قازاقستان پرەزيدەنتٸ قاسىم-جومارت توقاەۆ - پوستكەڭەستٸك اۋماقتا عانا ەمەس, ەلەمدٸك, جاھاندىق اۋقىمداعى تانىمال ساياساتكەرلەردٸڭ بٸرٸ. بۇل پٸكٸردٸ ٶزبەكستان عىلىم اكادەميياسى تاريح ينستيتۋتى «زاماناۋي تاريح جەنە حالىقارالىق زەرتتەۋلەر» بٶلٸمٸنٸڭ مەڭگەرۋشٸسٸ, فيلوسوفييا عىلىمدارىنىڭ كانديداتى راۆشان نازاروۆ ايتتى, دەپ حابارلايدى قازاقپارات اگەنتتٸگٸنٸڭ مەنشٸكتٸ تٸلشٸسٸ.
ٶزبەكستاندىق ساراپشىنىڭ ايتۋىنشا, قر پرەزيدەنتٸ قاسىم-جومارت توقاەۆ ساياسي ورتادا عانا ەمەس, ساراپشىلار قاۋىمىندا دا ٷلكەن بەدەلگە يە.
ساراپشى پرەزيدەنتتٸڭ ٶتكەن جىلداعى باستى جەتٸستٸكتەرٸ قاتارىندا ساراپشى مەملەكەتتٸك باعىتتىڭ بٸرٸزدٸلٸگٸ قامتاماسىز ەتٸلٸپ, جاڭا ٸشكٸ ساياسي پاراديگمالار جارييالانعانىن اتاپ ٶتتٸ. بيلٸكتٸڭ ساياسي لەكسيكونى ٶزگەرٸپ, وعان «بالاما», «پليۋراليزم», «كەزەڭ-كەزەڭٸمەن ساياسي جاڭعىرۋ» سەكٸلدٸ ۇعىمدار كٸردٸ.
ر. نازاروۆتىڭ پٸكٸرٸنشە, جاڭا پرەزيدەنت تۇسىندا جاڭا ساياسي ستاندارتتار پايدا بولدى.
«رەسمي ٸس-شارالاردىڭ فورماتى ٶزگەرٸپ, ولار اشىق بولا تٷستٸ. مۇنىڭ بارلىعى - ساياسي باسقارۋ تۇرعىسىنان ٶتە ماڭىزدى قادامدار, ولار باسقارۋشى مەكەمەنٸڭ مٸنەز-قۇلىق مودەلٸنە جاڭا ستاندارتتار ورناتىپ, بيلەۋشٸ ەليتا ٷشٸن تالاپتى كٷشەيتەدٸ», - دەدٸ ساراپشى.
ونىڭ ايتۋىنشا, قازاقستاندا ازاماتتاردىڭ نەگٸزگٸ قۇقىقتارىن قورعاۋ كٷشەيتٸلدٸ, مەملەكەتتٸك اپپاراتتىڭ باسقارىلۋى مەن ونىڭ اتقارۋ تەرتٸبٸ ساقتالدى.
ەسٸرەسە, ساراپشى تۇتاس قوعام مەن حالىقتىڭ جەكەلەگەن توپتارىنىڭ ەلەۋمەتتٸك كٶڭٸل-كٷيٸنە باعىتتالعان شارالار كەشەنٸن ايرىقشا اتاپ ٶتتٸ. مۇندا قوعامنىڭ مەملەكەتكە دەگەن سەنٸمٸ مەن مەملەكەتتٸك باسقارۋ تيٸمدٸلٸگٸ ارتقان.
«ۇلتتىق يدەولوگييانى جٷزەگە اسىرۋدىڭ جاڭا باسىمدىقتارى انىقتالدى. بيىل فيلوسوف ەل-فارابيدٸڭ 1150 جىلدىعى, اقىن ابايدىڭ 175 جىلدىعى, التىن وردانىڭ 750 جىلدىعى تويلانادى. سەمەي قالاسىنىڭ ەۋەجايىنا اباي, اتىراۋ ەۋەجايىنا - ۇشقىش حيۋاز دوسپانوۆانىڭ ەسٸمٸ بەرٸلدٸ. «ورالمان» سٶزٸ قولدانىستان الىنىپ, «قانداس» تەرمينٸ ەنگٸزٸلدٸ», - دەدٸ ر. نازاروۆ.
جالپى قازاقستان پرەزيدەنتٸ مەن بٷكٸل ەلەم الدىندا ەكونوميكالىق رەتسەسسييا مەن كوروناۆيرۋس پاندەميياسى سىندى جاڭا سىن-قاتەر تۇر.
ەلەم جاڭا قيىندىققا تاپ كەلگەن كٷردەلٸ حالىقارالىق جاعدايدا قاسىم-جومارت توقاەۆ ٶزٸن تاباندى ەرٸ جٸگەرلٸ ساياساتكەر رەتٸندە كٶرسەتە الدى.
