كاسپيي تەڭٸزٸندە ەسكەري قىزمەتشٸلەر قازا تاپقان قايعىلى وقيعادان كەيٸن ماڭعىستاۋ وبلىسىنداعى اۋا رايى بولجامى نازارعا ٸلٸكتٸ, دەپ حابارلايدى ult.kz.
بۇل تۋرالى اقتاۋلىق بلوگەر ازامات سەنسەنباەۆ ايتتى. 24 قىركٷيەكتە قازگيدرومەت ٶڭٸردە قولايسىز اۋا رايى كٷتٸلەتٸنٸن ايتىپ, داۋىلدى ەسكەرتۋ جارييالاعان. بولجام بويىنشا, وبلىستىڭ باتىسى, سولتٷستٸگٸ جەنە ورتالىعىندا وڭتٷستٸك-شىعىستان سوققان جەلدٸڭ ەكپٸنٸ 15–20 م/س-قا دەيٸن جەتۋٸ مٷمكٸن بولعان. سونىمەن قاتار سولتٷستٸك پەن ورتالىق اۋدانداردا شاڭدى داۋىل بولۋى ىقتيمال ەكەنٸ ەسكەرتٸلگەن.
سينوپتيكتەر 25 قىركٷيەككە جاساعان بولجامدا دا وبلىستىڭ سولتٷستٸك-باتىسىندا جاڭبىر مەن نايزاعاي كٷتٸلەتٸنٸن حابارلاعان. تٷندە جەلدٸڭ ەكپٸنٸ 15–18 م/س-قا دەيٸن كٷشەيۋٸ مٷمكٸن بولعان.
ەسكەري قىزمەتشٸلەردٸڭ قازاسىنان كەيٸن ەلەۋمەتتٸك جەلٸ قولدانۋشىلارى وقيعانى ٶڭٸردەگٸ قولايسىز اۋا رايىمەن بايلانىستىرا باستادى. كەيبٸر ازاماتتار داۋىلدى ەسكەرتۋگە قاراماستان وقۋ-جاتتىعۋ ٶتكٸزۋ تۋرالى شەشٸم قابىلداعان جاۋاپتى تۇلعالاردىڭ ەرەكەتٸنە قۇقىقتىق باعا بەرٸلۋٸ كەرەك دەگەن پٸكٸر بٸلدٸردٸ.
الايدا ەسكەري قىزمەتشٸلەردٸڭ قازا بولۋىنا اۋا رايىنىڭ ناقتى ەسەرٸ بولعان-بولماعانى ەزٸرگە رەسمي تٷردە ايتىلعان جوق. وقيعانىڭ سەبەپتەرٸن انىقتاۋ ٷشٸن ٷكٸمەتتٸك كوميسسييا جۇمىس ٸستەپ جاتىر.
