حح عاسىردىڭ 20-30-جىلدارى قازاق قوعامى ٷشٸن وڭاي بولمادى. قولدان ۇيىمداستىرىلعان الاپات اشتىق پەن ساياسي رەپرەسسييانىڭ سالدارىنان تٷرلٸ دەرەكتەر بويىنشا قازاق حالقىنىڭ جارتىسىنا جۋىعى قىرىلىپ قالدى. ونىڭ ٸشٸندە 20 مىڭعا جۋىعى جازىقسىز تٷرمەگە قامالىپ, ەندٸ بٸرٸ اتۋ جازاسىنا كەسٸلگەن-دٸ. حالىقتى بٸر ٷزٸم نانعا زار قىلىپ, ەلدەگٸ زييالى قاۋىم ٶكٸلدەرٸن جازىقسىز جاپا شەكتٸرگەن بۇل وقيعا ەربٸر قازاقتىڭ ەسٸندە. الايدا سونداي زۇلمات زاماندا ەلٸ, جەرٸ ٷشٸن كٷرەسكەن ازاماتتارىمىز ەلٸ كٷنگە اقتالماي كەلەدٸ. سودان بولۋ كەرەك, ولاردى ەلٸگە دەيٸن حالىق جاۋى دەپ قابىلدايتىن اقساقالدارىمىز دا بار ارامىزدا.
مۇنىڭ بەرٸ – اسىل ازاماتتارىمىزدىڭ ۋاقىتىلى اقتالماۋىنان. مىسالى, ەلەمدە بارلىق دەرلٸك مەملەكەتتەر تەۋەلسٸزدٸككە قول جەتكٸزگەننەن كەيٸن بٸرٸنشٸ كەزەكتە مەملەكەتتٸك شارا رەتٸندە ٶز حالقىنىڭ ازاتتىعى, ٶز جەرٸنٸڭ بٸرتۇتاستىعى مەن بٷتٸندٸگٸ, تەۋەلسٸزدٸگٸ جولىندا كٷرەسكەن ۇل-قىزدارىنىڭ (قازا تاپقان جەنە كٶزٸ تٸرٸ) تاعدىرى, كٶرسەتكەن ەرلٸگٸ جٶنٸندە شەشٸم قابىلدايدى. ولار وتانىن, جەرٸن قورعاۋشىلاردى ۇلتتىق باتىر دەرەجەسٸنە كٶتەرٸپ, ۇلىقتايدى. دەلەل رەتٸندە ايتساق, ليتۆا رەسپۋبليكاسى كەڭەستٸك وتارلاۋعا قارسى نەبارى 50 جىل كٷرەسكەن تۇلعالاردى اقتاپ الۋ, ولاردىڭ بۇزىلعان قۇقىقتارىن قالپىنا كەلتٸرۋ بويىنشا 29 جوعارى مەملەكەتتٸك اكت قابىلداپتى. ونىڭ 10-ى – زاڭ, 19-ى – ٷكٸمەت قاۋلىسى. گرۋزين رەسپۋبليكاسى بولسا, ەل تەۋەلسٸزدٸگٸ جولىندا كٷرەسكەن جەنە ۇلت-ازاتتىق كٷرەسكە قاتىسقانى ٷشٸن قۋعىن-سٷرگٸنگە ۇشىراعان تۇلعالاردىڭ ەرلٸكتەرٸنە قاتىستى ەدٸلەتتٸلٸكتٸ قالپىنا كەلتٸرۋ تۋرالى مەملەكەتتٸك دەكرەت جارييالاعان. تٸپتٸ, جاڭا دەموكراتييالىق رەسەيدٸڭ ٶزٸندە «ساياسي قۋعىن-سٷرگٸن قۇرباندارىن اقتاۋ تۋرالى», «قازا تاپقان وتان قورعاۋشىلارى تۋرالى», «قۋعىن-سٷرگٸنگە ۇشىراتىلعان حالىقتاردى اقتاۋ تۋرالى» زاڭدار مەن «نەگٸزسٸز قۋعىن-سٷرگٸن قۇربانى بولعان دٸني قىزمەتشٸلەر مەن دٸندارلاردى اقتاۋ تۋرالى» پرەزيدەنت اكتٸسٸ جەنە باسقا دا زاڭنامالىق اكتٸلەر قابىلدانعان. قازاقستاندا دا بٸرقاتار ماڭىزدى مەملەكەتتٸك شەشٸمدەر جٷزەگە استى. اتاپ ايتقاندا, تاريحي جەنە مەدەني ەسكەرتكٸشتەردٸ قالپىنا كەلتٸرۋگە, قازاق تٸلٸن, سەۋلەت قۇرىلىستارىن قايتا تٷلەتۋگە باعىتتالعان باعدارلامالار, عىلىمي-پراكتيكالىق كونفەرەنتسييالار بولدى. الايدا مۇنىڭ بەرٸ كٶبٸنە مەرەيتويلىق داتالارعا ارنالىپ, سالتاناتتى ٸس-شارالار تويلار فورماتىندا ٶتكٸزٸلٸپ جٷر. سونداي-اق, تۇتاس بٸر حالىقتىڭ جارتىسىن بٸر تٸستەم نانعا زار قىلىپ, ازاپتى اجال قۇشتىرعان, قولدان جاسالعان زۇلماتاشتىقتىڭ قۇربانى بولعان بايىرعى حالىق قازاقتاردىڭ ٶكٸلدەرٸنە قاتىستى بٸردە-بٸر ارنايى مەملەكەتتٸك اكت قابىلداماعان. وسىعانوراي, قازاقستاننىڭبوستاندىعى مەن تەۋەلسٸزدٸگٸ ٷشٸن كٷرەستە زارداپ شەككەن تۇلعالاردى اقتاۋ مەن ولاردىڭ ەسٸمدەرٸن مەڭگٸ ەستە ساقتاۋ جٶنٸندەگٸ «قاھارماندار» رەسپۋبليكالىق قوعامدىق قورىنىڭ پرەزيدەنتٸ سابىر قاسىموۆ قىزىلوردا وبلىسىنا ارنايى كەلٸپ, سىر ٶڭٸرٸنٸڭ زييالى قاۋىم ٶكٸلدەرٸمەن كەزدەستٸ.
– «قاھارماندار» قورىنىڭ نەگٸزگٸ ماقساتى – ەلباسىنىڭ «رۋحاني جاڭعىرۋ» باعدارلاماسىنىڭ اياسىندا بۇرىنعى ەل ٷشٸن, قازاقستاننىڭ بوستاندىعى, تەۋەلسٸزدٸگٸ ٷشٸن كٷرەسٸپ, زارداپ شەككەن اقتالماعان ازاماتتاردى اقتاپ, ٶشٸپ قالعان اتتاردى ەلگە قايتارۋ, سولاردىڭ ەرلٸگٸنٸڭ ارقاسىندا جاستاردى تەربيەلەۋ. بٸزدە كٶپ دٷنيە جاسالدى. ەلباسى بۇل باعىتتى قولداپ, ٷلكەن تانىمال باتىر, حان, جازۋشىلاردى اقتاۋ جۇمىستارى جٷرگٸزٸلدٸ. ەلدە دە اتقارىلاتىن جۇمىستار بار. قىزىلوردا وبلىسىنا ارنالعان ساپاردىڭ ماقساتى – سىر ٶڭٸرٸ زييالى قاۋىم ٶكٸلدەرٸمەن كەزدەسٸپ, عىلىمي ورتانى قالىپتاستىرۋ. قوردىڭ ٶڭٸردەگٸ فيليالىن قۇرىپ, ونىڭ العا قويعان مٸندەتتەرٸن ورىنداۋ ٷشٸن بٸرٸگٸپ جۇمىس جاساۋعا شاقىرۋ,-دەدٸ قور پرەزيدەنتٸ سابىر احمەتجانۇلى.
قورقىت اتا اتىنداعى قمۋ-دىڭ ستۋدەنتتەر سارايىندا ٶتكەن دٶڭگەلەك ٷستەلگە اتالمىش وقۋ ورنىنىڭ پروفەسسور-وقىتۋشىلارى, ماگيسترانتتار مەن ستۋدەنتتەر قاتىستى. ولار سىر بويى ٶڭٸرٸندە دە كٶتەرٸلٸستەردٸڭ بولعانىن, الايدا قازا تاپقاندار مەن قاتىسقاندار تۋرالى دەرەكتەردٸڭ تولىق ەمەستٸگٸن ايتىپ, الداعى قابىلدانعالى جاتقان قۇجاتقا جاڭا تٸزٸمدەردٸ دە ەنگٸزۋ تۋرالى قور پرەزيدەنتٸنە ۇسىنىس جاسادى. سونداي-اق, ۋنيۆەرسيتەت ماگيسترانتى باقىتجان احمەتبەك قاراقۇم, قىزىلقۇم جەرلەرٸندە بولعان بەس كٶتەرٸلٸس باسشىلارىنىڭ ەلەنبەي كەلە جاتقانىن ايتىپ, اتالعان كٶتەرٸلٸستەردٸ ناسيحاتتاپ, عىلىمي كونفەرەنتسييالار ۇيىمداستىرىپ, ەسكەرتكٸشتەر ورناتۋ كەرەكتٸگٸ جٶنٸندەگٸ پٸكٸرٸن بٶلٸستٸ.
