مەملەكەت باسشىسى قاسىم-جومارت توقاەۆ «Egemen Qazaqstan» جەنە «Aiqyn» گازەتٸنە بەرگەن سۇحباتىندا قازاق تٸلٸ مەسەلەسٸنە قاتىستى سۇراقتارعا جاۋاپ بەردٸ.
سۇحبات بارىسىندا پرەزيدەنتكە مەملەكەتتٸك تٸلدٸ دامىتۋ ٷشٸن قانداي شارالار اتقارىلۋ كەرەكتٸگٸ تۋرالى سۇراق قويىلعان بولاتىن.
«قازاقتىڭ تٸلٸ - قازاقتىڭ جانى! حالقىمىزدىڭ تاريحى دا, تاعدىرى دا - تٸلٸندە. مەدەنيەتٸ مەن ەدەبيەتٸ دە, دٸلٸ مەن دٸنٸ دە - تٸلٸندە. ۆ.رادلوۆ ايتقانداي, قازاق تٸلٸ - ەڭ تازا ەرٸ باي تٸلدٸڭ بٸرٸ. تٸل ٶتكەن تاريحپەن عانا ەمەس, بٷگٸن مەن بولاشاقتى بايلانىستىراتىن قۇرال. مەنٸڭشە, تٸلدٸڭ تۇعىرى دا, تاعدىرى دا بەسٸكتەن, وتباسىنان باستالادى. وتباسىندا انا تٸلٸندە سٶيلەپ ٶسكەن بٷلدٸرشٸننٸڭ تٸلگە دەگەن ىقىلاسى تەرەڭ, قۇرمەتٸ بيٸك بولادى. وسى تۇرعىدا, بالاباقشالاردا, مەكتەپتەردە مەملەكەتتٸك تٸلدٸڭ مەرتەبەسٸن كٶتەرۋدٸ نازاردا ۇستاۋ قاجەت. بٸز مەملەكەتتٸك تٸلدٸڭ مەرتەبەسٸن كٶتەرۋ باعىتىنداعى جۇمىستاردى ٷزدٸكسٸز جالعاستىرا بەرەمٸز», - دەدٸ قاسىم-جومارت توقاەۆ.
بۇدان بٶلەك, سۇحبات بارىسىندا لاتىن گرافيكاسىنا كٶشۋدٸڭ الداعى قادامىنا دا نازار اۋدارىلدى. بۇل رەتتە پرەزيدەنت كەز كەلگەن ۇلتتىڭ ەلٸپبي تاڭداۋى تەك جازۋ ٷلگٸسٸن تاڭداۋ ەمەس ەكەنٸن اتاپ ٶتتٸ.
«بٷگٸندە قازاقستان حالقى دا زامانا كٶشٸنەن قالماي, لاتىن گرافيكاسىنا نەگٸزدەلگەن ەلٸپبيدٸ تاڭداۋعا بەل بۋىپ وتىر. كٶرشٸ مەملەكەتتەردٸڭ كٶپشٸلٸگٸ لاتىن گرافيكاسىن تاڭدادى. ەلەمدەگٸ اقپاراتتاردىڭ 90 پايىزى لاتىن گرافيكاسىندا جارىق كٶرەدٸ. ال اقپاراتقا كٸم يەلٸك ەتسە, عىلىم مەن تەحنولوگيياعا دا سول يە بولادى. قازاق تٸلٸنٸڭ لاتىن ەلٸپبيٸنە كٶشۋٸ - رۋحاني جاڭعىرۋدىڭ ەڭ شەشۋشٸ كەزەڭدەرٸنٸڭ بٸرٸ. بۇل قوعامدىق وي مەن ساناعا تٷپكٸلٸكتٸ ٶزگەرٸس جاسايتىن قادام», - دەدٸ مەملەكەت باسشىسى.
پرەزيدەنتتٸڭ ايتۋىنشا, لاتىن ەلٸپبيٸنە كٶشۋ كەزەڭ-كەزەڭٸمەن جالعاسا بەرەدٸ. «ناقتى بەلگٸلەنگەن كەستە بار. سول جٷيەدەن اۋىتقىمايمىز. بٸراق, قوعامدىق پٸكٸر, ەلٸپبيدٸ قولدانۋ بارىسىنداعى ارتىقشىلىقتار مەن ولقىلىقتار ەسكەرٸلەدٸ», - دەدٸ قاسىم-جومارت توقاەۆ.
