تاياۋدا ٶتكەن ٷكٸمەتتٸڭ كەڭەيتٸلگەن وتىرىسىندا مەملەكەت باسشىسى سالىقتىق ەكٸمشٸلەندٸرۋدٸ تٷبەگەيلٸ جەڭٸلدەتۋ بويىنشا مٸندەتتەر قويدى. قر قم مەملەكەتتٸك كٸرٸستەر كوميتەتٸنٸڭ تٶراعاسى مارات سۇلتانعازيەۆ وسى تاپسىرما قالاي ورىندالىپ جاتقانىن ايتىپ بەردٸ, دەپ حابارلايدى قازاقپارات.
اتاپ ايتقاندا, بيىلدان باستاپ جەكە تۇلعالاردىڭ مٷلٸك مەن جەر سالىقتارى بٸرٸكتٸرٸلگەن. ياعني ەكٸ سالىق تا بٸرىڭعاي تٶلەممەن تٶلەنەدٸ. سونىمەن بٸرگە كٶپقاباتتى ٷيدەگٸ پەتەر يەلەرٸنە ارنالعان جەر سالىعى الىنىپ تاستالدى. سالىق تٶلەۋشٸلەر ٷشٸن مٷلٸك سالىعىن تٶلەۋگە ىڭعايلى بولۋ ٷشٸن «E-Salyq ازامات» موبيلدٸ قوسىمشاسى جاسالعان. بۇل قوسىمشا مەلٸمەتتەردٸ تولتىرماي سالىق تٶلەۋگە, 2 مينۋت ٸشٸندە ونلاين رەجيمٸندە شوتقا اقشا جٸبەرۋدٸ, ارتىق تٶلەمدەردٸ باسقارۋعا مٷمكٸندٸك بەرەدٸ. بٷگٸنگٸ تاڭدا سالىق ەمييانىنىڭ پايدالانۋشىلارىنىڭ سانى 130 مىڭنان اسادى.
«ەگەر سٸز قازٸر مٷلٸك سالىعىن تەكسەرگٸڭٸز كەلسە, AppStore نەمەسە PlayMarket-تە ٸزدەۋ جولاعىندا «e-Salyq Azamat» قوسىمشاسىنىڭ اتىن تەرٸپ, جٷكتەپ الۋىڭىز كەرەك. ال جەكە كەسٸپكەرلەر ٷشٸن «E-Salyq-business» قوسىمشاسى جاسالۋدا», دەپ اتاپ ٶتتٸ كوميتەت باسشىسى.
ول سونىمەن قاتار جەكە كەسٸپكەرلٸكتٸ تٸركەۋدٸ جەنە جابۋدى, سالىق ەسەپتٸلٸگٸن تاپسىرۋدى وڭايلاتۋ, كوميسسييالىق تٶلەمدەر مەن فيسكالدىق دەرەكتەر وپەراتورلارىنىڭ قىزمەتتەرٸ ٷشٸن تٶلەمدەردٸ جويۋ قاراستىرىلعانىن مەلٸم ەتتٸ. بۇل قوسىمشالار ەسەپتٸلٸكتٸ اۆتوماتتى تٷردە جاساپ, سالىق تٶلەۋشٸ ونى راستاي الادى نەمەسە تٷزەتۋٸ ەنگٸزە الادى.
