بٷگٸن تٷركٸستان وبلىسى اكتيۆٸمەن ٶتٸپ جاتقان جيىن بارىسىندا قاسىم-جومارت توقاەۆ پرەزيدەنت لاۋازىمىنداعى ماقساتىن جارييا ەتتٸ, دەپ حابارلايدى قازاقپارات تٸلشٸسٸ.
جيىن بارىسىندا قازاقستان پرەزيدەنتٸ ەڭ الدىمەن بارشا جۇرتشىلىقتىڭ ۇلىستىڭ ۇلى كٷنٸ ناۋرىز مەيرامىمەن شىن جٷرەكتەن قۇتتىقتادى.
«بيىلعى 19 ناۋرىزدا, كٶكتەمنٸڭ شۋاقتى كٷنٸندە بەرٸمٸز ەلٸمٸزدەگٸ تاريحي وقيعاعا كۋە بولدىق. مەملەكەت بولاشاعىن ويلاعان تۇڭعىش پرەزيدەنتٸمٸز ماڭىزدى شەشٸم قابىلدادى. وسىنداي سىندارلى كەزەڭدە ەلباسىنى جەنە مەنٸ قولداعان بارشا حالقىما ريزاشىلىعىمدى بٸلدٸرەمٸن. بٸز بيلٸكتٸڭ اۋىسۋىن تۇراقتى جاعدايدا جٷزەگە اسىرامىز. مۇنداي جاعداي دٷنيەجٷزٸ تاريحىندا بۇرىن بولماعان. بۇل ەڭ الدىمەن ەلباسىنىڭ پاراساتتىلىعىن, كەڭدٸگٸن, سونداي-اق حالقىمىزدىڭ دانالىعىن بٸلدٸرەدٸ. بٸز ەلەمگە ٶركەنيەتتٸ ەل ەكەندٸگٸمٸزدٸ تانىتىپ, ٷلگٸ كٶرسەتتٸك. وسىلايشا حالقىمىزدىڭ ساياسي مەدەنيەتٸنٸڭ جوعارى ەكەندٸگٸن دەلەلدەدٸك», - دەپ اتاپ ٶتتٸ ق.توقاەۆ.
سونىمەن قاتار مەملەكەت باسشىسى بۇل بولاشاق ۇرپاق ٷشٸن دە ٷلكەن ٷلگٸ-ٶنەگە ەكەندٸگٸن باسا ايتتى.
«مەنٸڭ نەگٸزگٸ ماقساتىم - ەلباسىنىڭ ستراتەگييالىق باعىتىنىڭ ساباقتاستىعىن قامتاماسىز ەتۋ. مەن وسى ٸستٸ جالعاستىرا بەرەمٸن. ەلباسى بٸزگە تابىستى مەملەكەت قۇرىپ بەردٸ. ول قازاقستاندى ەلەمدەگٸ وزىق ەلدەردٸڭ قاتارىنا قوسا بٸلدٸ. ەلباسى رەفورمالارى مەملەكەتتٸك ورنىقتى دامۋ جولىنا شىعاردى», - دەدٸ قر پرەزيدەنتٸ.
ق.توقاەۆ بٷگٸندە بٷگٸندە ەلەمدە بەسەكەلەستٸك پەن قاتار جاڭا سىن-قاتەرلەر ۋشىعىپ تۇرعانىن, جالپى بٷكٸل دٷنيەجٷزٸ داعدارىسقا ۇشىراعاندىعىن اتاپ ٶتتٸ. ەلەمنٸڭ بولاشاعى بۇلىڭعىر ەكەندٸگٸنە نازار اۋدارتتى.
«سوندىقتان توقتاپ قالۋعا مٷلدەم بولمايدى. حالقىمىزدىڭ بٸرلٸگٸ, ۇلتارالىق كەلٸسٸم, كٷشتٸ ەكونوميكا ەرٸ قاراي العا باسۋىمىزدىڭ نەگٸزٸ ەرٸ كەپٸلٸ», - دەدٸ مەملەكەت باسشىسى.
