قر پارلامەنتٸ سەناتىنىڭ تٶراعاسى قاسىم-جومارت توقاەۆ ٷكٸمەتتٸڭ جۇمىسىن سىنعا الىپ, زاڭ شىعارۋ پروتسەسٸندەگٸ كەمشٸلٸكتەردٸ اتادى, دەپ حابارلايدى "ۇلت اقپارات".
«پارلامەنتتٸڭ ٶكٸلەتتٸگٸن كٷشەيتۋ جۇمىسى زاڭ شىعارۋشى تۇلعالاردىڭ زاڭ جوبالارىن ەزٸرلەۋ جەنە ولارعا باستاماشىلىق جاساۋ تەرتٸبٸن رەتتەۋدٸ تالاپ ەتەدٸ. وسى جەردە بٸرٸنشٸ مەسەلە تۋىندايدى. بۇل - ەلٸ كٷنگە دەيٸن ٶزگەرٸسسٸز قالىپ وتىرعان زاڭ جوبالاۋ جۇمىسىن جوسپارلاۋ دەڭگەيٸنٸڭ تٶمەندٸگٸ, ول زاڭ شىعارۋ جۇمىسىنداعى جٷيەسٸزدٸككە, «شاشىراڭقىلىققا», ەبدەن پٸسٸپ-جەتٸلگەن تٷيتكٸلدەردٸڭ تىم كەش شەشٸلۋٸنە جەنە كوديفيكاتسييالانعان اكتٸلەردٸڭ رەتسٸز تٷزەتٸلۋٸنە ەكەلٸپ سوعادى», - دەدٸ قاسىم-جومارت توقاەۆ.
ونىڭ ايتۋىنشا, زاڭ جوبالارىنىڭ جىلدىڭ سوڭعى ايلارىندا نەمەسە سەسسييا اياقتالاتىن كەزدە ۇسىنىلۋى دا - زاڭ شىعارۋ پروتسەسٸنٸڭ جەتكٸلٸكتٸ تٷردە ۇيىمداستىرىلماۋى مەن جوسپارلانباۋىنىڭ سالدارى. پارلامەنت قابىلداعان زاڭنامالىق اكتٸلەرگە كٷشٸنە ەنگەن كەزدەن باستاپ بٸر جىل ٸشٸندە باسقا زاڭدار نەگٸزٸندە جٷزگە جۋىق ٶزگەرتۋلەر ەنگٸزٸلەتٸن جاعدايلار دا كەزدەسەدٸ.
«كٶپ جاعدايلاردا بٸزدٸڭ زاڭدارىمىز ەكونوميكا مەن قوعام ٶمٸرٸندەگٸ شۇعىل پروبلەمالاردى شەشۋگە باعىتتالادى. سونىڭ سالدارىنان بۇل زاڭداردىڭ مازمۇنىندا اعىمداعى جاعدايعا دەگەن تۇجىرىمدامالىق كٶزقاراس پەن مەملەكەتتٸڭ دامۋىنا وڭ ىقپال ەتەتٸن ٷردٸستەردٸڭ تاپشى ەكەنٸ بٸردەن بايقالادى. بٸرقاتار زاڭداردان ٸشكٸ قاراما-قايشىلىقپەن قاتار تەڭگەرٸمدٸلٸكتٸڭ جوقتىعىن كٶرۋگە بولادى. زاڭ بٸر ۇعىمنىڭ ٶزٸن الۋان تٷرلٸ ماعىنادا تٷسٸندٸرۋٸ مٷمكٸن. بۇل جاعداي قوعامنىڭ پارلامەنت پەن ٷكٸمەتتٸڭ قىزمەتٸنە دەگەن سىني كٶزقاراسىن تۋعىزارى انىق», - دەدٸ ول.
سەنات سپيكەرٸ ەلٸمٸزدٸڭ زاڭنامالىق جٷيەسٸندەگٸ ماڭىزدى مٸندەتتەردٸڭ بٸرٸ قازاقستاندى دامىعان 30 ەلدٸڭ قاتارىنا ەنگٸزۋدٸ قۇقىقتىق قامتاماسىز ەتۋ ەكەندٸگٸنە دە نازار اۋدارتتى.
«وسى ورايدا, ٷكٸمەتتٸڭ جوعارى رەيتينگتٸك كٶرسەتكٸشتەرگە ساي بولۋعا باعىتتالعان تەرەڭ ۇمتىلىسىن اتاپ ٶتۋ قاجەت. ەربٸر مەملەكەتتٸك ورگان ٶز مٸندەتتەرٸنە عانا سەيكەس كەلەتٸن قاعيداتتار مەن ەدٸستەر نەگٸزٸندە حالىقارالىق رەيتينگتەرگە قول جەتكٸزۋ مٸندەتٸن قويدى. سونىمەن قاتار, الدىڭعى قاتارلى دامىعان ەلدەردٸڭ توبىنا كٸرۋ شارالارى ٷكٸمەتتٸڭ بارلىق ورگاندارىنىڭ وسى باعىتتاعى ٷيلەسٸمدٸ جۇمىسىن قاجەت ەتەدٸ. حالىقارالىق ۇيىمدارمەن ٸس-قيمىل جاساۋدىڭ ماڭىزى زور ەكەنٸ كٷمەنسٸز, بٸراق ولاردىڭ تالاپتارى مەن سۇرانىستارى, ەڭ الدىمەن, ۇلتتىق مٷددەلەردٸ قامتاماسىز ەتۋگە جەنە قازاقستان ازاماتتارىنىڭ مۇڭ-مۇقتاجدارى مەن قاجەتتٸلٸكتەرٸن قاناعاتتاندىرۋعا باعىتتالعان زاڭ شىعارۋ جۇمىسىنا توسقاۋىل بولماۋى تيٸس», - دەدٸ.
ق.توقاەۆتىڭ پايىمىنشا, اتالعان پروتسەستٸ اناعۇرلىم كەشەندٸ, ٷيلەسٸمدٸ جەنە ونى حالىقارالىق قوعامداستىقپەن قاتار ەلٸمٸزدٸڭ ازاماتتارىنا ۇعىنىقتى ەتۋ ٷشٸن ونىڭ كەزەڭدەرٸ مەن شارتتارىن قۇقىقتىق رەتتەۋ مەسەلەسٸن قاراۋىمىز قاجەت.
قاسىم-جومارت توقاەۆ زاڭ شىعارۋ جٷيەسٸنٸڭ نەگٸزٸنە قاتىستى تەڭگەرٸمدٸ ۇستانىمنىڭ بولماۋى - ەرەكشە تالقىلاۋ مەن قاراستىرۋدى قاجەت ەتەتٸن بٶلەك تاقىرىپ ەكەندٸگٸن دە اتاپ ٶتتٸ.
«مەسەلەن, كەيبٸر باعىتتار بويىنشا بٸز قاتاڭداتۋ ۇستانىمدارىن باسشىلىققا الساق, باسقا سالالاردا بوساڭدىق پەن ەركٸندٸككە جول بەرەمٸز. وسىلايشا, تۇتاستاي قازاقستاننىڭ زاڭدارى ٶزارا ٸشكٸ قيسىننان اجىراپ, سەيكەسٸنشە ونىڭ قۇقىقتىق باعدارى زاڭعا باعىنۋ, زاڭدى قۇرمەتتەۋ, قۇقىق بۇزۋشىلىقتاردى ازايتۋ سيياقتى باستى مٷددەلەردەن الشاقتاي تٷسەدٸ. ونىڭ ٷستٸنە, جىنىستىق قول سۇقپاۋشىلىققا قارسى, ەسٸرتكٸ قۇرالدارىنىڭ اينالىمى مەن مال ۇرلىعى جەنە ادام ٶلٸمٸنە ەكەلٸپ سوعاتىن جول قوزعالىسى ەرەجەلەرٸن ساقتاماۋ سالاسىنداعى قۇقىق بۇزۋشىلىقتاردىڭ كٶبەيۋٸ ولارعا سالىناتىن جازانى قاتاڭداتۋدى تالاپ ەتەدٸ», - دەدٸ سەنات تٶراعاسى.
ونىڭ ايتۋىنشا, وسىنداي سيپاتتاعى قىلمىستار قوعام ٸشٸندە ٶتكٸر پٸكٸرتالاستار تۋدىرۋدا, سوندىقتان دا جەڭٸل جازا قولدانۋ نەمەسە, تٸپتەن, ٶزارا كەلٸسٸم جولىمەن (مەدياتسييا) قىلمىستىق جاۋاپكەرشٸلٸكتەن قۇتىلۋ جاعدايلارىنا ازاماتتار تاراپىنان كەلٸسپەۋشٸلٸك بٸلدٸرۋ - زاڭدى قۇبىلىس.
«ٷكٸمەتتٸڭ وسى مەسەلەگە ايرىقشا مەن بەرٸپ, باسا نازار اۋدارۋىن سۇرايمىز»,- دەدٸ قاسىم-جومارت توقاەۆ.
