قاشىقتان وقىتۋ كەزٸندە مۇعالٸمدەردەن ەسەپتٸلٸك سۇراۋ قاراستىرىلمايدى. قر بٸلٸم جەنە عىلىم ۆيتسە-مينيسترٸ شولپان كارينوۆا ونلاين بريفينگٸدە وسىلاي مەلٸم ەتتٸ, دەپ حابارلايدى قازاقپارات.
«قايبٸر جاعدايدا دا ەر مۇعالٸم ٶزٸ ٷشٸن فورماتتاردىڭ بٸرنەشە تٷرٸ بار ەكەندٸگٸن بٸلۋٸ كەرەك. بٸز بارلىق وقۋشىنى وقۋمەن قامتۋعا تيٸستٸمٸز. نەگٸزگٸ ۇستانىمداردى مۇعالٸمدەر بٸلەدٸ, ياعني كٷندەلٸكتٸ جوسپارلارىندا وقۋدىڭ مازمۇنى, كٶلەمٸ مەن بەرٸلەتٸن ماتەريالداردان حاباردار. وسى ماتەريالدار بالاعا جەتكٸزٸلۋٸ تيٸس», - دەدٸ ۆيتسە-مينيستر.
ونىڭ سٶزٸنە قاراعاندا, تيٸستٸ بۇيىرىقتا كٶرسەتٸلگەندەي, وسى تٶرتٸنشٸ توقساننىڭ ٸشٸندە ەر پەن بويىنشا تەك بٸر جيىنتىق باعالاۋ جۇمىسى بولادى جەنە توقساندىق باعالاۋ جٷيەسٸ قامتىلادى.
«وسى قالىپتاستىرۋشى باعالاۋ جٷيەسٸندە وقۋشىلارمەن كەرٸ بايلانىستىڭ ارقاسىندا مۇعالٸم ەر وقۋشىنىڭ ساباقتى مەڭگەرگەن دەيگەيٸن ٶز ٷشٸن باقىلاپ وتىرادى. وسى ٷش فورماتتى پايدالانعان جاعدايدا دا بٸرٸنشٸ كەزەكتە مۇعالٸمدەردٸڭ ەسكەرەتٸندٸگٸ – ول بارلىق شارالار پەداگوگتىڭ ٶزٸنٸڭ شىعارماشىلىق شەشٸمدەرٸنە بالانىستى بولادى. قاشىقتان وقىتۋ كەزٸندە ەشبٸر كٷشتەۋ نەمەسە ەسەپتٸلٸك سۇراۋ قاراستىرىلمايدى. بۇل تۇرعىدا مۇعالٸمدەر ىڭعايلى ەرٸ يكەمدٸ ساباق كەستەسٸ بويىنشا جۇمىس ٸستەيدٸ. وسىنىڭ اياسىندا ۇستازدار ساباقتىڭ مازمۇنىن, پەننٸڭ تولىققاندى كٶلەمٸن بەرۋگە تيٸستٸ», - دەدٸ شولپان كارينوۆا.
بۇدان بۇرىن حابارلانعانداي, قاشىقتان وقىتۋ اياسىندا مەكتەپ وقۋشىلارىنا ارنالعان تەلەساباقتاردىڭ كەستەسٸ 5 سەۋٸرگە دەيٸنگٸ ارالىقتا بەرٸلەدٸ.
سونىمەن قاتار قازاقستاندا مەكتەپ وقۋشىلارىنىڭ ساباعى جاز ايلارىنا شەگەرٸلمەيتٸنٸ ايتىلدى.
