الماتى وبلىسىنىڭ مۇعالٸمٸ تانىمال توك-شوۋعا قاتىسقاننان كەيٸن جۇمىستان شىعۋعا مەجبٷر بولعانىن ايتتى, - دەپ حابارلايدى Tengrinews.kz.
34 جاستاعى ينديرا پاتتالوۆا قاراساي اۋدانى, قاسكەلەڭ قالاسىنداعى ورىس تٸلٸندە وقىتاتىن پۋشكين اتىنداعى مەكتەپتە جۇمىس ٸستەگەن. ول - اعىلشىن تٸلٸ مۇعالٸمٸ. ونىڭ ايتۋىنشا, قازاننىڭ باسىندا "ەۋرازييا" بٸرٸنشٸ ارناسىنداعى QosLike جوباسىنا قاتىسقان. ەكٸ-ٷش كٷننەن كەيٸن مەكتەپ ديرەكتورى شاقىرعان.
"4 قازاندا توك-شوۋعا العاش رەت باردىم, تٸكەلەي ەفير بولدى. باعدارلاما قاتىسۋشىلارىنىڭ بٸرٸنە ٷمٸتكەر رەتٸندە قاتىستىم. بۇل ەرەكەتٸم جۇمىسىما ەسەر ەتەدٸ دەپ ويلامادىم. الايدا مەكتەپ ديرەكتورى شاقىرىپ, تٷرلٸ سۇراقتار قويدى. ولاردىڭ ايتۋىنشا, وقۋشىلاردىڭ بٸرٸنٸڭ اتا-اناسى ەفيردٸ كٶرگەن. "ٶز قالاۋىممەن جۇمىستان كەتەمٸن" دەپ جۇمىستان شىعۋعا ارىز جازسام, جاقسى بولاتىنىن ايتتى, ياعني مەجبٷرلەدٸ. سولاي ٸستەۋٸمە تۋرا كەلدٸ.
ولاردىڭ پٸكٸرٸنشە, مۇعالٸمدەر تەلەشوۋلاردا جٷرمەۋٸ كەرەك. ولار بۇل توك-شوۋعا جۇمىسسىز ادامدار قاتىساتىنىن ايتتى. مەكتەپ ەكٸمشٸلٸگٸ باسقا اتا-انالار دا كٶرٸپ, سىن ايتادى دەپ قورىقتى. بٸراق باعدارلامادا جامان ەشتەڭە جاسامادىم, ارتىق ەشتەڭە ايتپادىم", - دەدٸ پاتتالوۆا.
بۇل سالادا ونىڭ 10 جىلدان استام تەجٸريبەسٸ بار. بۇل مەكتەپتە بٸر اي عانا جۇمىس ٸستەگەنٸن اتاپ ٶتتٸ. ونىڭ ايتۋىنشا, بۇعان دەيٸن تٶرت جىل نۇرسۇلتان ەلٸمقۇلوۆ اتىنداعى مەكتەپتە ەڭبەك ەتكەن. ول جەردە پاتتالوۆا وقۋ ٸسٸنٸڭ مەڭگەرۋشٸسٸ بولىپ جۇمىس ٸستەگەن.
"جەكە ٶمٸرٸمدٸ رەتكە كەلتٸرۋ ٷشٸن ول جەردەن كەتتٸم. سەبەبٸ اجىراسقانىما التى جىل بولدى, وسى ۋاقىت ٸشٸندە ەشكٸممەن سٶيلەسۋگە تىرىسپادىم. سوندىقتان بيىل ەر ادام ٶز ماحابباتىن ٸزدەيتٸن QosLike توك-شوۋىنا بارامىن دەپ شەشتٸم. بٸراق العاشىندا وقۋ ٸسٸ مەڭگەرۋشٸسٸ بولسام, مۇنداي باعدارلامالارعا قاتىسا المايمىن دەپ ويلادىم. سوندىقتان مۇعالٸم رەتٸندە قىزمەتٸمدٸ جالعاستىرامىن دەپ شەشٸم قابىلدادىم. جەكە ٶمٸردٸ مانساپتان بيٸك قويدىم. بٸراق بٸرٸنشٸ ەرەكەتٸم سەتسٸز بولدى", - دەدٸ ول.
ينديرا باتتالوۆا بولعان جاعدايعا ٶكٸنبەيتٸنٸن, ٶمٸرٸندە ٶزگەرٸستەر بولاتىنىنا ٷمٸتتەنەتٸنٸن ايتتى.
"مۇعالٸمدەرگە كٶپ نەرسەگە تىيىم سالىنعانىن بٸلەمٸن. بٸراق توك-شوۋعا قاتىسۋىمنىڭ سالدارى وسىلاي بولادى دەپ ويلامادىم. بۇل ەرەكەتٸمە ەشكٸم ەشتەڭە ايتپايدى, ارى كەتسە, ۇرىسادى دەپ ويلادىم. بەرٸ وسىلاي ٶزگەرٸپ كەتتٸ, بٸراق ٶكٸنبەيمٸن. قازٸر دەمالىپ جاتىرمىن, سونىمەن قاتار, بولاشاقتا نە ٸستەيتٸنٸمدٸ, جوسپارلارىمدى ويلانامىن. مٷمكٸن, رەپەتيتور بولامىن", - دەدٸ پەداگوگ.
پاتتالوۆا QosLike باعدارلاماسىنىڭ ٷش شىعارىلىمىنا قاتىستى. ول ەفيردە بولعان ۋاقىتىندا ەلەۋمەتتٸك جەلٸدە جاعىمسىز پٸكٸرلەر كەلگەنٸن ايتتى.
الماتى وبلىسىنىڭ بٸلٸم باسقارماسى پاتتالوۆانىڭ جۇمىستان كەتۋ سەبەبٸن تٷسٸندٸرمەدٸ, تەك مۇعالٸمنٸڭ جۇمىستان شىققانىن راستادى.
"ينديرا پاتتالوۆا 2021 جىلدىڭ 1 قىركٷيەگٸندە پۋشكين اتىنداعى مەكتەپكە اعىلشىن تٸلٸ پەنٸ مۇعالٸمٸ رەتٸندە جۇمىسقا قابىلداندى. 2021 جىلدىڭ 1 قازانىنان باستاپ ٶتٸنٸشٸنە بايلانىستى ٶز ەركٸمەن جۇمىستان بوساتىلدى. بۇعان دەيٸن ەلٸمقۇلوۆ اتىنداعى ورتا مەكتەپ ديرەكتورىنىڭ تەربيە ٸسٸ جٶنٸندەگٸ ورىنباسارى بولعان", - دەدٸ باسقارمادا.
