پاۆلودار قالاسىنداعى دوستىق ٷيٸندە قازاق تٸلٸ بٸلگٸرلەرٸنٸڭ «پاراساتتى كەسٸپكەر» بايقاۋى ٶتكٸزٸلدٸ. وبلىستىق تٸلدەردٸ دامىتۋ جٶنٸندەگٸ باسقارماسى «رۋحاني جاڭعىرۋ» باعدارلاماسى شەڭبەرٸندە جەنە مەملەكەتتٸك تٸل ساياساتىن ٸسكە اسىرۋ ماقساتىندا كەسٸپكەرلەر اراسىندا مەملەكەتتٸك تٸلگە ارنالعان كونكۋرس ۇيىمداستىردى.
بايقاۋعا پاۆلودار, اقسۋ جەنە ەكٸباستۇز قالالارىنىڭ تٷرلٸ دەڭگەيدەگٸ تۇرعىندارعا قىزمەت كٶرسەتۋ سالاسىنداعى كەسٸپكەرلەردەن قۇرالعان 5 كوماندا قاتىستى. سايىس ٷش كەزەڭدە ٶتتٸ. بٸرٸنشٸ كەزەڭدە كوماندالار ٶزدەرٸن تانىستىرىپ, ٷي تاپسىرماسىن ورىنداسا, ەكٸنشٸ كەزەڭدە تٷرلٸ قىزمەت كٶرسەتۋ سالالارىندا كەزدەسەتٸن سيتۋاتسييالىق تاپسىرمالاردى ورىندادى. قورىتىندى كەزەڭدە تەرمين سٶزدەردٸ اۋدارىپ, وقيعا جەلٸسٸ بويىنشا مەتٸن قۇراستىردى.
بارلىق قاتىسۋشىلار مەملەكەتتٸك تٸلدەگٸ بٸلٸمدەرٸن ورتاعا سالىپ, جاڭا تەرمين سٶزدەردٸ ساۋاتتى پايدالانىپ, سيتۋاتسييالىق تاپسىرمالاردى شەبەرلٸكپەن شەشتٸ. بارلىق كوماندالار ٶزدەرٸنٸڭ ەرەكشەلٸكتەرٸمەن جەنە بەلسەندٸلٸكتەرٸمەن تانىلدى. ەدٸلقازىلار القاسىنىڭ شەشٸمٸمەن ٸ ورىنعا «ۇلتتىق مۇرا» كومانداسى (پاۆلودار قالاسى), ەكٸنشٸ ورىنعا «بەلسەندٸ كٶمٸر» كومانداسى (ەكٸباستۇز قالاسى) جەنە ٷشٸنشٸ ورىنعا «سامعا» كومانداسى (اقسۋ قالاسى) لايىقتى دەپ تانىلدى. سايىسقا قاتىسۋشىلاردى قۇتتىقتاعان وبلىستىق تٸلدەردٸ دامىتۋ جٶنٸندەگٸ باسقارماسىنىڭ باسشىسى س.وسمانوۆا: «مۇنداي ٸس-شارالار كەلەشەكتە دەستٷرگە اينالاتىنىن, بۇل كونكۋرس العاش رەت ٶتكٸزٸلٸپ جاتقانىن العا تارتىپ, بارلىق قاتىسۋشىلار مەملەكەتتٸك تٸلدەگٸ بٸلٸمدەرٸن عانا ەمەس, سونىمەن قاتار وبلىس تۇرعىندارىنا قىزمەت كٶرسەتۋگە قاجەتتٸ ٶزدەرٸنٸڭ جان-جاقتى, شاپشاڭ قاسيەتتەرٸن دە كٶرسەتە بٸلدٸ» دەپ اتاپ ٶتتٸ.
يە, وبلىس كٶلەمٸندە مەملەكەتتٸك تٸلگە ەرەكشە نازار اۋدارىلىپ كەلەدٸ. سونىڭ بٸر دەلەلٸندەي, جۋىردا «رۋحاني جاڭعىرۋ» اياسىندا پاۆلودار وبلىسىنىڭ تٸلدەردٸ دامىتۋ جٶنٸندەگٸ باسقارماسىنىڭ ۇيىمداستىرۋىمەن ۋسپەن اۋدانىنىڭ ٸس جٷرگٸزۋشٸلەرٸنە, اۋدارماشىلارىنا جەنە قازاق تٸلٸ ماماندارىنا ارنالعان «اۋدارما مەدەنيەتٸ, رەسمي قۇجات ساۋاتتىلىعى مەن مەملەكەتتٸك تٸلدٸ ساپالى وقىتۋ جولدارى» تاقىرىبىندا كەزەكتٸ وبلىستىق كٶشپەلٸ سەميناردى ايتۋىمىزعا بولادى. جالپى اعىمداعى جىلدىڭ باسىنان باستاپ ٶتكٸزٸلگەن سەمينارعا اقتوعاي, لەبياجٸ, شارباقتى جەنە ۋسپەن اۋداندارىنان 200-گە جۋىق ٸس جٷرگٸزۋشٸلەر, اۋدارماشىلار مەن قازاق تٸلٸ ماماندارى قاتىستى. اتالعان شارانىڭ پلەنارلىق بٶلٸمٸندە مەملەكەتتٸك تٸل ساياساتىن جٷزەگە اسىرۋعا بايلانىستى مەسەلەلەر كٶتەرٸلٸپ, قازاق تٸلٸن وقىتۋ جٶنٸندەگٸ ستاندارت پەن تيپتٸك باعدارلامانى ٸسكە اسىرۋداعى وقىتۋشىلار جۇمىسىنىڭ نەگٸزگٸ باعىتتارى قاراستىرىلدى. مۇنداعى باستى ماقسات – قالا, اۋداندارداعى قازاق تٸلٸ وقىتۋشىلارىنىڭ بٸلٸكتٸلٸگٸن ارتتىرۋ. وسىنداي باعىتتاعى جۇمىستار الداعى ۋاقىتتا دا ٶز جالعاسىن تابا بەرمەك.
ايتۋعان دەۋلەت
