٸگٸنە سىن-قاتەر ەكەلۋٸ مٷمكٸن.
ٸشكٸ جەنە سىرتقى ساياساتتاعى ساباقتاستىق پەن تۇراقتىلىقتى ساقتاپ, ەلباسى ۇسىنعان ەلەۋمەتتٸك باعدارلامالاردى ويداعىداي سەتتٸ ەرٸ تيٸمدٸ ٸسكە اسىرۋىمىز كەرەك.
ول ٷشٸن اتالعان تاعدىرلى شەشٸمدٸ قابىلدادىم.
مۇنداي شەشٸم تەك حالىقتىڭ تٸكەلەي ەركٸمەن سايلاۋدا قابىلدانۋى قاجەت.
قازاقستان – دەموكراتييالىق مەملەكەت. پرەزيدەنت حالىقتىڭ تاڭداۋىمەن سايلانادى.
مەن, مەملەكەت باسشىسى رەتٸندە, سايلاۋدىڭ تازا, اشىق ەرٸ ەدٸل ٶتۋٸنە كەپٸلدٸك بەرەمٸن! بۇل – مەنٸڭ بەرٸك ۇستانىمىم!
الدىمىزدا زور مٸندەتتەر تۇر. مەن حالقىمىزعا, ياعني سٸزدەرگە سەنەمٸن.
قادٸرلٸ وتانداستار!
«التاۋ الا بولسا, اۋىزداعى كەتەدٸ, تٶرتەۋ تٷگەل بولسا, تٶبەدەگٸ كەلەدٸ» دەيدٸ دانا حالقىمىز.
الداعى سايلاۋعا بارشاڭىزدى بارىنشا جاۋاپكەرشٸلٸكپەن قاراۋعا شاقىرامىن.
ەلٸمٸزدٸڭ كەلەشەگٸ, ەر وتباسى مەن ەر ازاماتتىڭ تاعدىرى سٸزدەردٸڭ شەشٸمدەرٸڭٸزگە تٸكەلەي بايلانىستى!
