Almaty oblysynyń muǵalimi tanymal tok-shoýǵa qatysqannan keiin jumystan shyǵýǵa májbúr bolǵanyn aitty, - dep habarlaidy Tengrinews.kz.
34 jastaǵy Indira Pattalova Qarasai aýdany, Qaskeleń qalasyndaǵy orys tilinde oqytatyn Pýshkin atyndaǵy mektepte jumys istegen. Ol - aǵylshyn tili muǵalimi. Onyń aitýynsha, qazannyń basynda "Eýraziia" birinshi arnasyndaǵy QosLike jobasyna qatysqan. Eki-úsh kúnnen keiin mektep direktory shaqyrǵan.
"4 qazanda tok-shoýǵa alǵash ret bardym, tikelei efir boldy. Baǵdarlama qatysýshylarynyń birine úmitker retinde qatystym. Bul áreketim jumysyma áser etedi dep oilamadym. Alaida mektep direktory shaqyryp, túrli suraqtar qoidy. Olardyń aitýynsha, oqýshylardyń biriniń ata-anasy efirdi kórgen. "Óz qalaýymmen jumystan ketemin" dep jumystan shyǵýǵa aryz jazsam, jaqsy bolatynyn aitty, iaǵni májbúrledi. Solai isteýime týra keldi.
Olardyń pikirinshe, muǵalimder teleshoýlarda júrmeýi kerek. Olar bul tok-shoýǵa jumyssyz adamdar qatysatynyn aitty. Mektep ákimshiligi basqa ata-analar da kórip, syn aitady dep qoryqty. Biraq baǵdarlamada jaman eshteńe jasamadym, artyq eshteńe aitpadym", - dedi Pattalova.
Bul salada onyń 10 jyldan astam tájiribesi bar. Bul mektepte bir ai ǵana jumys istegenin atap ótti. Onyń aitýynsha, buǵan deiin tórt jyl Nursultan Álimqulov atyndaǵy mektepte eńbek etken. Ol jerde Pattalova oqý isiniń meńgerýshisi bolyp jumys istegen.
"Jeke ómirimdi retke keltirý úshin ol jerden kettim. Sebebi ajyrasqanyma alty jyl boldy, osy ýaqyt ishinde eshkimmen sóilesýge tyryspadym. Sondyqtan biyl ár adam óz mahabbatyn izdeitin QosLike tok-shoýyna baramyn dep sheshtim. Biraq alǵashynda oqý isi meńgerýshisi bolsam, mundai baǵdarlamalarǵa qatysa almaimyn dep oiladym. Sondyqtan muǵalim retinde qyzmetimdi jalǵastyramyn dep sheshim qabyldadym. Jeke ómirdi mansaptan biik qoidym. Biraq birinshi áreketim sátsiz boldy", - dedi ol.
Indira Battalova bolǵan jaǵdaiǵa ókinbeitinin, ómirinde ózgerister bolatynyna úmittenetinin aitty.
"Muǵalimderge kóp nársege tyiym salynǵanyn bilemin. Biraq tok-shoýǵa qatysýymnyń saldary osylai bolady dep oilamadym. Bul áreketime eshkim eshteńe aitpaidy, ary ketse, urysady dep oiladym. Bári osylai ózgerip ketti, biraq ókinbeimin. Qazir demalyp jatyrmyn, sonymen qatar, bolashaqta ne isteitinimdi, josparlarymdy oilanamyn. Múmkin, repetitor bolamyn", - dedi pedagog.
Pattalova QosLike baǵdarlamasynyń úsh shyǵarylymyna qatysty. Ol efirde bolǵan ýaqytynda áleýmettik jelide jaǵymsyz pikirler kelgenin aitty.
Almaty oblysynyń bilim basqarmasy Pattalovanyń jumystan ketý sebebin túsindirmedi, tek muǵalimniń jumystan shyqqanyn rastady.
"Indira Pattalova 2021 jyldyń 1 qyrkúieginde Pýshkin atyndaǵy mektepke aǵylshyn tili páni muǵalimi retinde jumysqa qabyldandy. 2021 jyldyń 1 qazanynan bastap ótinishine bailanysty óz erkimen jumystan bosatyldy. Buǵan deiin Álimqulov atyndaǵy orta mektep direktorynyń tárbie isi jónindegi orynbasary bolǵan", - dedi basqarmada.
