مەملەكەت باسشىسى قاسىم-جومارت توقاەۆتىڭ اتىنا رەسپۋبليكا كٷنٸنە وراي شەت مەملەكەتتەردٸڭ پرەزيدەنتتەرٸنەن جەنە حالىقارالىق ۇيىمداردىڭ جەتەكشٸلەرٸنەن قۇتتىقتاۋ جەدەلحاتتارى كەلٸپ تٷسٸپ جاتىر, - دەپ حابارلايدى "ۇلت اقپارات".
اقوردانىڭ باسپاسٶز قىزمەتٸنٸڭ مەلٸمەتٸنشە, رەسەي پرەزيدەنتٸ ۆلاديمير پۋتين مەملەكەت باسشىسىن جەنە قازاقستان حالقىن رەسپۋبليكا كٷنٸمەن قۇتتىقتاپ, بەيبٸتشٸلٸك جەنە باق-بەرەكە تٸلەدٸ.
"قازاقستان ەكونوميكالىق, ەلەۋمەتتٸك, عىلىمي-تەحنيكالىق جەنە باسقا دا سالالاردا تاڭعالارلىق نەتيجەلەرگە قول جەتكٸزدٸ, حالىقارالىق ٸستەردە ماڭىزدى رٶل وينايدى. مەملەكەتتەرٸمٸز اراسىنداعى ستراتەگييالىق سەرٸكتەستٸك جەنە وداقتاستىق قارىم-قاتىناستار تابىستى دامىپ كەلەدٸ", - دەلٸنگەن جەدەلحاتتا.
قىتاي حالىق رەسپۋبليكاسىنىڭ تٶراعاسى سي تسزينپين جەدەلحاتىندا پرەزيدەنت قاسىم-جومارت توقاەۆتىڭ ەدٸلەتتٸ قازاقستان قۇرۋ جولىنداعى رەفورماعا بەلسەنە كٸرٸسكەنٸن اتاپ ٶتٸپ, قىركٷيەك ايىنداعى قازاقستانعا مەملەكەتتٸك ساپارى مازمۇندى ەرٸ جەمٸستٸ بولعانىن جەتكٸزدٸ.
"ەكٸجاقتى قارىم-قاتىناستىڭ دامۋىنا نازار اۋدارا وتىرىپ, مەن سٸزبەن بٸرگە قىتاي جەنە قازاقستان اراسىنداعى مەڭگٸلٸك جان-جاقتى ستراتەگييالىق سەرٸكتەستٸكتٸ دامىتۋعا ەزٸرمٸن", - دەپ جازىلعان جەدەلحاتتا.
تٷركييا پرەزيدەنتٸ رەجەپ تاييپ ەردوعان مەملەكەت باسشىسىن ۇلتتىق مەرەكەمٸزبەن قۇتتىقتاي كەلە, دوستاس ەرٸ باۋىرلاس قازاقستاننىڭ تەۋەلسٸزدٸگٸن العاش مويىنداعان ەل رەتٸندە تٷركييا ٶتكەن 30 جىل ٸشٸندە قازاقستاننىڭ بارلىق سالادا قول جەتكٸزگەن جەتٸستٸكتەرٸنە كۋە بولىپ كەلە جاتقانىن ايتقان.
"ورتاق تٸل, مەدەنيەت جەنە تاريحي بايلانىستاردان نەر الىپ, "كەڭەيتٸلگەن ستراتەگييالىق سەرٸكتەستٸك" دەڭگەيٸنە جەتكەن قارىم-قاتىناسىمىز بەن ىنتىماقتاستىعىمىزدى ەكٸ ەلدٸڭ مٷددەسٸنە ساي ودان ەرٸ دامىتۋعا جەنە تەرەڭدەتۋگە نيەتتٸمٸ", - دەپ جازىلعان جەدەلحاتتا.
فرانتسييا پرەزيدەنتٸ ەممانۋەل ماكرون ەكٸ ەل اراسىندا ديپلوماتييالىق قارىم-قاتىناس ورناعانىنا 30 جىل تولعان وسىناۋ ايرىقشا كەزەڭدە ەكٸجاقتى ديالوگتىڭ قارقىندى دامىپ كەلە جاتقانىنا قۋانىشتى ەكەنٸ جازىلعان.
"بٸز سٸز جٷرگٸزٸپ جاتقان ساياسي, ەكونوميكالىق جەنە ەلەۋمەتتٸك رەفورمالاردى ايرىقشا قىزىعۋشىلىقپەن باقىلاپ وتىرامىز, فرانتسييا ولاردىڭ جٷزەگە اسىرىلۋىن ەرقاشان قولداۋعا ەزٸر ەكەنٸنە سەنٸم بٸلدٸرگٸم كەلەدٸ", - دەپ جازىلعان جەدەلحاتتا.
تەجٸكستان پرەزيدەنتٸ ەمومالي راحمون جەدەلحاتىندا ٶزارا سىيلاستىق پەن سەنٸمنٸڭ بەرٸك تاريحي دەستٷرٸنە نەگٸزدەلگەن قازاق-تەجٸك قارىم-قاتىناسى جان-جاقتى دامىپ كەلە جاتقانىنا ريزاشىلىعىن بٸلدٸرگەن.
تٷرٸكمەنستان پرەزيدەنتٸ سەردار بەردٸمۇحامەدوۆ پەن تٷرٸكمەنستاننىڭ ميللي گەنگەشٸ حالق ماسلاحاتىنىڭ تٶراعاسى گۋربانگۋلى بەردٸمۇحامەدوۆ قۇتتىقتاۋ جەدەلحاتتارىندا تٷرٸكمەن-قازاق ستراتەگييالىق سەرٸكتەستٸگٸ ەكٸ ەل حالقىنىڭ يگٸلٸگٸ ٷشٸن قارقىندى دامي بەرەتٸنٸنە سەنٸم بٸلدٸردٸ.
سونداي-اق بٸرٸككەن ۇلتتار ۇيىمىنىڭ باس حاتشىسى انتونيۋ گۋتەرريش قازاقستان حالقىن جەنە قاسىم-جومارت توقاەۆتى رەسپۋبليكا كٷنٸمەن قۇتتىقتادى.
"وسىناۋ ايرىقشا كٷنٸ بٸرٸككەن ۇلتتار ۇيىمى قازاقستاننىڭ بارشا ازاماتى سىن-قاتەرگە تٶتەپ بەرٸپ, تۇراقتى دامۋ ماقساتتارىنا جەتۋ جولىنداعى پروگرەستٸ جەدەلدەتٸنٸنە جەنە ەلەمنٸڭ بارلىق حالقىنىڭ يگٸلٸگٸ ٷشٸن ەدٸلەتتٸ ەرٸ بەيبٸت ەلەمدٸ قۇرۋدان تىس قالمايتىنىنا سەنٸم بٸلدٸرەدٸ", - دەپ اتاپ ٶتتٸ بۇۇ باس حاتشىسى.
سونىمەن قاتار, يران يسلام رەسپۋبليكاسىنىڭ پرەزيدەنتٸ يبراحيم رايسي, موڭعولييا پرەزيدەنتٸ ۋحنااگيين حٷرەلسۋح, اۆسترييا پرەزيدەنتٸ الەكساندر ۆان دەر بەللەن, حورۆاتييا پرەزيدەنتٸ زوران ميلانوۆيچ, پورتۋگالييا پرەزيدەنتٸ مارسەلۋ رەبەلۋ دە سوۋزا, سەربييا پرەزيدەنتٸ الەكساندر ۆۋچيچ, سينگاپۋر پرەزيدەنتٸ حاليما ياكوب, تمد اتقارۋشى كوميتەتٸنٸڭ تٶراعاسى - اتقارۋشى حاتشىسى سەرگەي لەبەدەۆ, يسلام ىنتىماقتاستىعى ۇيىمىنىڭ باس حاتشىسى حيسسەين براحيم تاحا ٶزدەرٸنٸڭ قۇتتىقتاۋ جەدەلحاتتارىن جولداعان.
قۇتتىقتاۋ جەدەلحاتتارى ەلٸ دە كەلٸپ جاتىر.
