بٷگٸن اقوردادا وتاندىق جەنە شەتەلدٸك باق ٶكٸلدەرٸنە سۇحبات بەرگەن قر پرەزيدەنتٸ قاسىم-جومارت توقاەۆ ٶڭٸرلەردەگٸ شەشٸمٸن كٷتٸپ تۇرعان باستى پروبلەمالاردى اتادى, دەپ حابارلايدى قازاقپارات تٸلشٸسٸ.
«راسىندا سايلاۋ ناۋقانى كەزٸندە مەن ايماقتاردىڭ بارلىعىن ارالاپ شىقتىم. ەربٸر ايماقتىڭ ٶز ەرەكشەلٸگٸ بار. ول زاڭدى نەرسە, دەگەنمەن, ەربٸر ايماق بٸزدٸڭ ەلٸمٸزدٸڭ دامۋىنا ٶز ٷلەسٸن قوسىپ وتىر. ال شىندىقتى ايتساق, ەلٸمٸزدە تٷيٸنٸ شەشٸلمەگەن مەسەلەلەر بار. مەن ولاردى جاقسى بٸلەمٸن, سٸزدەر دە جاقسى بٸلەسٸزدەر. بۇل - مەديتسينانىڭ ساپاسى, جالاقىنىڭ تٶمەندٸگٸ, ەكولوگييا, اۋىز سۋمەن قامتاماسىز ەتۋ جەنە تاعى باسقالارى. سوندىقتان بۇل ٶزەكتٸ مەسەلەلەردٸ بٸز باستى نازارعا الامىز», - دەدٸ مەملەكەت باسشىسى.
قازاقستان پرەزيدەنتٸ وسى ورايدا ٷكٸمەتكە تيستٸ تاپسىرمالار بەرەتٸندٸگٸن باسا ايتتى.
«قازٸرگٸ تاڭدا ناقتى شەشٸمدەر قابىلداۋ كەرەك. حالىق بٸزدەن وسى شەشٸمدەردٸ كٷتٸپ وتىر. حالىق ۇزاق سٶزدەردەن ەبدەن شارشادى. سوندىقتان مەن پرەزيدەنت رەتٸندە وسى جۇمىسپەن مٸندەتتٸ تٷردە اينالىسامىن», - دەدٸ قاسىم-جومارت توقاەۆ.
سونداي-اق, ول سىبايلاس جەمقورلىقپەن قالاي كٷرەسەتٸنٸن ايتتى.
"سىبايلاس جەمقورلىق - ٶتە كٷردەلٸ قۇبىلىس. بىلاي ايتقاندا دەرت دەپ تە ايتۋعا بولادى. باتپانداپ كٸرەتٸن, مىسقالداپ شىعاتىن كەسەل. سوندىقتان بۇل دەرتپەن مٸندەتتٸ تٷردە بەرٸمٸز قوعام بوپ كٷرەسۋٸمٸز كەرەك. ەيتپەسە كەش بولىپ قالۋى مٷمكٸن. سىبايلاس جەمقورلىقتىڭ كەسٸرٸنەن الىپ مەملەكەتتەر, ٸرٸ مەملەكەتتەر قۇلاعانىن بەرٸمٸز بٸلەمٸز, كۋە بولدىق", - دەدٸ مەملەكەت باسشىسى.
قازاقستان پرەزيدەنتٸ سىبايلاس جەمقورلىق ەربٸر مەملەكەتتە, سونىڭ ٸشٸندە دامىعان مەملەكەتتەردە دە بار ەكەنٸن اتاپ ٶتتٸ.
"بٸز سىبايلاس جەمقورلىق تۋرالى اشىق تٷردە ايتامىز. بٸزدە سىبايلاس جەمقورلىق - ٶتە ٷلكەن پروبلەما, قۇبىلىس - بٸزدٸڭ قاۋٸپسٸزدٸگٸمٸزگە سىن-قاتەر. سوندىقتان مەنٸڭ مٸندەتٸم - سىبايلاس جەمقورلىقپەن كٷرەسۋ. جاقىندا, مامىر ايىندا وسى مەسەلەگە ارنالعان ٷلكەن جينالىس بولدى. كەشەندٸ ٸس-شارالاردى قولدانامىز دەپ ويلايمىن. بۇل جٶنٸنەن حالىققا ەسەپ بەرەمٸز", - دەدٸ قاسىم-جومارت توقاەۆ.
