پرەزيدەنت قاسىم-جومارت توقاەۆ قر سىبايلاس جەمقورلىققا قارسى ٸس-قيمىل اگەنتتٸگٸنٸڭ تٶراعاسى اليك شپەكباەۆتى قابىلدادى, – دەپ حابارلايدى اقوردا.
مەملەكەت باسشىسىنا اگەنتتٸكتٸڭ ٶتكەن جىلى اتقارعان جۇمىسىنىڭ نەگٸزگٸ نەتيجەلەرٸ باياندالدى.
اليك شپەكباەۆ مەملەكەت باسشىسىنا سىبايلاس جەمقورلىققا قارسى باستامالاردىڭ ٸسكە اسىرىلۋى جەنە ەلٸمٸزدٸڭ Transparency International سىبايلاس جەمقورلىقتى قابىلداۋ يندەكسٸ بويىنشا ٸلگەرٸلەگەنٸ تۋرالى ايتتى. اگەنتتٸك تٶراعاسىنىڭ ايتۋىنشا, جٷيەلٸ جٷرگٸزٸلٸپ جاتقان ساياسي جاڭعىرۋ مەن سىبايلاس جەمقورلىققا قارسى رەفورمالاردىڭ ارقاسىندا قازاقستان اتالعان رەيتينگتە العاش رەت 38 بالل جيناعان. بۇل ەلٸمٸزدٸڭ 19 ساتىعا جوعارى كٶتەرٸلٸپ, 94-شٸ ورىنعا تابان تٸرەۋٸنە مٷمكٸندٸك بەرگەن.
قاسىم-جومارت توقاەۆ اگەنتتٸكتٸڭ شىعىنداردى ٶتەۋ جەنە تيٸمسٸز جۇمسالعان قارجىنىڭ الدىن الۋ بويىنشا اتقارعان جۇمىسىنىڭ نەتيجەسٸندە 95,6 ميلليارد تەڭگەنٸڭ كەرٸ قايتارىلعانىن, ونىڭ ەكونوميكالىق تيٸمدٸلٸگٸن وڭ باعالادى. سونداي-اق سىبايلاس جەمقورلىق قىلمىستارىنىڭ 5 پايىزعا تٶمەندەگەنٸن اتاپ ٶتتٸ.
مەملەكەت باسشىسى سىبايلاس جەمقورلىققا قارسى جاڭا زاڭنامالىق باستامالاردى ساپالى تٷردە جٷزەگە اسىرۋعا جەنە ەىدۇ مەن گرەكو ستاندارتتارىنا سەيكەس سالالىق زاڭنامانى جاڭعىرتۋدى جالعاستىرۋعا, ونىڭ ٸشٸندە, شەنەۋنٸكتەردٸڭ شىعىستارى مەن كٸرٸستەرٸ بٸر-بٸرٸنە سەيكەس كەلمەگەنٸ ٷشٸن جاۋاپكەرشٸلٸك ەنگٸزۋ مەسەلەسٸنە نازار اۋداردى.
كەزدەسۋ سوڭىندا پرەزيدەنت اگەنتتٸك تٶراعاسىنا جازانى بۇلتارتپاي ورىنداۋ قاعيداتىن قاتاڭ ساقتاۋدىڭ ماڭىزدى ەكەنٸن ايتىپ, قىلمىستىڭ الدىن الۋ ٸسٸندە ازاماتتىق قوعاممەن بايىپتى جۇمىس جٷرگٸزۋدٸ تاپسىردى.
