كاسپيي تەڭٸزٸندەگٸ وقۋ-جاتتىعۋ كەزٸندە قازا بولعان 14 ەسكەري قىزمەتشٸنٸڭ اراسىندا بولعان وقيعادان امان قالعان ٷش ادامنىڭ بٸرٸ – نيكيتا ۋدالوۆ. ونىڭ اعاسى ەلەۋمەتتٸك جەلٸدە وتباسى اتىنان ٷندەۋ جاساپ, نيكيتانىڭ قازٸرگٸ جاعدايى تۋرالى ايتتى, دەپ حابارلايدى ult.kz.

ونىڭ سٶزٸنشە, نيكيتا قايعىلى جاعداي كەزٸندە ٶزٸ باعدار الىپ, جاعاعا دەيٸن جەتٸپ, امان قالعان.

«نيكيتا ٶز ٶمٸرٸن ٶزٸ ساقتاپ قالدى. قايعىلى جاعداي كەزٸندە ول جاعدايدى تەز باعدارلاپ, جاعاعا دەيٸن جەتٸپ, امان قالدى. قازٸر كٶپشٸلٸك ونىڭ قالاي امان قالعانىن, ناقتى نە بولعانىن بٸلگٸسٸ كەلەدٸ. الايدا ەزٸرگە نيكيتا بۇل تۋرالى ايتۋعا دايىن ەمەس», – دەپ جازدى اعاسى.

ول نيكيتانىڭ قازٸر بولعان جاعداي تۋرالى كٶپشٸلٸككە ايتىپ, سۇحبات بەرۋگە دايىن ەمەستٸگٸن اتاپ ٶتتٸ.

«ول بٸر كٷندە ۇمىتۋ مٷمكٸن ەمەس جاعدايدى باستان ٶتكەردٸ. قازٸر ول كٶپشٸلٸك الدىنا شىققىسى كەلمەيدٸ, سۇحبات بەرۋگە دە, بولعان وقيعانىڭ ەگجەي-تەگجەيٸن ايتۋعا دا دايىن ەمەس. وسىنى قۇرمەتتەۋلەرٸڭٸزدٸ ٶتٸنەمٸز», – دەلٸنگەن ٷندەۋدە.

نيكيتانىڭ اعاسى ەلەۋمەتتٸك جەلٸ قولدانۋشىلارىنان ونىڭ اتىنان تٷرلٸ اقپارات تاراتپاۋدى جەنە تەكسەرٸلمەگەن مەلٸمەتتەرگە سەنبەۋدٸ سۇرادى.

«ٶتٸنەمٸز, ونىڭ اتىنان تٷرلٸ وقيعا ويلاپ شىعارماڭىزدار. تەكسەرٸلمەگەن اقپاراتتى تاراتپاڭىزدار. ونىڭ باسىنان ٶتكەن جاعدايدى سەنساتسيياعا اينالدىرماڭىزدار», – دەدٸ ول.

سونداي-اق وتباسى ٷشٸن قازٸر ەڭ ماڭىزدىسى – نيكيتانىڭ ٶز-ٶزٸنە كەلۋٸ ەكەنٸن جەتكٸزدٸ.

كاسپييدەگٸ قايعىلى وقيعادان امان قالعان ٷش سارباز تۋرالى نە بەلگٸلٸ?

24 قىركٷيەكتە كاسپيي تەڭٸزٸندەگٸ ەسكەري وقۋ-جاتتىعۋ كەزٸندە قايعىلى جاعداي بولىپ, 14 ەسكەري قىزمەتشٸ قازا تاپتى. وقيعادان ٷش سارباز امان قالدى.

بەكەت قۋاندىق – اتىراۋ وبلىسىنىڭ تۋماسى

اتىراۋ وبلىسى ماحامبەت اۋدانىنىڭ تۇرعىنى بەكەت قۋاندىق ەسكەري قىزمەتكە 2025 جىلى اتتانعان.

تۋىستارىنىڭ ايتۋىنشا, تەڭٸز اعىسى ەسكەري قىزمەتشٸلەردٸ الىپ كەتكەن كەزدە بەكەت جاعاعا ٶز كٷشٸمەن جٷزٸپ شىققان. ول اۋرۋحاناعا جاتقىزىلماعان, قازٸر ٶزٸن جاقسى سەزٸنەدٸ جەنە ٶزدٸگٸنەن جٷرٸپ-تۇرا الادى. قازٸر وعان پسيحولوگييالىق كٶمەك كٶرسەتٸلٸپ جاتىر.

اقجول تەمٸرحان – ماڭعىستاۋ وبلىسىنىڭ تۋماسى

ەكٸنشٸ امان قالعان ەسكەري قىزمەتشٸ – ماڭعىستاۋ وبلىسىنىڭ تۇرعىنى اقجول تەمٸرحان.

ول وقيعادان كەيٸن اۋىر جاعدايدا اۋرۋحاناعا جەتكٸزٸلٸپ, جانساقتاۋ بٶلٸمٸنە جاتقىزىلعان. كەلەسٸ كٷنٸ ەسٸن جيىپ, جاعدايى تۇراقتانعان. قازٸر دەرٸگەرلەردٸڭ باقىلاۋىندا.

نيكيتا ۋدالوۆ – ورال قالاسىنىڭ تۋماسى

ٷشٸنشٸ امان قالعان ەسكەري قىزمەتشٸ – باتىس قازاقستان وبلىسىنىڭ تۋماسى نيكيتا ۋدالوۆ.

قورعانىس مينيسترلٸگٸنٸڭ مەلٸمەتٸنشە, ونىڭ جاعدايى جاقسى جەنە دەرٸگەرلەردٸڭ باقىلاۋىندا. نيكيتانىڭ تۋىستارى دا ونىڭ ٶمٸرٸنە قاۋٸپ جوق ەكەنٸن حابارلاعان.

نيكيتانىڭ اعاسى كەيٸن وتباسى اتىنان ٷندەۋ جاساپ, ساربازدىڭ قازٸر سۇحبات بەرۋگە جەنە بولعان جاعدايدى ەگجەي-تەگجەيلٸ ايتۋعا دايىن ەمەس ەكەنٸن جەتكٸزدٸ. وتباسى جۇرتشىلىقتان ونىڭ جەكە كەڭٸستٸگٸن قۇرمەتتەۋدٸ جەنە تەكسەرٸلمەگەن اقپارات تاراتپاۋدى سۇرادى.

وسىلايشا, 24 قىركٷيەكتەگٸ قايعىلى وقيعادان كەيٸن 17 ەسكەري قىزمەتشٸنٸڭ ٷشەۋٸ امان قالىپ, 14-ٸ قازا تاپتى. قايعىلى جاعدايعا قاتىستى تەرگەۋ جالعاسىپ جاتىر.