رەسمي كەزدەسۋ رەسٸمٸنەن كەيٸن مەملەكەتتەر باسشىلارى شاعىن جەنە كەڭەيتٸلگەن قۇرامدا كەلٸسسٶزدەر جٷرگٸزدٸ, دەپ حابارلايدى "ۇلت اقپارات" اقورداعا سٸلتەمە جاساپ.
قاسىم-جومارت توقاەۆ قازاقستان پرەزيدەنتٸ لاۋازىمىنا كٸرٸسۋٸنە بايلانىستى قۇتتىقتاعانى جەنە جىلى لەبٸز بٸلدٸرگەنٸ ٷشٸن ۆلاديمير پۋتينگە ريزاشىلىق بٸلدٸرٸپ, ٶزٸنٸڭ العاشقى شەتەلدٸك ساپارىنىڭ رەسەي فەدەراتسيياسىنا جاسالۋىنىڭ سيمۆولدىق مەنٸن اتاپ ٶتتٸ.
مەملەكەت باسشىسى قازاقستان مەن رەسەيدٸڭ قازٸرگٸ ىقپالداستىعى كٶپشٸلٸك ٷشٸن قارىم-قاتىناس جاساۋدىڭ جارقىن ٷلگٸسٸ بولىپ سانالاتىنىن ايتتى.
– مەملەكەت باسشىسى رەتٸندە مەن قازاقستاننىڭ تۇڭعىش پرەزيدەنتٸ – ەلباسى نۇرسۇلتان ەبٸشۇلى نازارباەۆ ساياساتىنىڭ ساباقتاستىعىن قامتاماسىز ەتۋگە, قازاقستان مەن رەسەي اراسىنداعى ەكٸجاقتى ىنتىماقتاستىقتى جان-جاقتى ەرٸ بەلسەندٸ دامىتۋ ٸسٸن جالعاستىرا بەرەمٸن, – دەدٸ قاسىم-جومارت توقاەۆ.
قازاقستان پرەزيدەنتٸ ەكٸ ەلدٸڭ ەكونوميكالىق ىنتىماقتاستىعىنا, ەسٸرەسە ەنەرگەتيكا, كٶلٸك, ترانزيت, ٶنەركەسٸپ جەنە عارىش سالالارى مەسەلەلەرٸنە ارنايى توقتالدى.
– رەسەي قازاقستاننىڭ سىرتقى ساۋداسىنداعى «نٶمٸرٸ بٸرٸنشٸ» ەرٸپتەسٸ بولىپ قالا بەرەدٸ. قازاقستاننىڭ ساۋدا اينالىمىنداعى ونىڭ مەنشٸكتٸ سالماعى 19 پايىز. ينۆەستيتسييالىق ىنتىماقتاستىق دەيەكتٸ دامۋدا. ەلٸمٸزدە رەسەي كاپيتالى قاتىساتىن 9 مىڭنان استام كەسٸپورىن ٶز جۇمىستارىن تابىستى اتقارۋدا, – دەدٸ مەملەكەت باسشىسى.
رەسەي فەدەراتسيياسىنىڭ پرەزيدەنتٸ ۆلاديمير پۋتين قاسىم-جومارت توقاەۆتىڭ مەملەكەت باسشىسى رەتٸندە رەسەيگە العاشقى ساپارىنىڭ سيمۆولدىق مەنٸن اتاپ ٶتٸپ, ەكٸ ەل اراسىنداعى بايلانىستاردىڭ جوعارى دەڭگەيدە ەكەنٸن ايتتى.
– بٸزدٸڭ قارىم-قاتىناسىمىزدىڭ دەڭگەيٸن بٸلەسٸز جەنە ٶزٸڭٸز دە بۇعان كٶپ ەڭبەك سٸڭٸردٸڭٸز, ەرينە قازاقستاننىڭ تۇڭعىش پرەزيدەنتٸ نۇرسۇلتان نازارباەۆتىڭ ٷلەسٸ زور. بٸزدٸڭ جاي ەرٸپتەس قانا ەمەس, حالىقارالىق ۇيىمدار اياسىندا دا, ەكٸجاقتى بايلانىستار بويىنشا دا جاقىن وداقتاس ەكەنٸمٸز سٶزسٸز.
بٸزدٸڭ قارىم-قاتىناسىمىز ٶتە تيٸمدٸ دامۋدا. ناقتى ەرٸ ايقىن نەتيجەلەرگە قول جەتكٸزٸپ كەلەمٸز. بۇل حالىقتارىمىزدىڭ تىنىس-تٸرشٸلٸگٸنەن كٶرٸنٸس تاۋىپ وتىر. سٸزدٸڭ بٷگٸنگٸ ساپارىڭىز كەڭ اۋقىمداعى ەكٸجاقتى وداقتاستىق بايلانىستارىمىزدى نىعايتۋعا سەپتٸگٸن تيگٸزەتٸنٸنە سەنٸمدٸمٸن, – دەدٸ ۆلاديمير پۋتين.
كەزدەسۋ بارىسىندا مەملەكەتتەر باسشىلارى مەدەني-گۋمانيتارلىق سالاداعى مەملەكەتارالىق ٶزارا ىقپالداستىق مەسەلەلەرٸن تالقىلادى, سونداي-اق ٶڭٸرلٸك جەنە حالىقارالىق كٷن تەرتٸبٸندەگٸ ٶزەكتٸ تاقىرىپتار بويىنشا پٸكٸر الماستى.
