«اتامەكەن» ۇلتتىق كەسٸپكەرلەر پالاتاسى باسقارما تٶراعاسىنىڭ ورىنباسارى ەربول ٶستەمٸروۆ كەسٸپكەرلٸكتٸ رەتتەۋ سالاسىنداعى نەگٸزگٸ ٷردٸستەر تۋرالى ايتىپ بەردٸ, دەپ حابارلايدى قازاقپارات.
«ٶتكەن جىلى مەملەكەت باسشىسى رەتتەۋ ٸس-شارالارىنا قاتىستى تيٸستٸ تاپسىرما بەرگەن بولاتىن. بۇل ٶز كەزەگٸندە بارشا رەتتەۋ سالاسىن قايتا قاراۋدى بٸلدٸرەدٸ. سوڭعى جىلدارى تيٸستٸ وڭتايلى جۇمىس جٷرگٸزٸلدٸ. كەسٸپكەرلەرگە قولايلى جاعداي جاساۋ ٷشٸن جىل سايىن زاڭ جوبالارى قابىلدانىپ كەلەدٸ. جالپى, وسى رەفورمالار نەتيجەسٸندە رۇقساتنامالار سانى بٸزدە 74 پايىزعا قىسقاردى, ياعني بۇعان دەيٸن 1,2 مىڭنان استام رۇقساتنامالار بولسا, قازٸر 278-ٸ قالدى», - دەدٸ ە. ٶستەمٸروۆ ونلاين رەجيمدە ٶتكەن كونفەرەنتسييادا.
ونىڭ ايتۋىنشا, بيزنەسكە قاتىستى تالاپتار دا ازايدى.
«مەملەكەتتٸك قاداعالاۋ سالاسى وڭتالاندىرىلدى, پروفيلاكتيكالىق باقىلاۋ تٷسٸنٸگٸ ەنگٸزٸلٸپ, تەكسەرۋلەر مەرزٸمٸ قىسقاردى. ەگەر ەلدٸڭ يميدجٸ ٷشٸن وڭ نەتيجەگە توقتالساق, دٷنيەجٷزٸلٸك بانك جٷرگٸزەتٸن Doing business رەيتينگٸ بار. وسى رەيتينگٸدە قازاقستان سوڭعى جىلدارى 50 پوزيتسيياعا كٶتەرٸلدٸ», - دەدٸ سپيكەر.
سونىمەن قاتار ول كەسٸپكەرلەرگە قاتىستى رەتتەۋ سالاسىندا مەسەلەلەر بار ەكەنٸن اتاپ ٶتتٸ. بۇل تۇرعىدا ەكٸمشٸلٸك جاۋاپكەرشٸلٸككە تارتىلعان كەسٸپكەرلەر سانى ارتقان. ستاتيستيكا بويىنشا 2015 جىلدان بەرٸ لاۋازىمدى تۇلعالار مەن مەملەكەتتٸك ورگاندار ٸس-قيمىلىنا شاعىم تٷسٸرۋ بويىنشا ٶتٸنٸمدەر كٶبەيگەن.
