قازاقستاندىق كەسٸپقوي بوكسشى جەنٸبەك ەلٸمحانۇلى (2-0-0,1كو) امەريكاداعى العاشقى جەكپە-جەگٸندە كولۋمبييالىق بوكسشىمەن جۇدىرىقتاسادى, دەپ حابارلايدى "ۇلت اقپارات".
بوكسشىنىڭ PR-مەنەدجەرٸ بەرٸك سۇلتاننىڭ حابارلاۋىنشا, وتانداسىمىز كەسٸپقوي رينگتەگٸ ٷشٸنشٸ جەكپە-جەگٸن 28 قىركٷيەك كٷنٸ امەريكانىڭ كاليفورنييا شتاتى وكلەند قالاسىندا ٶتكٸزەدٸ. جەنٸبەكتٸڭ قارسىلاسى - كولۋمبييالىق كارلوس گالۆان.
ايتا كەتەيٸك, كارلوس گالۆان 2011 جىلى 30 قىركٷيەكتە العاش كەسٸپقوي رينگكە شىعىپ, جالپى 24 كەزدەسۋ ٶتكٸزگەن. 27 جاسار بوكسشى كەسٸپقوي رينگتە 16 رەت جەڭٸسكە جەتٸپ, 15 قارسىلاسىن نوكاۋتقا جٸبەرگەن, 7 جەكپە-جەكتە جەڭٸلٸپ, 1 رەت تەڭ تٷسكەن.
ەسكە سالايىق, جەنٸبەك ەلٸمحانۇلى ٷستٸمٸزدەگٸ جىلدىڭ قاڭتار ايىندا قر ۇلتتىق قۇراماسىنداعى مانسابىنىڭ اياقتالعانىن جارييالاعان بولاتىن. كەيٸننەن كەسٸپقوي بوكسقا بٸرجولا بەت بۇرعانى بەلگٸلٸ بولدى.
ارادا كٶپ ٶتپەي ونىڭ بەلگٸلٸ پروموۋتەر بوب ارۋمنىڭ «Top Rank» كومپانيياسىمەن كەلٸسٸمشارت جاساسقانى حابارلاندى.
